Friday, December 2, 2022
ሌሎች ዓምዶች
    - Advertisement -
    - Advertisement -
    ማኅበራዊአጋዥ የሕክምና መጽሐፍ ታተመ

    አጋዥ የሕክምና መጽሐፍ ታተመ

    ቀን:

    በማንኛውም ደረጃ የሚገኙ ሐኪሞችና የሕክምና ባለሙያዎች ለታካሚዎቻቸው ደረጃውን የጠበቀ ምክርና ተገቢ ውሳኔ ለመስጠት የሚያስችላቸውና እንደማጣቀሻ የሚገለገሉበት ‹‹ኪዩክ ሪፈረንስ ሜዲካል ፕሮቶኮል›› የሚል ርዕስ ያለው መጽሐፍ ጥር 21 ቀን 2008 ዓ.ም. ተመረቀ፡፡

    ይህንኑ የእንግሊዝኛ መጽሐፍ በመተባበር አሳትመው ለምረቃ ያበቁት ቴሌሜድ ሜዲካል ሰርቪስ የተወሰነ የግል ኩባንያና የቅዱስ ጳውሎስ ሆስፒታል ሚሌኒየም ሜዲካል ኮሌጅ ናቸው፡፡

    ባለ 329 ገጹ መጽሐፍ በአሥር የሕክምና ዓይነቶች ሲያተኩር፣ ከተጠቀሱት የሕክምና ዓይነቶች መካከል ሰባቱ የውስጥ ደዌ ሕክምና ላይ የቀሩት ግን የማህጸን ጽንስ፣ የሕፃናት ሕክምናና ቀዶ ሕክምናን ይመለከታሉ፡፡

    የውስጥ ደዌ ሕክምና ከሚያያቸው የጤና ችግሮች መካከል የነርቭ፣ የልብና የደም ዝውውር፣ የመተንፈሻ አካላት፣ የአንጀት፣ የጨጓራና የምግብ ማስተላለፊያ ቱቦ፣ የፊኛ፣ የኩላሊትና የሽንት መሽኛና የደም ሴሎች ችግሮች ተጠቃሾች ናቸው፡፡

    ለመጽሐፉ ዝግጅት አሥር ሐኪሞች በደራሲነት፣ ወደ ኅትመት ከመግባቱ በፊት ደግሞ ሌሎች 12 ሐኪሞች በመገምገምና አስተያየት በመስጠት እንዲዳብር በማድረግ የበኩላቸውን አስተዋጽኦ አበርክተዋል፡፡ በደራሲነትና በገምጋሚነት የተሳተፉትም ሐኪሞች የተውጣጡት ከቴሌሜድ ሜዲካል ሰርቪስ ኩባንያ፣ ከቅዱስ ጳውሎስ ሆስፒታል ሚሌኒየም ሜዲካል ኮሌጅና ከአዲስ አበባ ዩኒቨርሲቲ ነው፡፡

    በራዲሰን ብሉ ሆቴል በተከናወነው በዚሁ የምረቃ ሥነ ሥርዓት ላይ መጽሐፉን ለማዘጋጀት በተደረገው እንቅስቃሴ ጉልህ አስተዋጽኦ ላበረከቱ ሐኪሞች የተሳትፎ ምስክር ወረቀትና ማበረታቻ ተበርክቶላቸዋል፡፡

    ዶ/ር ዘሪሁን አበበ የቅዱስ ጳውሎስ ሆስፒታል ሚሌኒየም ሜዲካል ኮሌጅ ፕሮቪስት ‹‹በሁሉም ዘርፍ ለሚገኙ የሕክምና ባለሙያዎች እጅግ ጠቃሚ የሆነውን ይህንኑ መጽሐፍ ለማሳተም መንግሥትና የግሉ ዘርፍ የፈጸሙት ትብብርና አጋርነት በዓይነቱ የመጀመሪያው ነው፤›› ብለዋል፡፡

    መጽሐፉ በጤና ጥበቃ ሚኒስቴር በኩል በመላ አገሪቱ ለሚገኙ ሐኪሞች በነፃ የሚዳረስ መሆኑን የቴሌሜድ ሜዲካል ሰርቪስ የግል ኩባንያ መሥራችና ዋና ሥራ አስኪያጅ ዶ/ር ዮሐንስ ወዳጄነህ አስረድተዋል፡፡

    በሌላ በኩል ደግሞ ቴሌሜድ ሜዲካል ሰርቪስ የግል ኩባንያ ‹‹ሃሎ ዶክተር›› በሚል መጠሪያ በዘረጋው 8896 የስልክ መስመር ለሚደውሉለት ታካሚዎች በየበሽታቸው ዓይነት ዙሪያ የምክር አገልግሎት ለመስጠት የተመሠረተ ተቋም መሆኑን ቀደም ሲል መዘገባችን ይታወሳል፡፡

    የኩባንያው መሥራችና ዋና ሥራ አስኪያጅ ይህንኑ አስመልክተው እንደገለጹት በየቀኑ ከ100 በላይ የሚሆኑ ሕክምና ፈላጊዎች እየደወሉ በአገልግሎቱ በመጠቀም ላይ ናቸው፡፡    

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    [በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

    ጤና ይስጥልኝ ክቡር ሚኒስትር? ሰላም ሰላም ... ተቀመጥ! አመሠግናለሁ ክቡር ሚኒስትር!...

    የጉራጌ ዞን ጥያቄና የክላስተር አደረጃጀት የገጠመው ተቃውሞ

    መንግሥት የደቡብ ብሔር ብሔረሰቦችና ሕዝቦች ክልል አካል የነበሩ ዞኖችንና...

    አዋሽ ባንክ ካፒታሉን ወደ 55 ቢሊዮን ብር ለማሳደግ ያስገደደው ምክንያት ምንድን ነው?

    ባለፈው ቅዳሜ ጠቅላላ ጉባዔውን ያካሄደው አዋሽ ባንክ የ43 ቢሊዮን...

    አቢሲኒያ ባንክ ካለፈው ዓመት የ127 በመቶ ብልጫ ያለው ትርፍ በማግኘት አዲስ ታሪክ አስመዘገበ

    አቢሲኒያ ባንክ ከቀደሚ የሒሳብ ዓመት የ127 በመቶ ብልጫ ያለው...