Saturday, March 2, 2024
- Advertisment -
- Advertisment -

ክቡር ሚኒስትር

[ክቡር ሚኒስትሩ ጠዋት ቀጠሮ ቢኖራቸውም ሾፌራቸው አርፍዶባቸው በጣም ተበሳጭተዋል]

  • ጤነኛ ነህ ሰውዬ?
  • ይቅርታ ክቡር ሚኒስትር፡፡
  • መጀመሪያ የጠየቅኩህን መልስልኝ?
  • ምኑን ክቡር ሚኒስትር?
  • ጤነኛ ነህ ወይ?
  • ይቅርታ አልኩ እኮ ክቡር ሚኒስትር፡፡
  • በጠዋት ቀጠሮ እንዳለኝ ነግሬህ አልነበር?
  • ከአቅም በላይ የሆነ ችግር ገጥሞኝ ነው፡፡
  • ከአቅምህ በላይ አትጠጣ ብዬ አልነገርኩህም?
  • ኧረ ከአቅም በላይ የሆነ ችግር ገጥሞኝ ነው ያልኩት፡፡
  • ባለፈው በመሥሪያ ቤታችን የተሰጠውን የአቅም ግንባታ ሥልጠና ወስደሃል አይደል?
  • አዎን ክቡር ሚኒስትር፡፡
  • ታዲያ አቅምህ ከተገነባ እንዴት ሆኖ ነው ከአቅምህ በላይ ችግር የሚገጥምህ?
  • አልገባዎትም ክቡር ሚኒስትር፡፡
  • እንዴት ሊገባኝ ይችላል?
  • የእናንተ ችግር እኮ ይኼ ነው፡፡
  • ምኑ ነው የእኛ ችግር?
  • አለማዳመጥ፡፡
  • እሺ ላዳምጥህ ምን ሆነህ ነው ያረፈድከው?
  • ታክሲ የለም፡፡
  • ምን ታክሲዎቹ በአሸባሪዎች ታፍነው ተወሰዱ?
  • አይደለም፣ አድማ መትተዋል፡፡
  • አድማ?
  • አዎን አድማ፡፡
  • የት ነው አድማ የመቱት?
  • እዚህ አዲስ አበባ ነዋ፡፡
  • ይኼ ነገር እዚህም ገባ እንዴ?
  • ምኑ?
  • አድማው፡፡
  • ያው አሁን አድማ የመቱት ታክሲዎቹ ናቸው፡፡
  • ምን ሆነን ብለው ነው?
  • አዲሱን የትራፊክ ደንብ ተቃውመው፡፡
  • ለምንድነው የሚቃወሙት?
  • ሥራ አጥ ያደርገናል ብለው ነዋ፡፡
  • ለምንድነው ሥራ አጥ የሚሆኑት?
  • ቅጣቱ ከፍተኛ ነዋ፡፡
  • አለማጥፋት ነዋ፡፡
  • ክቡር ሚኒስትር የሚሠራ ሰው እኮ መሳሳቱ አይቀርም፡፡
  • የተሳሳተማ ይቀጣል፡፡
  • እንደዚያማ ከሆነ የእርስዎም ቢሮ ቂሊንጦ ነበር የሚሆነው፡፡
  • ምን አልክ አንተ?
  • ይተውት በቃ፡፡
  • ለመሆኑ ታክሲ ቢጠፋ ለምን በባቡር አልመጣህም?
  • በየትኛው ባቡር?
  • ይኸው የከተማ ባቡር ዘርግተናል አይደል እንዴ?
  • ክቡር ሚኒስትር የከተማው ባቡር እኮ ለተወሰኑ ሰዎች ነው የሚያገለግለው፣ አብዛኛው ሕዝብ በታክሲ ነው የሚጠቀመው፡፡
  • እኮ አሁን አንተ ለምን በባቡር አትጠቀምም?
  • ባቡሩ በእኛ ሠፈር አያልፍማ፡፡
  • አየህ ኪራይ ሰብሳቢ ውስጥ ነው የምትኖረው ማለት ነው፡፡
  • እንዴት ክቡር ሚኒስትር?
  • ባቡሩ የሚያልፍበት ሠፈር ልማታዊ ሠፈር ነዋ፡፡
  • ክቡር ሚኒስትር ደመወዝ ከጨመሩልኝ እኮ እኔም ባቡሩ በሚያልፍበት መንገድ ቤት መከራየት እችላለሁ፡፡
  • ለማንኛውም የኪራይ ሰብሳቢ አመለካከት እንዳለህ ለመረዳት ችያለሁ፡፡
  • ይኼ ነው እኮ ከሕዝቡም ጋር እያጋጫችሁ ያለው ነገር፡፡
  • ምኑ?
  • አለማዳመጥ!

