Wednesday, September 28, 2022
ሌሎች ዓምዶች
    - Advertisement -
    - Advertisement -
    ዜናኢትዮጵያ በተመድ የፀጥታው ምክር ቤት የአፍሪካ ዕጩ እንድትሆን ኅብረቱ ወሰነ

    ኢትዮጵያ በተመድ የፀጥታው ምክር ቤት የአፍሪካ ዕጩ እንድትሆን ኅብረቱ ወሰነ

    ቀን:

    ጥር 21 እና 22 ቀን 2008 ዓ.ም. በአዲስ አበባ የተካሄደው የአፍሪካ የመሪዎች ጉባዔ፣ ኢትዮጵያ ለሁለት ዓመታት አፍሪካን በመወከል በተባበሩት መንግሥታት ድርጅት (ተመድ) የፀጥታው ምክር ቤት ውስጥ እንድትሳተፍ ወሰነ፡፡

    የአፍሪካ ኅብረት የመሪዎች ጉባዔ ውሳኔውን ያቀረበው የኅብረቱ የሥራ አስፈጻሚ ምክር ቤት፣ ማለትም የየአገሮቹ የውጭ ጉዳይ ሚኒስትሮች ኢትዮጵያ በተመድ የፀጥታው ምክር ቤት ቋሚ አባል ለመሆን ኅብረቱ ዕጩ እንዲያደርጋት ያቀረበችውን ጥያቄ ከተቀበለ በኋላ ነው፡፡ የኢትዮጵያ መንግሥት በውጭ ጉዳይ ሚኒስቴር በኩል ይህንን ውክልና ለማግኘት ለአንድ ዓመት ያህል ከፍተኛ የዲፕሎማሲ ዘመቻ ውስጥ እንደነበር፣ ከውጭ ጉዳይ ሚኒስቴር የተገኘው መረጃ ያመለክታል፡፡

    የዚህ ዘመቻ አካል የሆነውና ጠቅላይ ሚኒስትር ኃይለ ማርያም ደሳለኝ የተሳተፉበት አንደኛው ዘመቻ እ.ኤ.አ. በመስከረም ወር 2015 በኒውዮርክ በተካሄደው የተባበሩት መንግሥታት ድርጅት ጠቅላላ ጉባዔ ነው፡፡ በዚህ ጉባዔ ላይ ንግግር ያደረጉት ጠቅላይ ሚኒስትር ኃይለ ማርያም፣ የተባበሩት መንግሥታት ድርጅት በአጠቃላይ በተለይም የድርጅቱ የፀጥታ ምክር ቤት መዋቅራዊ ለውጥ (ሪፎርም) ያስፈልገዋል ማለታቸው ይታወሳል፡፡

    ‹‹ኢትዮጵያ የተመድ መሥራች ከሆኑት አገሮች መካከል አንዷ ብትሆንም፣ ሊግ ኦፍ ኔሽን በሚባልበት ወቅት የደረሰባትን የጣሊያን ወረራ አስመልክታ ያቀረበችው አቤቱታ አልተሰማላትም፡፡ ቢሆንም ኢትዮጵያ በተቋሙ ብዝኃነት ላይ ተስፋ አልቆረጠችም፣ እምነትም አላጣችም፤›› ብለዋል፡፡

    ከዚህ እምነት የተነሳም የተመድ ተልዕኮና መርህ እንዲሳካ የራሷን አስተዋጽኦ እያደረገች እንደምትገኝ፣ በተለይ በሰላም ማስከበር ረገድ ለተመድ የሰላም ተልዕኮዎች ትልቁን የሠራዊት ቁጥር ካዋጡት አገሮች መካከል ሁለተኛ ደረጃ ላይ እንደምትገኝ ገልጸው ነበር፡፡

    ‹‹የተመድን አወቃቀር የማደስ አስፈላጊነት የቆየ ቢሆንም ከዚህ በላይ ሊጓተት አይገባም፤›› ብለው ነበር፡፡

    አፍሪካ በተመድ የውሳኔ ሰጪነት አካላት ውስጥ በተለይም በፀጥታው ምክር ቤት ውስጥ በቋሚነት ልትወከል እንደሚገባ ተናግረውም ነበር፡፡

    ይህንን ተፅዕኖ ለመፍጠርም የአፍሪካ ኅብረትን ሙሉ ውክልናን ለማግኘት ያደረገችው ጥረት በ26ኛው የአፍሪካ የመሪዎች ጉባዔ ላይ ተሳክቷል፡፡

    በዚህ ጉባዔ ላይ ተመሳሳይ መልዕክት ያለው ነገር ግን ጠንካራና አይረሴ ንግግር ተሰናባቹ የአፍሪካ ኅብረት ሊቀመንበር የዚምባቡዌ ፕሬዚዳንት ሮበርት ሙጋቤ አድርገዋል፡፡ ያደጉ አገሮችን በሁሉም የዓለም ማኅበረሰብ ጉዳዮች ጣልቃ የሚገቡ ሲሉ የዘለፏቸው ሲሆን፣ የአፍሪካን በተመድ ውስጥ ያለመካተትንም ወቅሰዋል፡፡ ኢትዮጵያ ሁለት ጊዜ የተመድ የፀጥታው ምክር ቤት ቋሚ ያልሆነ አባል ነበረች፡፡ ይኼውም እ.ኤ.አ. በ1967 እና በ1989 ነበር፡፡

    ከዚህ በተጨማሪ 26ኛው የአፍሪካ የመሪዎች ጉባዔ የኢትዮጵያ የውጭ ጉዳይ ሚኒስትር ዶ/ር ቴድሮስ አድሃኖምን የዓለም ጤና ድርጅት የአፍሪካ ዕጩ እንዲሆኑ ወስኗል፡፡ 

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    ጦርነቱና ውስጣዊ ችግሮች

    መስከረም 14 ቀን 2015 ዓ.ም. የመንግሥት ኮሙዩኒኬሽን አገልግሎት ባወጣው...

    መኖሪያ ሸጦ መዞሪያ!

    እነሆ ከመካኒሳ ወደ ጀሞ ልንጓዝ ነው። ቀና ሲሉት እየጎበጠ...

    በምግብ ራሳችንን የመቻል ፈተና

    በጋሹ ሃብቴ (ዶ/ር) በኢትዮጵያ በምግብ ራሳችንን መቻል እጅግ በጣም የተወሳሰበ...