Monday, February 6, 2023
- Advertisement -
- Advertisement -
- Advertisement -

ፌርማታ ፅሁፎች

የዘንድሮው የከተራ በዓል

ትኩስ ፅሁፎች

በየዓመቱ ጥር 10 ቀን በኢትዮጵያ ኦርቶዶክስ ተዋሕዶ ቤተክርስቲያን ምዕመናን የሚከበረው የጥምቀት ከተራ በዓል፣ ማክሰኞ ጥር 10 ቀን 2008 ዓ.ም. በተለያየ ባሕረ ጥምቀት ተከብሮ ውሏል፡፡ በአዲስ አበባ ከተማ ጃንሜዳ ወደሚገኘው ባሕረ ጥምቀት የሚጓዙትን ታቦታት ምዕመናኑ በአራት ኪሎ ሚያዝያ 27 አደባባይ አካባቢ አጅበው ሲጓዙ (ፎቶ በመስፍን ሰሎሞን)

*******

ፈጣሪ ይከሰስ

በጠዋት በማታ ተመስገን እያልነው፣

ስመን ቤተስኪያን ስሙን ምንዘክረው፤

የመቂ ቄጠማ ርጥብ ሳር ጎዝጉዘን፣

ጭሳጭስ ዕጣኑን ነስንሰን አምቧለን፣

                        ቡናውን አፍልተን ቁርሱን አዘግነን፤

ስንዘክር ስንቀድስ ሥንሰልሰው የኖርን፣

ምስኪን አማኞቹ ምንዱባን ሕዝቡ ነን፡፡

እንኳ በእጅ ያለንን ቤት ያፈራነውን፣

የተለቃነውን የተበደርነውን፣

ስናበላ ኖረን ስናጠጣ ኖረን፣

ምነው ጉድ ታደርገን?

ባንተ እየታመንን፣

ባንተ እየተማጠን፣

ምነዋ ይራበን?

ምነዋ ይጠማን?

ምነዋ ሐሩሩ ቁሩ ያንገብግበን?

ባመንን በእግዜሩ፣

ባመንን በበትሩ፤

በሥልጣኑ ብዛት፣

በግዛቱ ስፋት፣

በተንበረከክን በኃይሉ ልዕልና፣

በተገዛንለት ከዓለም በቅድምና፣

ስሙን በዘከርን በሰጠን ዕውቅና፡፡

ምኅረቱን ስንሻ መዓት የሚያርደን፣

በረከት ስጠብቅ መቅሰፍት የሚንጠን፣

ከቶ ለፈጣሪ እኛ እንደሁ ምኑ ነን?

ምነው የማይገደው የመታረዛችን፣

የመታመማችን የመጋደላችን፣

እኮ እኛ ምኑ ነን?

ምኑ ነን ፍጥረቱ?

አንተ ኃያሉ ጌታ ለሰማይ ለምድሩ፣

ቁልቁል እያየኸው ምነው ጦም  መኖሩ?

በራብ ሆድ ማደሩ፣

በእጅ የሠራኸው ፍጡር መመረሩ፤

ኧረሳ ቢበቃን፣ ቢያልፍልን ችጋሩ፣

ኧረ እንደው ቢተወን ስቃይ ቸነፈሩ፡፡

አንተ አይደለህም ወይ የፍጥረቱ ሠሪ፣

ሳንልህ አድርገህ ሠርተህ አሳማሪ፡፡

የቸገረን ለታ፣ የታመምን ለታ፣

ሁላችን ሲያርደን በሁሉ ስንረታ፣

ምነዋ የለህም ቤታችን ሲፈታ፡፡

ተጠየቅ፣ ተከሰስ እስቲ የእኛ ጌታ፣

ምንድን ነው ምላሽ የለም ያሉህ ለ’ታ፡፡

ምንጫሮ፡- ብርሃኑ ፈቃደ ታኅሣሥ 28 ቀን 2008 ዓ.ም.

  •  

ፈተና ላይ የመቀመጥ ፍርኃትን ለመቋቋም ስብርባሪ ጠርሙስ ላይ በባዶ እግር መሄድ

በህንድ ጉጅራት ግዛት ፈተና ላይ የመቀመጥ እንዲሁም መድረክ ላይ ወጥቶ የመናገር ፍርኃትን ለመቋቋም ያስችላል በማለት ከ12 ዓመት ጀምሮ ያሉ ተማሪዎች በተሰባበረ ጠርሙስ ላይ እንዲራመዱ መደረጉ ተዘገበ፡፡ ስብርባሪ ጠርሙስ ላይ እንዲራመዱ የተደረጉ ተማሪዎች 70 ሲሆኑ፣ ተማሪዎቹ በስብርባሪ ጠርሙስ ላይ እንዲራመዱ የተደረገው አንድ ሜትር ርቀት ነው፡፡ ይኽም ፍርኃትን የመቋቋም የአዕምሮ ብቃታቸውን እንዲያዳብሩ ይረዳል ተብሏል፡፡ የአካባቢው የትምህርት ሚኒስተር ዴኤታ ተማሪዎቹ በስብርባሪ ጠርሙስ ላይ እንዲራመዱ የተደረገው እንቅስቃሴያቸውን የሚቆጣጠር አሠልጣኝ እንዲቆም ተደርጎ መሆኑን ገልጸዋል፡፡ የዚህ እንቅስቃሴ አሠልጣኝ ለኪሽ ፓተል ‹‹ከዚህ ነገር ጀርባ ሳይንስ አለ፡፡ ይህ ፍርኃትንና በራስ አለመተማመንን ከተማሪዎች አዕምሮ ያስወግዳል፤›› ብለዋል፡፡ በስብርባሪ ጠርሙስ ላይ ከተራመዱ ተማሪዎች መካከል አንዱ የሆነው ሔትኽ ፓንቻል መጀመርያ በስብርባሪ ጠርሙስ ላይ የመሄድ ሐሳብ ራሱ አስፈርቶት እንደነበር፤ ነገር ግን ከጀመረው በኋላ መድፈሩን ተናግሯል፡፡ በእሳት ላይ መራመድ በተለያዩ ባህሎች የተለመደ ሃይማኖታዊ ነገር መሆኑን የሚያሳዩ መረጃዎች ሲኖሩ አማራጭ ሕክምና ተደርጎ የሚታይበት ሁኔታም አለ፡፡

*******

ንቅሳት ሱስ የሆነበት

ሰውነቱ ላይ አርባ የሚሆኑ ንቅሳቶችና በርካታ የጌጥ ብሶች ያሉት ሊ ሁድሰን ከባለቤቱ ተጨማሪ የንቅሳት ስጦታ ማግኘቱ በቻናል ፎር ዘገበ፡፡ ሚስት ስቴፋኒ ንቅሳት ሱስ ለሆነበት ባለቤቷ በእጁ ላይ የአጽም ምስል እንዲኖረው በማድረግ ስጦታዋን አበርክታለች፡፡ ለባለቤቷ ይህ የተደረገው በቀዶ ሕክምና ሲሆን፣ ለእሷም ለ21 ዓመት ልደቷ የአንገት ንቅሳት፣ ለ22 ደግሞ የደረት እንዲሁም ለ24ኛ ዓመት ልደቷ የክንድ ንቅሳት እንደ ስጦታ ገዝቶላታል፡፡ ስለዚህ አሁን በተራዋ እጁ ላይ የአጽም ምልክት እንዲኖረው አድርጋለች፡፡

 

- Advertisement -
- Advertisement -

ተጨማሪ ለማንበብ

በብዛት የተነበቡ ፅሁፎች