[ክቡር ሚኒስትሩ ቢሮ ጸሐፊያቸው ገባች]

  • ክቡር ሚኒስትር ባለጉዳይ ይፈልግዎታል፡፡
  • የምን ባለጉዳይ?
  • ሰሞኑን በተደጋጋሚ ሲመላለስ ነበር፡፡
  • ቢመላለስስ?
  • ለዛሬ ቀጥረውት ነበር፡፡
  • ሌላ ሥራ አለኝ አልችልም፡፡
  • ክቡር ሚኒስትር ዛሬ ከዚህ ሌላ ቀጠሮ የለዎትም፡፡
  • እኔ ጠፋሁ እየተቆጣጠርሽኝ ነው?
  • ልቆጣጠርዎት ፈልጌ ሳይሆን…
  • ታዲያ ምን ፈልገሽ ነው?
  • ቴሌቪዥን ይመለከታሉ?
  • ሰሞኑን የአሜሪካ ምርጫ እከታተላለሁ፡፡
  • ኧረ የአገር ውስጥ ሚዲያ አይከታተሉም?
  • ሥራም አላጣሁ፡፡
  • ታዲያ እኛን ለምንድነው የምታደናቁሩን?
  • በምን?
  • በየጊዜው የመልካም አስተዳደር ችግር ምናምን እያላችሁ ነዋ፡፡
  • እንዴት ማለት?
  • አንደኛው የመልካም አስተዳደር ችግር እኮ አሁን እርስዎ የሚያደርጉት ነው፡፡
  • የመልካም አስተዳደር ችግር ያለውማ ሕዝቡ እንደሆነ ገብቶኛል፡፡
  • እንዴት ሆኖ?
  • ይኸው ዛሬ ታክሲ ባለመኖሩ ምክንያት ነው ከሥራ ያረፈድኩት፡፡
  • ታክሲ መጠቀም ጀመሩ እንዴ?
  • ኧረ ምን በወጣኝ? ሾፌሬ ታክሲ አጥቶ ግን እኔንም አስረፈደኝ፡፡
  • ለዚያ ነው የመልካም አስተዳደር ችግር ያለው ሕዝቡ ጋ ነው ያሉት?
  • በሚገባ፡፡
  • ኧረ እኔ እንደሰማሁዎት ሌላ ሰው እንዳይሰማዎት፡፡
  • ቢሰማ ምን ያመጣል?
  • ለማንኛውም አንድ ነገር ልጠይቅዎት፡፡
  • ምን?
  • በሚዲያ የምትደሰኩሩትን አቁሙ፡፡
  • የቱን?
  • ውሸቱን!

[አንድ ደላላ የክቡር ሚኒስትሩ ጸሐፊ ቢሮ ገባ]

  • አሉ እንዴ?
  • ቀጠሮ አለህ?
  • የለኝም ግን አሁን ደውዬላቸው ነበር፡፡
  • ሥራ አላቸው፡፡
  • ኧረ ሴትዮ አሁን ደውዬላቸዋለሁ፣ ገብተሽ ንገሪያቸው፡፡

[ጸሐፊያቸው ቢሯቸው ገባች]

  • አንድ ሰውዬ ቢሮ አለ፡፡
  • ማን ነው?
  • አሁን ደውዬላቸው ነበር ብሎኛል፡፡
  • አስገቢልኝ ቶሎ፡፡
  • ምን?
  • ሰምተሽኛል፡፡

