Sunday, September 25, 2022
ሌሎች ዓምዶች
    - Advertisement -
    - Advertisement -
    ማኅበራዊ​የ1,500 የቅድመ ካንሰር መመርመሪያ መሣሪያዎች ግዢ ሊፈጸም ነው

    ​የ1,500 የቅድመ ካንሰር መመርመሪያ መሣሪያዎች ግዢ ሊፈጸም ነው

    ቀን:

    የጤና ጥበቃ ሚኒስቴር የካንሰር በሽታን ለመከላከል ጠንካራ እንቅስቃሴ መጀመሩን ከተቋሙ የተገኙ መረጃዎች አመለከቱ፡፡ የካንሰር በሽታን በአገር አቀፍ ደረጃ ለመከላከልና ለመቆጣጠር የ1,500 የቅድመ ካንሰር መመርመሪያ መሣሪያዎች ግዢ በመፈጸም ላይ መሆኑን ለማወቅ ተችሏል፡፡

    የእነዚህ መሣሪያዎች ግዢ መሉ በሙሉ ሲጠናቀቅም በአገር አቀፍ ደረጃ በየወረዳው አንድ የቅድመ ካንሰር መለያ ማዕከል ይኖራል ተብሎ ይጠበቃል፡፡

    ከዚህ በተጨማሪም የካንሰር ሕክምና የሆነው ኬሞ ቴራፒ ከፍተኛ የተጠቃሚ ቁጥር ያለው በመሆኑ፣ የወራት ወረፋ በብቸኛው የጥቁር አንበሳ ሆስፒታል ይስተዋላል፡፡ ይኼንን ችግር ለመቅረፍ ሰሞኑን የአዲስ አበባ ከተማ አስተዳደር ዘመናዊ የካንሰር ማዕከል ለጥቁር አንበሳ ሆስፒታል አስረክቧል፡፡

    የጥቁር አንበሳ ሆስፒታል ይኼንን ማዕከል ለካንሰር ሕክምና መስጫነት ብቻ ሳይሆን፣ እንደ ማሠልጠኛ ተቋምነትም እንደሚጠቅምበት ታውቋል፡፡

    አዲሱ የካንሰር ማዕከል የኬሞ ቴራፒ ሕክምና ለማግኘት የካንሰር ተጠቂዎች ስድስት ወራት ይፈጅባቸው የነበረው ወረፋ በከፍተኛ ሁኔታ ማሳጠር ያስችላላ ተብሏል፡፡

    ይኼንን የኬሞ ቴራፒ ሕክምናን በሌሎች 22 ሆስፒታሎች የማስፋፋት ሥራ የተጀመረ ሲሆን፣ በጥቁር አንበሳ ሆስፒታል በመሰጠት ላይ የሚገኘውን የጨረር ሕክምና (ራዲዮሎጂ) በአምስት ዩኒቨርሲቲ ሆስፒታሎች ማለትም በመቀሌ አይደር ሆስፒታል፣ በሐሮማያ ሕይወት ፋና ሆስፒታል፣ በጎንደር ሆስፒታል፣ በሐዋሳ ሆስፒታልና በጅማ ሆስፒታል ለመጀመር የማዕከላት ግንባታ በማከናወን ላይ መሆኑን መረጃው ያሳያል፡፡

    ከዚህ በተጨማሪም የካንሰር መድኃኒቶችን በመንግሥት ሆስፒታሎች ከዋጋው 50 በመቶ ቅናሽ እያቀረበ ሲሆን፣ ለግል ተጠቃሚዎች መድኃኒቱን በከነማ ፋርማሲዎች በኩል በሙሉ ዋጋ እንዲሸጥ ከስምምነት ላይ መደረሱን የተገኘው መረጃ ያመለክታል፡፡

    በተለይ የጉበት ካንሰርን ከተቻለ መቶ በመቶ ለማዳን መንግሥት በከፍተኛ ድጎማ መድኃኒቱን በስምንት ሆስፒታሎች ለማቅረብ ዝግጅቱን እያጠናቀቀ መሆኑን የተቋሙ መረጃ ያስረዳል፡፡  

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በኢትዮጵያ ላይ የቀጠለው የምዕራባውያን ጣልቃ ገብነት

    ምዕራባውያን አገሮች በኢትዮጵያ ላይ ጠንካራ ጫና ማሳደራቸውን ቀጥለዋል፡፡ በዲፕሎማሲም...

    የመንግሥት ዩኒቨርሲቲዎች የድጎማ በጀት ለፖለቲካ ሥራ ማስፈጸሚያ እንደሚውል የሚያሳይ ሪፖርት ቀረበ

    ለመንግሥት ዩኒቨርሲቲዎች የሚደረግ የበጀት ድጎማ ከመደበኛው ሥራ ይልቅ ከዋናው...

    መንግሥት የሥራ ግብር ምጣኔን እንዲቀንስ ተጠየቀ

    የኢትዮጵያ ሠራተኛ ማኅበራት ኮንፌዴሬሽን (ኢሠማኮ) መንግሥት የሠራተኛውን የኑሮ ጫና...

    የአዲስ አበባ ንግድና ዘርፍ ማኅበራት ምክር ቤት የአመራሮች ምርጫና ቀጣይ ዕቅዶቹ

    የአዲስ አበባ ንግድና ዘርፍ ማኅበራት ምክር ቤት ሲጠበቅ የነበረውን...