Wednesday, December 7, 2022
ሌሎች ዓምዶች
    - Advertisement -
    - Advertisement -
    ዜናበኮማንድ ፖስቱ የተፈጸሙ ሰብዓዊ ጥሰቶች እንዲመረመሩ ፓርላማ አዘዘ

    በኮማንድ ፖስቱ የተፈጸሙ ሰብዓዊ ጥሰቶች እንዲመረመሩ ፓርላማ አዘዘ

    ቀን:

    የአስቸኳይ ጊዜ አዋጁን አንስቷል

    የአስቸኳይ ጊዜ አዋጁን ሲያስፈጽም በነበረው ኮማንድ ፖስት ተፈጸሙ የተባሉ የሰብዓዊ አያያዝ ጥሰቶች፣ በሰብዓዊ መብት ኮሚሽን ተጣርተው እንዲቀርቡ አፈ ጉባዔ ወ/ሮ ሙፈርያት ካሚል አስታወቁ፡፡

    አፈ ጉባዔዋ ይህንን የተናገሩት ፓርላማው የአስቸኳይ ጊዜ አዋጁን ማክሰኞ ግንቦት 28 ቀን 2010 ዓ.ም. ባነሳበት ወቅት፣ የአስቸኳይ ጊዜ አዋጅ መርማሪ ቦርድ ሰብሳቢ አቶ ታደሰ ወርዶፋ ያቀረቡትን ሪፖርት ካዳመጡ በኋላ ነው፡፡ አቶ ታደሰ ባቀረቡት ሪፖርት በጥቂት ቦታዎች በኮማንድ ፖስቱ የተያዙ እስረኞች ያላግባብ በካቴና ታስረው እንዲቆዩ በመደረጉ ጉዳት እንደደረሰባቸው፣ ከሰብዓዊ አያያዝ መርሆዎች ውጪ እንደነበር፣ ብርድ ልብስ ሳይኖር ቀዝቃዛ ሲሚንቶ ላይ እንዲተኙ የተደረጉ፣ እንዲሁም የተለያዩ ጥቃቶች የተፈጸመባቸው ሴቶች መኖራቸውንም ጠቁመዋል፡፡

    የአስቸኳይ ጊዜ አዋጅ መርማሪ ቦርድ የአስቸኳይ ጊዜ አዋጁ ከተነሳ በኋላ መቆየት ስለማይችል፣ የሰብዓዊ መብት ኮሚሽን ተከታትሎ እንዲመረምር መጠየቅ ያለባቸውም ካሉ እንዲጠየቁ የውሳኔ ሐሳብ አቅርበዋል፡፡ የውሳኔ ሐሳቡን የተቀበሉት አፈ ጉባዔ ወ/ሮ ሙፈሪያት፣ የኢትዮጵያ ሰብዓዊ መብት ኮሚሽን የተለዩትን ጥሰቶች መርምሮ ለፓርላማው ሪፖርት እንዲያቀርብ እንደሚያደርጉ ለምክር ቤቱ አሳውቀዋል፡፡

    የአስቸኳይ ጊዜ አዋጁ ከተጣለበት ከመጋቢት 2010 ዓ.ም. ጀምሮ በቆየባቸው ጊዜያት ተግባራዊ ተደርጎ አንፃራዊ ሰላም የመጣ በመሆኑ፣ የአስቸኳይ ጊዜ አዋጁ እንዲነሳ የቀረበውን የመንግሥት የውሳኔ ሐሳብ በርካታ የምክር ቤቱ አባላት በሥጋት ዓይተውታል፡፡ በተለይ በምዕራብ ጉጂ ዞንና በጌዲዮ ዞን መካከል በድንበር ሳቢያ ውዝግብ ከ100 ሺሕ በላይ ነዋሪዎችን አፈናቅሎ እልባት ባልተገኘበት በአሁኑ ወቅት፣ አስቸኳይ ጊዜ አዋጁ እንዲነሳ የቀረበው ጥያቄ ሥጋት እንዳጫረባቸው ተናግረዋል፡፡

    ተመልሶ ወደ አስቸኳይ ጊዜ አዋጅ እንዳይገባ አፈጻጸሙ በአግባቡ ስለመገምገሙም ጠይቀዋል፡፡ የአስቸኳይ ጊዜ አዋጁ ኮማንድ ፖስት ሴክሬታሪያትና የመከላከያ ሚኒስትሩ አቶ ሞቱማ መቃሳ ያሉት ሥጋቶች አስቸኳይ ጊዜ አዋጁ ኖረም አልኖረም፣ በማኅበረሰቦች መካከል የሚፈጠሩ የተለመዱ ግጭቶች መሆናቸውንና በመደበኛው ፀጥታ መቆጣጠር እንደሚቻል ምላሽ ሰጥተዋል፡፡ የአስቸኳይ ጊዜ አዋጁ እንዲነሳ በስምንት ድምፀ ተዓቅቦ በአብላጫ ድምፅ ተወስኗል፡፡

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    በሰባት የመንግሥት ተቋማት ላይ ሰፊ የወንጀል ምርመራ እየተካሄደ መሆኑ ተሰማ

    በስምንት የመንግሥት ዩኒቨርሲቲዎች ላይ የወንጀል ምርመራ እንዲጀመር ተወስኗል ከ1.4 ቢሊዮን...

    በደቡብ ክልል የዛላ ወረዳ ነዋሪዎች በከፍተኛ ረሃብ ውስጥ መሆናቸው ተገለጸ

    በደቡብ ክልል ጎፋ ዞን የዛላ ወረዳ ነዋሪዎች ከፍተኛ ረሃብ...

    ‹‹መንግሥት የሕዝብን ደኅንነት ባለመጠበቁ  መንግሥት ነኝ የማለት ልዕልና የለውም›› የፖለቲካ ፓርቲዎች

    የወለጋ ዞኖች በኮማንድ ፖስት ሥር እንዲተዳደሩ ተጠየቀ በኦሮሚያ ክልል ወለጋ...

    ጎህ ቤቶች ባንክ ወደ ቤት ልማት ለመግባት ብሔራዊ ባንክን ፈቃድ ጠየቀ

    በስምንት ወራት ውስጥ 7.9 ሚሊዮን ብር ማትረፉን አስታውቋል ኢትዮጵያ ውስጥ...