Wednesday, February 28, 2024
- Advertisement -
- Advertisement -
ማኅበራዊየጥራት ደረጃ አላሟላም የተባለው የፕሪጋት ጭማቂ ምርት ታገደ

የጥራት ደረጃ አላሟላም የተባለው የፕሪጋት ጭማቂ ምርት ታገደ

ቀን:

ላለፉት አምስት ዓመታት ኢትዮጵያ ውስጥ በግሬት አቢሲኒያ ኃላፊነቱ የተወሰነ የግል ኩባንያ ሲመረት የነበረው ፕሪጋት የማንጐ ጭማቂ ምርት ከቀናት በፊት መታገዱን የኢትዮጵያ የምግብ፣ የመድኃኒትና ጤና ክብካቤ አስተዳደር ቁጥጥር ባለሥልጣን አስታወቀ፡፡ ይህንኑ ዕርምጃውን በሚመለከት ለክልል ጽሕፈት ቤቶች ማሳወቁንም ገልጿል፡፡

የባለሥልጣኑ የሕዝብ ግንኙነትና ኮሙዩኒኬሽን ዳይሬክቶሬት ዳይሬክተር አቶ ሳምሶን አብርሃም ለሪፖርተር እንደገለጹት፣ ምርቱ ለጊዜው እንዲታገድ የተደረገው በባለሥልጣኑ ነፃ መስመር በሆነው 8482 የተጠቃሚዎች ጥቆማን መነሻ በማድረግ ናሙና ተወስዶ በተደረገ የላብራቶሪ ፍተሻ፣ የማንጐ ጭማቂው ምርት ላይ የጥራት ደረጃ ያለመሟላት ችግርና የአገልግሎት ዘመናቸው ያለፈ ምርቶች በመገኘታቸው ነው፡፡ ‹‹ምርቱ የጥራት ደረጃዎች ላይ ከተቀመጡ መሥፈርቶች መሀል ያላሟላው አንድ መሥፈርት አለ፤›› ያሉት አቶ ሳምሶን፣ ፕሪጋት የማንጐ ጭማቂን ለሚያመርተው ግሬት አቢሲኒያ የማስተካከያ ዕርምጃ እንዲወስድ ባለሥልጣኑ ማስታወቁንም አስረድተዋል፡፡

እሳቸው እንዳሉት የማስተካከያ ዕርምጃው ኩባንያው ጊዜ አልፎባቸዋል የተባሉትን ምርቶች ከገበያ እንዲሰበስብና ለጊዜው ማምረቱን እንዲያቆም ማድረግ ነው፡፡ በቀጣይ ኩባንያው የኢትዮጵያ ደረጃዎች ኤጀንሲ የጥራት ደረጃን ያሟላ ምርት ያመርት ዘንድ፣ በሚመለከተው አካል የአቅም ግንባታና ክትትል እንደሚደረግለት ጠቁመዋል፡፡

- Advertisement -

Video from Enat Bank Youtube Channel.

አቶ ሳምሶን የጭማቂ ምርትን የሚመለከተው የጥራት ደረጃ ቀደም ሲል አስገዳጅ እንዳልነበር፣ ነገር ግን አስገዳጅ ከሆነ መቆየቱን ይገልጻሉ፡፡ የግሬት አቢሲኒያ ኩባንያ ዋና ሥራ አስኪያጅ አቶ ለማ ጉርሙ ደግሞ ምንም እንኳ የአመራረት ሒደታቸው ዓለም አቀፍ ደረጃን የተከተለ ቢሆንም፣ ይህ ባለሥልጣኑ የጠቀሰው የጥራት ደረጃ አስገዳጅ መሆኑን እንደማያውቁ ተናግረዋል፡፡ ከዚህ በኋላ ግን የተባለውን ደረጃ ጠብቀው እንደሚያመርቱ አስረድተዋል፡፡

እሳቸው እንዳሉት የአገልግሎት ጊዜ ያለፈባቸው የተባሉትን የጭማቂ ምርቶች ከገበያ እንዲሰበስቡ በባለሥልጣኑ ትዕዛዝ ቢሰጣቸውም፣ ገበያ ላይ ምርቶቹን ፈልገው ማግኘት አልቻሉም፡፡ ኩባንያው ቀደም ሲል ከባለሥልጣኑ ምንም ዓይነት ማስጠንቀቂያም ሆነ ማሳሰቢያ ደርሶት እንደማያውቅ ለሪፖርተር አስታውቋል፡፡

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመጣንበትና አብረን የምንዘልቅበት የጋራ እሴታችን ለመሆኑ ነጋሪ ያስፈልጋል ወይ?

በኑረዲን አብራር በአገራችን ለለውጥ የተደረጉ ትግሎች ከመብዛታቸው የተነሳ ሰላም የነበረበት...

አልባሌ ልሂቃንና ፖለቲከኞች

በበቀለ ሹሜ በ2016 ዓ.ም. ኅዳር ማክተሚያ ላይ ፊልድ ማርሻል ብርሃኑ...

አሜሪካ የኢትዮጵያ የባህር በር ጥያቄ ተገቢነት ቢኖረውም ከጎረቤት አገሮች ጋር በሚደረግ ንግግር መሆን አለበት አለች

መንግሥትን ከፋኖና ከኦነግ ሸኔ ጋር ለማነጋገር ፍላጎቷን ገልጻለች የኢትዮጵያ የባህር...