Monday, April 15, 2024
- Advertisement -
- Advertisement -
ማኅበራዊበጂማ ዩኒቨርሲቲ በተወረወረ ቦምብ በተማሪዎች ላይ ጉዳት ደረሰ

በጂማ ዩኒቨርሲቲ በተወረወረ ቦምብ በተማሪዎች ላይ ጉዳት ደረሰ

ቀን:

በጂማ ዩኒቨርሲቲ ኪቶ ፉርዲሳ ካምፓስ ጥር 1 ቀን 2008 ዓ.ም. ከምሽቱ አራት ሰዓት በተወረወረ ቦምብ ተማሪዎች ላይ ጉዳት ደረሰ፡፡

የጂማ ዞን ኦሕዴድ ጽሕፈት ቤት ኃላፊ አቶ ጌታቸው ታምራት ለሪፖርተር እንደገለጹት፣ የተወረወረው ቦምብ የሰው ሕይወት ባያጠፋም በስምንት ተማሪዎችና በፀጥታ ኃይሎች ላይ ጉዳት አድርሷል፡፡

‹‹በጂማ ከተማ ሁከትና አመፅ ለማስፈን የሚጥሩ ፀረ ሰላም ኃይሎች ሕዝብ ስላልተቀበላቸው ወደ ኃይል ዕርምጃ ለመሸጋገራቸው ማሳያ ነው፤›› በማለት አቶ ጌታቸው ተናግረዋል፡፡

- Advertisement -

Video from Enat Bank Youtube Channel.

‹‹ነገሩ የከፋ መሆኑን ነው ያየነው፤›› ያሉት አቶ ጌታቸው፣ በሰላማዊ ዜጎች ላይ ሽብር በመፍጠር የመማር ማስተማሩን ሒደት ለማስተጓጎል የኃይል መንገድ መመረጡ መንግሥትን እንዳሳሰበው አስረድተዋል፡፡

ጉዳዩን በጥልቀት ለመመርመር ከጂማ ዞን፣ ከጂማ ከተማ አስተዳደር፣ ከጂማ ዩኒቨርሲቲ፣ ከኦሮሚያ ክልልና ከፌዴራል መንግሥት የተውጣጣ ኮማንድ ፖስት መቋቋሙ ታውቋል፡፡

እስካሁን ድረስ ሁለት ተጠርጣሪዎች በቁጥጥር ሥር መዋላቸውም ተገልጿል፡፡ የጂማ ዩኒቨርሲቲ ምክትል ፕሬዚዳንት አቶ ኮራ ጡሽኔ ለሪፖርተር እንደገለጹት፣ የመማር ማስተማር ሒደት እንዳይስተጓጉል ጥረት እየተደረገ ነው፡፡

ጂማ ዩኒቨርሲቲ ሦስት ትላልቅ ካምፓሶች ሲኖሩት፣ ቦምብ የተወረወረበት ኪቶ ፉርዲስ ካምፓስ በቅርቡ የተገነባ ነው፡፡ ባለፈው ሳምንት በዲላ ዩኒቨርሲቲ ሦስት ቦምቦች ተወርውረው ሕይወት ከማጥፋታቸውም በላይ፣ በርካታ የአካል ጉዳት ማድረሳቸውን መዘገባችን ይታወሳል፡፡ ከወር በፊትም በታላቁ አንዋር መስጊድ በተወረወረ ቦምብ የአካል ጉዳት መድረሱ አይዘነጋም፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...

‹‹ደስታ›› የተባለችው አማርኛ ተናጋሪ ሮቦት በሳይንስ ሙዚየም

‹‹እንደ ሮቦት ዋነኛው አገልግሎቴ ውስብስብ የሆኑ የቴክኖሎጂ ውጤቶችንና አሠራሮችን...