Sunday, September 25, 2022
ሌሎች ዓምዶች
    - Advertisement -
    - Advertisement -
    ማኅበራዊ​የቴዲ አፍሮ ኮንሰርት ከመንግሥት ዕውቅና አላገኘም

    ​የቴዲ አፍሮ ኮንሰርት ከመንግሥት ዕውቅና አላገኘም

    ቀን:

    የካቲት 26 ቀን 2008 ዓ.ም. እንዲካሄድ ዕቅድ ተይዞለት የነበረው የድምፃዊ ቴዲ አፍሮ (ቴዎድሮስ ካሳሁን) ኮንሰርት፣ እስካለፈው ዓርብ ድረስ ከአዲስ አበባ ከተማ አስተዳደር ዕውቅና አላገኘም፡፡

    ኮንሰርቱን ያዘጋጀው ሐበሻ ዊክሊ ፕሮሞሽን ድርጅት ጉዳዩ በቀጥታ ከሚመለከተው የከንቲባው ጽሕፈት ቤት ምላሽ ባለማግኘቱ፣ ቅሬታውን ለመንግሥት ኮሙዩኒኬሽን ጉዳዮች ጽሕፈት ቤት ቢያቀርብም፣ ምላሽ ግን አለማግኘቱን አስታውቋል፡፡

    በአዲስ አበባ ከተማ አስተዳደር ከንቲባ ጽሕፈት ቤት ሥር የሚገኘው የሰላማዊና ሕዝባዊ ስብሰባዎች ፈቃድ ክፍል፣ ኮንሰርቱን ለማካሄድ ለቀረበለት ጥያቄ ግልጽ ምላሽ ባይሰጥም፣ ኮንሰርቱ እንዳይካሄድ መከልከሉን ግን ምንጮች ለሪፖርተር ገልጸዋል፡፡

    ሐበሻ ዊክሊ ፕሮሞሽን በግዮን ሆቴል ለማካሄድ ያቀደው ኮንሰርት እጅግ ውድ ኮንሰርት የተባለ ሲሆን፣ ለቴዲ አፍሮ 1.3 ሚሊዮን ብር ለመክፈል ዕቅድ ተይዞ እንደነበር ለማወቅ ተችሏል፡፡

    ቴዎድሮስ ከዚህ ገንዘብ ውስጥ 400 ሺሕ ብር ቅድሚያ እንደተከፈለው መረጃዎች ጠቁመዋል፡፡ የሐበሻ ዊክሊ ፕሮሞሽን ማኔጂንግ ዳይሬክተር አቶ አዶኒክ ወርቁ ለሪፖርተር እንደገለጹት፣ ለድምፃዊው ከሚከፈለው በተጨማሪ ኮንሰርቱን ለማካሄድ ሦስት ሚሊዮን ብር በጀት ተይዟል፡፡ ከተያዘው በጀት ውስጥ አንድ ሚሊዮን ብር የሚጠጋ ገንዘብ እስካሁን ለተለያዩ የማስታወቂያ ሥራዎች ወጪ መደረጉንም አክለዋል፡፡

    ‹‹ኮንሰርቱ አንድ ሳምንት ጊዜ ብቻ ይቀረዋል፡፡ የአዲስ አበባ ከተማ አስተዳደር እስካሁን ምላሽ አለመስጠቱ በሥራችን ላይ ትልቅ ችግር ፈጥሮብናል፤›› ሲሉ አቶ አዶኒክ ገልጸዋል፡፡

    ‹‹በርካታ ሰዎች የድምፃዊ ቴዎድሮስን ኮንሰርት በጉጉት እየጠበቁ ነው፡፡ እኛም ትልቅ ወጪ አውጥተናል፤›› በማለት አስተዳደሩ አፋጣኝ ምላሽ እንዲሰጥ አቶ አዶኒክ ጠይቀዋል፡፡

    ‹‹ኮንሰርቱን ለማዘጋጀት የሚያስችለንን ፈቃድ ዓርብ ማግኘት ይኖርብን ነበር፤›› ያሉት አቶ አዶኒክ፣ ‹‹ፈቃዱን ሰኞ የምናገኝ ከሆነ ቴዲ አፍሮ ተቀባይነት ያለው አርቲስት ስለሆነ ኮንሰርቱን የማካሄድ ዕድል ሊኖረን ይችላል፡፡ ፈቃዱ ካልተገኘ ግን ኮንሰርቱን ለዳግማ ትንሳዔ እናዛውራለን፤›› ሲሉ ያለውን አጠቃላይ ሁኔታ ተናግረዋል፡፡

    ዕጣ ፈንታው ያለየለት የቴዎድሮስ ኮንሰርት የመግቢያ ዋጋ 400 ብር ሲሆን፣ ግዮን ሆቴልና መንግሥት እስከ 2.5 ሚሊዮን ብር ገቢ ያገኛሉ ተብሎ ተገምቶ ነበር፡፡ 

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በኢትዮጵያ ላይ የቀጠለው የምዕራባውያን ጣልቃ ገብነት

    ምዕራባውያን አገሮች በኢትዮጵያ ላይ ጠንካራ ጫና ማሳደራቸውን ቀጥለዋል፡፡ በዲፕሎማሲም...

    የመንግሥት ዩኒቨርሲቲዎች የድጎማ በጀት ለፖለቲካ ሥራ ማስፈጸሚያ እንደሚውል የሚያሳይ ሪፖርት ቀረበ

    ለመንግሥት ዩኒቨርሲቲዎች የሚደረግ የበጀት ድጎማ ከመደበኛው ሥራ ይልቅ ከዋናው...

    መንግሥት የሥራ ግብር ምጣኔን እንዲቀንስ ተጠየቀ

    የኢትዮጵያ ሠራተኛ ማኅበራት ኮንፌዴሬሽን (ኢሠማኮ) መንግሥት የሠራተኛውን የኑሮ ጫና...

    የአዲስ አበባ ንግድና ዘርፍ ማኅበራት ምክር ቤት የአመራሮች ምርጫና ቀጣይ ዕቅዶቹ

    የአዲስ አበባ ንግድና ዘርፍ ማኅበራት ምክር ቤት ሲጠበቅ የነበረውን...