Saturday, November 26, 2022
ሌሎች ዓምዶች
    - ማስታወቂያ -
    - ማስታወቂያ -

    መንግሥት በአክሰስ ሪል ስቴት ችግሮች ላይ ዕርምጃ መወሰድ ጀመረ

    - ማስታወቂያ -

    ተዛማጅ ፅሁፎች

    መንግሥት በአክሰስ ሪል ስቴት ውስጥ የተፈጠረውን ችግር ለመፍታት አምስት የመፍትሔ ሐሳቦችን በማቅረብ ዕርምጃ መውሰድ መጀመሩን አስታወቀ፡፡

     ሰኞ ጥር 2 ቀን 2007 ዓ.ም. በተደረገ ስብሰባ እንደተገለጸው፣ ከተወሰዱ ዕርምጃዎች መካከል ከአክሰስ ሪል ስቴት ቤት ለመግዛት ውል የፈጸሙ 2,400 ሰዎች መሬቱ በስማቸው እንዲዞር ማድረግን ይጨምራል፡፡

    ቤት ገዥዎቹ ራሱን የቻለና ሕጋዊ ዕውቅና ያለው ተቋም መመሥረት እንዳለባቸው፣ ይህንንም ሕጋዊ ተቋም የማቋቋሙን ሥራ በሁለት ሳምንት ውስጥ እንዲጀምሩ የከተማ ልማትና ቤቶች ሚኒስትሩ አቶ መኩሪያ ኃይሌ ገልጸዋል፡፡

    ከዚህ በተጨማሪም የአክሰስ ሪል ስቴት ባለአክሲዮኖች ተጨማሪ መዋዕለ ንዋይ እንዲያቀርቡ፣ ይህ ካልሆነ ግን የተፈጠረውን ችግር ለመፍታት አስቸጋሪ በመሆኑ ባለአክሲዮኖቹ በሁለት ሳምንት ጊዜ ሐሳባቸውን እንዲያሳውቁ አቶ መኩሪያ አሳስበዋል፡፡

    ከቀረቡ የመፍትሔ ሐሳቦች ውስጥ አክሲዮን ማኅበሩ ያለበት ወቅታዊ ሁኔታ ተገምግሞ የመፍትሔው አካል እንዲሆን ማድረግና በአክሲዮን ማኅበሩ ውስጥ ሕገወጥ ተግባራትን ሲያከናውኑ የቆዩ ግለሰቦችን ተጠያቂ ማድረግ የሚሉት ይገኙባቸዋል፡፡ ባለፈው ሰኞ ጥር 2 ቀን 2008 ዓ.ም. በአክሰስ ሪል ስቴት ችግሮችና የመፍትሔ ሐሳቦች ላይ ከፍተኛ የመንግሥት ባለሥልጣናት ያሉበት ዓቢይ ኮሚቴ የጠራው ስብሰባ ተካሂዷል፡፡

    በዋነኝነት የፌዴራልና የአዲስ አበባ ከተማ አስተዳደር የፍትሕ ተቋማት ችግሩን ለመፍታት የሚያስችሉ ዕርምጃዎችን እንዲወስዱ፣ በጠቅላይ ሚኒስትር ኃይለ ማርያም ደሳለኝ ትዕዛዝ መሰጠቱ ታውቋል፡፡

    አክሰስ ሪል ስቴት በ18 ወራት ቤት ሠርቶ እንደሚያስረክብ ውል ቢገባም፣ ቤቶቹን ገንብቶ ሳያስረክብ ስድስት ዓመታት አልፈዋል፡፡

    አቶ መኩሪያ እንዳሉት፣ በአክሰስ ሪል ስቴት የተፈጠረው ችግር እጅግ ውስብስብ በመሆኑ ለመንግሥት ትልቅ ትምህርት ሰጥቶ አልፏል፡፡

    አክሰስ ሪል ስቴት ሲፈጽም የቆየው የመሬት ግብይት የሊዝ አዋጅ ሕግጋትን የተላለፈና የገንዘብ ዝውውሩም ሕግን ያልተከተለ መሆኑ ተገልጿል፡፡ ይህንን ችግር ለመፍታት መሠረታዊ ዕርምጃዎች እንደሚወሰዱ አቶ መኩሪያ ገልጸው፣ ከቤት ገዥዎችና ከባለአክሲዮኖች ጋር እስከ ሦስት ወራት ባለ ጊዜ ውስጥ ዳግም ስብሰባ እንደሚቀመጡ አስረድተዋል፡፡  

    spot_img
    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች