Wednesday, September 28, 2022
ሌሎች ዓምዶች
    - ማስታወቂያ -
    - ማስታወቂያ -

    ከሕግ ውጪ ምርታቸውን ለአገር ውስጥ እያቀረቡ ባሉ አምራቾች ላይ ምርመራ ተጀመረ

    - ማስታወቂያ -

    ተዛማጅ ፅሁፎች

    የኢትዮጵያ ገቢዎችና ጉምሩክ ባለሥልጣን ለውጭ ገበያ ኤክስፖርት የማድረግ ሕጋዊ ግዴታ እያለባቸው፣ አገር ውስጥ በሚያቀርቡ ኩባንያዎች ላይ ምርመራ መጀመሩን ለጉዳዩ ቅርበት ያላቸው ምንጮች ገለጹ፡፡

    መንግሥት የአገሪቱን የኢንዱስትሪ ዕድገት በማፋጠን የኢኮኖሚ ልማትን ማረጋገጥና ለልማትና ኢንቨስትመንት የሚያስፈልገውን የውጭ ምንዛሪ ግኝት ለማጎልበት፣ በወጪ ንግድ (ኤክስፖርት) ላይ የሚሳተፉ የአገር ውስጥም ሆነ የውጭ ባለሀብቶችን የሚያበረታታ ሥርዓት መፍጠሩ ይታወሳል፡፡ በዚህ ሥርዓት ውስጥ እየተሳተፉ ያሉ በርካታ ድርጅቶች በሕግ የሚጠበቅባቸውን ኃላፊነት ወደ ጎን በመተው፣ ለአገር ውስጥ ገበያ ምርቶቻቸውን እያቀረቡ የመንግሥትን ጥቅም እያሳጡ መሆናቸውን ምንጮች ጠቁመዋል፡፡

    መንግሥት በአዋጅ ቁጥር 768/2005 በወጣው የወጪ ንግድ የቀረጥ ማበረታቻ ሥርዓት ጥሬ ዕቃዎቻቸውን ከቀረጥ ነፃ እንዲያስገቡና በዜሮ ታሪፍ ወደ ውጭ ኤክስፖርት የሚያደርጉበት ሥርዓት መፈጠሩን፣ እንዲሁም ሌሎች ማበረታቻዎች መስጠታቸውን የሚገልጹት እነዚሁ ምንጮች፣ መንግሥት በአጠቃላይ በሚሰጠው የቀረጥ ማበረታቻ ሥርዓት በዓመት እስከ 60 ቢሊዮን ብር እያጣ መሆኑን አስረድተዋል፡፡

    ይህንን የሚያህል ግዙፍ ገቢ ለመተው መንግሥት የወሰነው በወጪ ንግድ ተወዳዳሪ ለመሆንና የአገሪቱን የውጭ ምንዛሪ ፍላጎት ለማሟላት መሆኑንም አክለዋል፡፡

    ይሁን እንጂ በርካታ በወጪ ንግድ ላይ የሚሳተፉ የውጭና የአገር ውስጥ አምራቾች አንዴ በሎጂስቲክስ ችግር፣ በሌላ ጊዜ ደግሞ የጥሬ ዕቃ አቅርቦትና የመሳሰሉ ችግሮችን በመጥቀስ ምርቶቻቸውን ለአገር ውስጥ እያቀረቡ መሆኑን ጠቁመዋል፡፡ አንዳንዶች ደግሞ ‹‹20 በመቶ የሚሆነውን ምርት ለአገር ውስጥ ገበያ ማቅረብ እንችላለን፣ ሕጉ ይፈቅድልናል፤›› በማለት ለአገር ውስጥ ገበያ ማቅረባቸውን ገልጸዋል፡፡

    ባለሥልጣኑ በተወሰኑ የተመረጡ ድርጅቶች ላይ ባካሄደው ኦዲት ግን ለአገር ውስጥ እያቀረቡ ባለው ምርት ላይ ተገቢውን ታክስ እንደማይከፍሉም ማረጋገጡን አስታውቀው፣ በዚህ የተነሳም ሰፊ የምርመራ ሥራ መጀመሩን ምንጮች አረጋግጠዋል፡፡

     

    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች