Monday, June 24, 2024
- Advertisement -
- Advertisement -
ማኅበራዊየሙስሊሙ መፍትሔ አፈላላጊ ኮሚቴ አባላትን ለማስፈታት ተንቀሳቅሰዋል የተባሉ ተከሳሾች እስራት ተወሰነባቸው

የሙስሊሙ መፍትሔ አፈላላጊ ኮሚቴ አባላትን ለማስፈታት ተንቀሳቅሰዋል የተባሉ ተከሳሾች እስራት ተወሰነባቸው

ቀን:

የሙስሊሙን ማኅበረሰብ ለግጭትና ለብጥብጥ አነሳስተዋል ተብለው የሰበሰቡትን በእነ አቡበከር አህመድ የክስ መዝገብ ክስ ተመሥርቶባቸው ከሰባት እስከ 22 ዓመታት ጽኑ እስራት የቅጣት ውሳኔ የተላለፈባቸውን ፍርደኞች፣ ለማስፈታት ሲንቀሳቀሱ ተደርሶባቸዋል ተብሎ ክስ የተመሠረተባቸው 16 ተከሳሾች በጽኑ እስራት እንዲቀጡ ተወሰነባቸው፡፡

የፌዴራል ዓቃቤ ሕግ የወንጀል ሕግ አንቀጽ 32(1ለ) እና አንቀጽ 38(1ለ) እንዲሁም የፀረ ሽብርተኝነት አዋጅ ቁጥር 652/2001 አንቀጽ 7(1) ሥር የተደነገገውን ተላልፈዋል በማለት፣ የመሠረተውን የሽብርተኝነት ድርጊት ወንጀል ክስ ሲመረምር የከረመው የፌዴራል ከፍተኛ ፍርድ ቤት 14ኛ ወንጀል ችሎት፣ እያንዳንዳቸው በሰባት ዓመታት ጽኑ እስራት እንዲቀጡ ውሳኔ ያስተላለፈው ጥር 10 ቀን 2008 ዓ.ም. ነው፡፡

ተከሳሾቹ ‹‹የሙስሊሙ ማኅበረሰብ መፍትሔ አፈላላጊ ኮሚቴ›› በማለት ሲንቀሳቀሱ ተደርሶባቸው በሕግ ከለላ ሥር የነበሩትን እነ አቡበከር አህመድን በኃይል ለማስለቀቅ መሞከራቸውን፣ ኮሚቴውን እንደሚተኩ የሚገልጽ መጣጥፍ መበተናቸውን፣ ኅብረተሰቡን ማስፈራራታቸውንና ‹‹ድምፃችን ይሰማ›› የሚል በራሪ ወረቀት መበተናቸውን፣ በ2004 ዓ.ም. ሐምሌ ወር በአወሊያ ትምህርት ቤት በተካሄደው ረብሻ መሳተፋቸውን፣ በአዲስ አበባና በወልቂጤ የሚገኙ የሽብር ቡድኖችን በማገናኘት ወንጀሎች መሳተፋቸውን በመግለጽ ዓቃቤ ሕግ ክስ መሥርቶባቸው ነበር፡፡

ዓቃቤ ሕግ እንደ ክሱ የሚያስረዱለትን የሰውና የሰነድ ማስረጃዎችን ማቅረቡን የገለጸው ፍርድ ቤቱ፣ ሁሉም ተከሳሾች እንዲከላከሉ ብይን ሰጥቶ መከላከያ ምስክሮቻቸውን አሰምተው ነበር፡፡ ተከሳሾቹ የዓቃቤ ሕግን ማስረጃ ማስተባበል እንዳልቻሉ ተገልጾ፣ ጥፋተኛ ከተባሉ በኋላ ዓቃቤ ሕግ የቅጣት ማክበጃ፣ ተከሳሾች ደግሞ የቅጣት ማቅለያ ሐሳባቸውን እንዲያቀርቡ ተደርጐ ሁለቱም ወገኖች አቅርበዋል፡፡

ፍርድ ቤቱ በመጨረሻ በሰጠው የቅጣት ውሳኔ ተከሳሾች ኤልያስ ከድር ሽኩር፣ ሙባረክ ከድር፣ ቶፊቅ መሐመድ፣ ፈይሰል አራጋው፣ አብዱልመጅድ አብዱልከሪም፣ ኢስማኤል ሙስጠፋ፣ ሬድዋን አብደላ፣ አንዋር ሡልጣን፣ አብዲልአዚዝ ፈትሁዲነ፣ ጃፈር ደጋ ሸን፣ ፍቅሩ ሰዒድ፣ መሬማ ሃያቱ፣ መሐመድ ዓሊ፣ መሐመድ አይለየን፣ አቡበከር ሰልማንና ሙአዝ ሙደሲር እያንዳንዳቸው በሰባት ዓመታት ጽኑ እስራት እንዲቀጡ ወስኗል፡፡

 

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...