Monday, March 4, 2024
- Advertisement -
- Advertisement -
ዜናየኢዴፓ ፕሬዚዳንት የፓርቲውን ማኅተምና ቼክ እንዲረከቡ በፍርድ ቤት ተወሰነላቸው

የኢዴፓ ፕሬዚዳንት የፓርቲውን ማኅተምና ቼክ እንዲረከቡ በፍርድ ቤት ተወሰነላቸው

ቀን:

የቂርቆስ ምድብ አንደኛ ፍትሐ ብሔር ችሎት ግንቦት 3 ቀን 2010 ዓ.ም. በዋለው ችሎት የኢትጵያውያን ዴሞክራሲያዊ ፓርቲ (ኢዴፓ) ዋና ጸሐፊ አቶ ሳህሉ ባዩ በእጃቸው የሚገኘውን ማኅተምና ቼክ ለፕሬዚዳንቱ ጫኔ ከበደ (ዶ/ር) እንዲያስረክቡ ወሰነ፡፡

በኢዴፓ አመራሮች መካከል ከገዥው ፓርቲ የኢትዮጵያ ሕዝቦች አብዮታዊ ዴሞክራሲያዊ ግንባር (ኢሕአዴግ) ጋር እየተካሄደ በነበረው ድርድር ምክንያት፣ በፓርቲው አመራር ማንነት ውዝግብ ተፈጥሮ እንደነበር ይታወሳል፡፡

በዚህም መሠረት በኢዴፓ አመራር ውስጥ ተፈጥሮ በነበረው ውዝግብ ጉዳዩ የኢትዮጵያ ብሔራዊ ምርጫ ቦርድ ጽሕፈት ቤት ደርሶ ጽሕፈት ቤቱም ለጫኔ ከበደ (ዶ/ር) ዕውቅና እንደሰጠ፣ በፓርቲው አመራሮች መካከል ተፈጥሮ በነበረው ውዝግብ ምክንያት ወደ አመራር የመጡት ግለሰቦች ምርጫ የፓርቲውን መተዳደሪያ ደንብ መሠረት ያላደረገ በመሆኑ እንደማይቀበለው አስታውቆ ነበር፡፡

- Advertisement -

Video from Enat Bank Youtube Channel.

ምንም እንኳን ምርጫ ቦርድ ይህን ቢወስንም ተመርጠው የነበሩት የፓርቲው ፕሬዚዳንት አቶ አዳነ ታደሰና የፓርቲው መሥራችና ነባር አባል አቶ ልደቱ አያሌው፣ ውሳኔው ፓርቲውን የማፍረስ ነው በማለት ተቃውሞ አሰምተው ነበር፡፡

በእነዚህ ውሳኔዎች ከስምምነት ላይ ባለመድረሳቸውና ውዝግቡ መፍትሔ ባለማግኘቱ፣ የፓርቲው ፕሬዚዳንት ጉዳዩን ወደ መደበኛ ፍርድ ቤት በመውሰድ ዋና ጸሐፊው የፓርቲውን ማኅተምና ቼክ እንዲያስረክቡ ይወሰንልኝ በማለት ክስ መሥርተው ነበር፡፡

በዚህም መሠረት ጉዳዩን ሲመረምር የቆይው የቂርቆስ ምድብ 1ኛ ፍትሐ ብሔር ችሎት ‹‹ተከሳሽ (አቶ ሳህሉ ባዩ) የፓርቲውን ሕጋዊ ማኀተም ከፕሬዚዳንቱና ከሥራ አስፈጻሚ ኮሚቴው ዕውቅና ውጪ ያላግባብ መጠቀማቸው የተረጋገጠና ከሥራ አስፈጻሚ ኮሚቴ አባልነትም የታገዱ መሆኑን ከሳሽ ባቀረቡት ማስረጃ ያስረዱ በመሆኑ ደብዳቤ መፈረም፣ እንዲሁም የሒሳብ ወጪዎችን የማዘዝ ሥልጣን የፕሬዚዳንቱ ስለሆነ ተከሳሹ የተረከቡትን የፓርቲውን ማኅተምና የገንዘብ ማንቀሳቀሻ ቼክ ለከሳሽ እንዲያስረክቡ ተወስኗል፤›› በማለት ውሳኔ አስተላልፏል፡፡    

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የአዲስ አበባ ነዋሪዎች ቁጥር ሲጨምር የሚኒባስ ታክሲዎች ቁጥር እየቀነሰ መምጣቱ ሊታሰብበት ይገባል

በአዲስ አበባ ከተማ የትራንስፖርት አገልግሎት በመስጠት ከፍተኛ የሚባለውን ድርሻ...

ሃምሳ ዓመታት ያስቆጠረው አብዮትና የኢትዮጵያ ፖለቲካ ውጣ ውረድ

የኢትዮጵያ ሕዝቦች የዴሞክራሲ ለውጥ ጥያቄ የሚነሳው ከፋሺስት ኢጣሊያ ወረራ...

በአዲስ አበባ ንግድና ዘርፍ ማኅበራት ምክር ቤት የተፈጸመው ሕገወጥ ተግባር ምንድነው?

የአዲስ አበባ ንግድና ዘርፍ ማኅበራት ምክር ቤት የዳይሬክተሮች ቦርድ፣...

በአዲስ አበባ ንግድና ዘርፍ ማኅበራት ምክር ቤት ላይ ምርመራ እንዲደረግ ውሳኔ ተላለፈ

ፕሬዚዳንቷና ዋና ጸሐፊው ተጠያቂ ሊሆኑ ይችላሉ ተብሏል ከአዲስ አበባ ንግድና...