[ደላላው ቢሯቸው ገባ]

  • እሺ ምን ይዘህ መጣህ?
  • ጮማ የሆነ ነገር ይዣለሁ ክቡር ሚኒስትር፡፡
  • የምን ጮማ?
  • ያው ፆም ሊገባ ነው ብዬ ነዋ፡፡
  • እኮ ምንድነው?
  • ጠቀም ያለ ዶላር፡፡
  • ስሙ ሲጠራ ራሱ ያስደስተኛል፡፡
  • በቃ ክቡር ሚኒስትር ከእርስዎ የሚፈለገው ያው የተለመደው ነው፡፡
  • የተለመደው ምን?
  • መሬት ነዋ፡፡
  • አታስብ ስለሱ፡፡
  • እርስዎም ስለዶላሩ አያስቡ፡፡
  • መቼ ይደርሳል ታዲያ?
  • ከፆሙ በፊት!

[የክቡር ሚኒስትሩ ሚስት ደወሉላቸው]

  • በአስቸኳይ ናልኝ፡፡
  • ምን ሆነሻል?
  • መኪናዬ ቆመችብኝ፡፡
  • ጎማ ፈንድቶ ከሆነ እዚያው አካባቢ ሰው ፈልገሽ አስቀይሪ፡፡
  • እሱ ቢሆንማ መቼ ጠፋኝ? አሁን ብቻ ናልኝ፡፡
  • ሥራ ላይ ነኝ እኮ?
  • ነዳጅ አልቆብኝ ነው የቆምኩት፡፡
  • ኩፖን ሰጥቼሽ አልነበር እንዴ? ለምን አልቀዳሽም?
  • ነዳጅ በኩፖን ብቻ አይቀዳማ፡፡
  • ለምን አይቀዳም?
  • ነዳጅ የለም፡፡
  • ከኪራይ ሰብሳቢዎችና ከኒዮሊብራሎች ጋር መዋል ተይ አላልኩሽም?
  • ምንድነው የምታወራው?
  • ለመሆኑ ሚዲያ ትከታተያለሽ?
  • በደንብ፡፡
  • ዓለም ላይ የነዳጅ ዋጋ ምን ያህል እያሽቆለቆለ እንደሆነ አታውቂም?
  • እና ቢቀንስስ?
  • ስሚ እኛ እኮ ከዚህ ተነስተን ነዳጅ በየቤቱ በቧንቧ ለማስገባት እያሰብን ነው፡፡
  • ‘ሽቶ ቀርቶብኝ ፈስሽን ባቆምሽልኝ’ አለ ሰውዬው፡፡
  • ምን ለማለት ፈልገሽ ነው?
  • ነዳጅ የለም ነው እኮ የምልህ?
  • እኮ ለምን?
  • አልተዋሃደም፡፡
  • የአራቱ ፓርቲ ውህደትማ ይቆይ ብለናል እኮ፡፡
  • ሰውዬ እኔ የአንተን ፖለቲካ አይደለም የማወራው፡፡
  • አልተዋሃደም ስትይኝ ነዋ?
  • ነዳጁን ነው የማወራህ፡፡
  • ነዳጅ ይዋሀዳል እንዴ?
  • ይኼን ነው እኮ የምልህ?
  • ምንድን ነው የምትይኝ?
  • ልትግባቡ አልቻላችሁም፡፡
  • ከማን ጋር?
  • ከሕዝቡ ጋር!

[የክቡር ሚኒስትሩ አማካሪ ቢሯቸው ገባ]

