Sunday, June 16, 2024
- Advertisement -
- Advertisement -

ዜናየኢትዮጵያ ኤሌክትሪክ አገልግሎት ዋና ሥራ አስፈጻሚ በሌላ ኃላፊ ተተኩ

የኢትዮጵያ ኤሌክትሪክ አገልግሎት ዋና ሥራ አስፈጻሚ በሌላ ኃላፊ ተተኩ

ቀን:

የኢትዮጵያ ኤሌክትሪክ ኮርፖሬሽን ለሁለት ከተከፈለ በኋላ ከነሐሴ ወር 2007 ዓ.ም. ጀምሮ፣ የኢትዮጵያ ኤሌክትሪክ አገልግሎትን ለመምራት ሁለተኛው ዋና ሥራ አስፈጻሚ በመሆን ተመድበው የነበሩት አቶ ጎሳዬ መንግሥቴ በሌላ ኃላፊ ተተኩ፡፡

አቶ ጎሳዬ የተተኩት የቀድሞው የኤሌክትሪክ ኃይል ኮርፖሬሽን አገር አቀፍ ኤሌክትሪክ አቅርቦት ሥራ አስፈጻሚ በነበሩት አቶ ሽፈራው ተሊላ ነው፡፡

በተቋሙ ከ20 ዓመታት በላይ በተለያዩ የሥራ ዘርፎችና ኃላፊነት የቆዩት አቶ ሽፈራው የኤሌክትሪክ አገልግሎት ዋና ሥራ አስፈጻሚ ሆነው እንዲሠሩ የተወሰነው ግንቦት 14 ቀን 2010 ዓ.ም. ቢሆንም፣ ሥራ የሚጀምሩት ግን ከግንቦት 21 ቀን 2010 ዓ.ም. መሆኑን፣ ግንቦት 20 ቀን 2010 ዓ.ም. በአገልግሎቱ የቦርድ ሰብሳቢ ጌታሁን መኩሪያ (ዶ/ር ኢንጂነር) ተፈርሞ ወጪ የተደረገው ደብዳቤ ይገልጻል፡፡

- Advertisement -

የኢትዮጵያ ኤሌክትሪክ አገልግሎት ዳይሬክተሮች ቦርድ ግንቦት 14 ቀን 2010 ዓ.ም. ባደረገው ስብሰባ፣ ጡረታ በሚወጡት አቶ ጎሳዬ ምትክ ‹‹ማን ይመድብ?›› ተብሎ የተለያዩ ሐሳቦች ተነስተው የነበረ ቢሆንም፣ አቶ ሽፈራው የከፍተኛ ኃላፊዎችን ማለትም የተወሰኑ የቦርድ አባላትን ይሁንታ በማግኘታቸው ሊመድቡ መቻላቸው ታውቋል፡፡ አንዳንድ አስተያየት ሰጪዎች አቶ ሽፈራው ለቦታው እንደማይመጥኑ በመጠቆም፣ በዘርፉ ብዙ ልምድ ያላቸውና በአመራርነት ሰፊ ዕውቀት ያላቸው መመደብ ሲገባቸው፣ በዝምታ መታለፉ ተገቢ እንደልሆነ ገልጸዋል፡፡ ምናልባት ቀደም ባሉ ዓመታት ግለሰቡ ከነበሩበት ኃላፊነት ተነስተው በሌላ ቦታ እንዲሠሩ ተደርገው ስለነበር፣ ለሱም ማካካሻ ሳይሆን እንደማይቀር አስተያየት ሰጪዎቹ ግምታቸውን ተናግረዋል፡፡

አቶ ሽፈራው ስላላቸው የሥራ ልምድና ስለተመደቡበት የሥራ ኃላፊነት ያላቸውን የሥራ አመራር ዕቅድ ማብራሪያ እንዲሰጡ በተደጋጋሚ የተደረገው ጥረት አልተሳካም፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የምግብ ዋጋ ንረት አጣዳፊ ዕርምጃ ያስፈልገዋል!

መንግሥት የሚቀጥለውን ዓመት በጀት ይዞ ሲቀርብ በአንገብጋቢነት ከሚነሱ ጉዳዮች...

ከባለአንድ ዋልታ ወደ ባለብዙ ዋልታ የዓለም ሥርዓት የመሸጋገራችን እውነታ

በአብዱ ሻሎ አንገት ማስገቢያ እ.ኤ.አ. በፌብሩዋሪ 2022 የሩሲያ መንግሥት በዩክሬን ‹‹ልዩ...

የኢትዮጵያ ኦርቶዶክስ ተዋሕዶ ቤተ ክርስቲያን የውጭ ግንኙነት የሺሕ ዘመናት ታሪኳና እሴቶቿን የሚመጥን መሆን ይኖርበታል

(ክፍል አንድ) በተረፈ ወርቁ (ዲ/ን) እንደ መንደርደሪያ ለዛሬው የግል ትዝብቴንና ታሪክን ላዛነቀው...

ከአገር ግንባታ ጋር የተያያዙ ወሳኝ የቅርብ ታሪካችን አንጓዎች

በታደሰ ሻንቆ በአያሌው የተመረጡና ልጥ የሌላቸው ነጥቦች የተደራጁበት ይህ ታሪክ...