Wednesday, February 8, 2023
- Advertisement -
- Advertisement -
ማኅበራዊየአዲስ አበባ መንገዶች ባለሥልጣን ሕገወጥ የንግድ ተቋማት ላይ ዕርምጃ ወሰደ

የአዲስ አበባ መንገዶች ባለሥልጣን ሕገወጥ የንግድ ተቋማት ላይ ዕርምጃ ወሰደ

ቀን:

በእግረኛ መንገዶች ላይ  በሕገወጥ መንገድ ለንግድ ሥራ ድንኳንና መሰል ከለላዎችን በተከሉ የንግድ ተቋማት፣ የግንባታ ግብዓትን በከመሩ ድርጅቶችና የተለያዩ ተግባራትን በሚያከናውኑ ግለሰቦች ላይ የአዲስ አበባ መንገዶች ባለሥልጣን የመውረስና የማስወገድ ዕርምጃ ወሰደ፡፡

በአዲስ አበባ መንገዶች ባለሥልጣን የመንገድ ንብረት ማስከበር ኃላፊ አቶ አስመላሽ ኪዳነ ማርያም ለሪፖርተር እንደገለጹት፣ ዕርምጃ ከተወሰደባቸው መካከል በተለይ ማስታወቂያዎችን መንገድ ላይ መስቀል፣ የግንባታ ቁሳቁሶችና የተለያዩ ምርቶችን፣ አፈር ወይም ጠጠር በመንገድ ላይ መዘርገፍ፣ እግረኛ መንገድ ላይ የመኪና እጥበትና የጎሚስታ ሥራዎችን ማከናወን ይገኙበታል፡፡

ባለሥልጣኑ ጥር 6 ቀን 2008 ዓ.ም. በልደታና በቂርቆስ ክፍላተ ከተሞች በእግረኛ መንገድ ላይ በነበሩ በግንባታ ዕቃዎች፣ በማስታወቂያ ሰሌዳዎችና በጋራዦች ላይ ዕርምጃ ወስዷል።

በተለይ ከአፍሪካ ኅብረት አካባቢ ጀምሮ በጎተራ አድርጎ ወደ ወሎ ሠፈር በማቅናት የማስወገድ ዕርምጃዎችን መውሰዱ ተገልጿል፡፡

ከዚህ በተጨማሪም ለንግድ ከተፈቀደ ቦታ ውጪ መንገድ ዳር ላይ ሕገወጥ ንግድ ሲያከናውኑ በቆዩ ምግብ ቤቶችና ካፍቴሪያዎች ላይ ዕርምጃ መወሰድ መጀመሩን ነው አቶ አስመላሽ ጨምረው ገልጸዋል።

ባለሥልጣኑ በተቋማቱ ላይ ዕርምጃውን ከመውሰዱ ቀደም ብሎ ማስጠንቀቂያ እንደሰጠ፣ የአሁኑ ዕርምጃ የተካሄደው በማስጠንቀቂያው መሠረት መሆኑን ኃላፊው አቶ አስመላሽ ገልጸዋል፡፡

ዕርምጃው ቀጣይነት እንደሚኖረው ኃላፊው ቢገልጹም፣ በዚህ ወቅት መጀመር ያስፈለገው በዚህ ወር መጨረሻ በአዲስ አበባ ይካሄዳል ተብሎ ከሚጠበቀው የአፍሪካ ኅብረት የመሪዎች ጉባዔ ጋር የተያያዘ እንደሆነ ግን ጠቁመዋል፡፡

ከዚህ ቀደም የተለያዩ መድረኮችን በመፍጠር የግንዛቤ ማስጨበጫ ሥራዎች፣ እንዲሁም ማስጠንቀቂያዎች መሰጠታቸውንና ቀጥታ ወደ ዕርምጃ አለመገባቱን አቶ አስመላሽ ተናግረዋል።

በዋነኛነት ችግሩ ከሚስተዋልባቸው መካከል ዋነኞቹ በሕንፃ ግንባታ ላይ የተሰማሩ ድርጅቶች መሆናቸውን፣ በግንባታ ሰበብ እግረኛ መንገድ ድረስ በቆርቆሮ ማጠርና እግረኛን መተላለፊያ ማሳጣት በተደጋጋሚ የሚነሳ ችግር መሆኑ ተጠቁሟል።

ባለሥልጣኑ አሁን ዕርምጃ መውሰድ ብቻ ሳይሆን ከዚህ ጋር በተያያዘ የሚደርስ ጉዳት ካለ ካሳ ጭምር እንደሚያስከፍል የተናገሩት አቶ አስመላሽ፣ በቀጣይ ዘመቻው ሁሉንም የሚመለከታቸውን አካላት በማሳተፍ ተጠናክሮ እንደሚቀጥልም አስታውቀዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ጥቁር የመልበስ ውዝግብና የእምነት ነፃነት በኢትዮጵያ

ጠቅላይ ሚኒስትር ዓብይ አህመድ (ዶ/ር) ኅዳር ወር ላይ በፓርላማ...

የኢንሹራንስ ዘርፉን የሚቆጠጠር ገለልተኛ ተቋም ለመመሥረት እንቅስቃሴ ተጀመረ

ከ70 በላይ አዳዲስ የፋይናንስ ተቋማት ዘርፉን ሊቀላቀሉ ነው የኢትዮጵያ ብሔራዊ...

እስቲ አንገፋፋ!

እነሆ መንገድ። ጊዜና ሥፍራ ተጋግዘው በውስንነት ይዘውናል። መፍጠን ያቃተው...