  • ባለፈው ባዘዙኝ መሠረት ጥናቱን ጨርሻለሁ፡፡
  • እሺ፡፡
  • የችግሮቹ መንስዔዎችም ታውቀዋል፡፡
  • እነሱማ ግልጽ ናቸው፡፡
  • ሊነግሩኝ ይችላሉ?
  • ኪራይ ሰብሳቢነት፡፡
  • እሺ፡፡
  • ሙሰኝነት፡፡
  • ይቀጥሉ፡፡
  • ማናአለብኝነት፡፡
  • ሌላስ?
  • የመልካም አስተዳደር ችግር፡፡
  • ትክክል ነዎት ክቡር ሚኒስትር ግን አንድ ነገር ረሱ፡፡
  • ምን ረሳሁ?
  • የውስጥ የምትል ቃል፡፡
  • እንዴት?
  • እነዚህ ሁሉ ችግሮች ያሉት በውስጣችን ነው፡፡
  • እ…
  • ክቡር ሚኒስትር ሕዝቡ እኮ ተማሮብናል፡፡
  • እንዴት?
  • ባለፈው ኦሮሚያ ላይ ሕግ አውጥተን ነበር፡፡
  • ልክ ነው፡፡
  • ሕዝብ በሚገባ አልተወያየበትም ተብሎ ግን ወዲያ ተቀለበሰ፡፡
  • ምን ይደረግ ታዲያ?
  • አሁን ደግሞ የትራፊክ ደንብ ወጥቶ ነበር፡፡
  • አዎን፡፡
  • እሱም ለሦስት ወራት ተግባራዊ እንዳይደረግ ተደርጓል፡፡
  • ሕዝቡ አልቀበልም አለ?
  • ችግሩ እኮ ይኼ ነው፡፡
  • ምንድነው ችግሩ?
  • ከሕዝቡ ጋር ሳንወያይ ነው ሕግ የምናወጣው፡፡
  • ሕዝቡማ መርጦናል እኮ፡፡
  • ቢሆንም ክቡር ሚኒስትር፣ ሕጐች ሲወጡ በጥናትና በምርምር የተደገፉ መሆን አለባቸው፡፡
  • የጥናትና የምርምር ተቋማት አሉን አይደል እንዴ?
  • ቢኖሩንም ግን ችግሮቹ በደንብ እየታዩ አይደሉም፡፡
  • ችግር የለውም እኔ መፍትሔ አለኝ፡፡
  • ምን ዓይነት መፍትሔ ክቡር ሚኒስትር?
  • አንድ ዳይሬክቶሬት ማቋቋም አለብን፡፡
  • ምን የሚሉት?
  • ትራያል ኤንድ ኢረር!      

በብዛት የተነበቡ ፅሁፎች

- Advertisment -

ትኩስ ፅሁፎች

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...

የጋራ ድላችን!

ከፒያሳ ወደ ቄራ ልንጓዝ ነው። ለበርካታ ደቂቃዎች ሠልፍ ይዘን...
spot_img

ተዛማጅ ፅሁፎች

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ ነው የሚደንቀው? የልደታ ክፍለ ከተማ ነዋሪዎች ሕዝባዊ ውይይት ላይ ምን ጉዳዮች ተነሱ? በአስማት ነው የምንኖረው ሲሉ ቅሬታቸውን...

[ክቡር ሚኒስትሩ የካቤኔ አባል የሆኑት አንድ ከፍተኛ ባለሥልጣን የሚያቀርቡትን ቅሬታ እያዳመጡ ነው] 

ክቡር ሚኒስትር እየሆነ ያለው ነገር በእጅጉ ስላሳሰበኝ ነው በአካል አግኝቼ ላነጋግርዎት የፈለግኩት። ጥሩ አደረክ። ምን አሳሳቢ ነገር ገጥሞህ ነው? ክቡር ሚኒስትር ተወያይተንና ተግባብተን ያስቀመጥናቸው አቅጣጫዎች፣ በተለይም...

[የክቡር ሚኒስትሩ ባለቤት ሞባይል ስልካቸው ላይ አተኩረው ሲመለከቱ ቆይተው፣ በድንገት ካቀረቀሩበት ቀና ብለው ባቤታቸውን ጠየቁ]

ምን ጉድ ነው የማየው? ምን ገጠመሽ? የመንግሥት ሚዲያዎች የሚያሠራጩት ምንድነው? ምን አሠራጩ? አልሰማህም? አልሰማሁም፣ ምንድነው? ዳግማዊ አፄ ምኒልክ መልዕከት አስተላለፉ እያሉ ነው እኮ። እ... እሱን ነው እንዴ? አዎ። የምታውቀው ነገር አለ? አዎ። የዓድዋ...