Sunday, June 23, 2024
- Advertisement -
- Advertisement -
ማኅበራዊ​በተለያዩ ከተሞች የሚታየው አለመረጋጋት አሳሳቢ መሆኑን ቅዱስ ሲኖዶስ ገለጸ

​በተለያዩ ከተሞች የሚታየው አለመረጋጋት አሳሳቢ መሆኑን ቅዱስ ሲኖዶስ ገለጸ

ቀን:

ኢትዮጵያ ‹‹የሰላም አገሮች›› ከሚባሉት አንዷ ብትሆንም፣ በአሁኑ ጊዜ በተለያዩ ከተሞች የሚታየው አለመረጋጋት እንዳሳሰበው ቅዱስ ሲኖዶስ ገለጸ፡፡

የኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ ባለፉት ሳምንታት በተከሰተው ያልተጠበቀ ችግር፣ በአንዳንድ አካባቢዎች የሰው ሕይወት መጥፋቱን፣ ትምህርት ቤቶች መዘጋታቸውን፣ የንግድ ተቋማት፣ የሕዝብና የመንግሥት ንብረት፣ የእምነት ተቋማት መውደማቸውንና ኅብረተሰቡ የችግሩ ተጠቂ መሆኑን አስረድቷል፡፡

ቅዱስ ሲኖዶስ በአገሪቱ ወቅታዊ ጉዳዮች ማለትም በድርቅና የሰላም ሁኔታ ላይ ለሁለት ቀናት በዝግ ያካሄደውን ጉባዔ አስመልክቶ ፓትርያርክ ብፁዕ ወቅዱስ አቡነ ማትያስ የካቲት 29 ቀን 2008 ዓ.ም. በሰጡት ጋዜጣዊ መግለጫ፣ ባለፉት ሳምንታት የተከሰተው አላስፈላጊ ድርጊት እስከ መጨረሻው ዕልባት እንዲያገኝ መንግሥት የጀመረውን ጥረት መቀጠል እንዳለበት አሳስበዋል፡፡

‹‹በተከሰተው ችግር ሕይወታቸውን ያጡ ወገኖች በመሪር ሐዘን ጸሎት እናስባቸዋለን፡፡ ስለዚህ ሁላችንም ልጆቻችንን መላው የኢትዮጵያ ሕዝብ ወንድ፣ ሴት፣ ወጣት፣ ሽማግሌ ሳትሉ ችግራችሁን ሰላማዊ በሆነ መንገድ ለሚመለከተው እንድታቀርቡ፣ መንግሥትም የሕዝቡን ችግርና ሰላማዊ ጥያቄ በመገንዘብ መፍትሔ በመስጠትና ሰላም ለማምጣት እያደረገ ያለውን የዕለት ከዕለት ጥረት እንዲቀጥልበት በቤተ ክርስቲያናችን ስም እናሳስባለን፤›› ብለዋል፡፡

በሌላ በኩልም የወቅቱ ፈታኝ ችግር የሆነው ድርቅን አስመልክቶም በመግለጫው እንደተመለከተው ሕዝቡና አገሪቱ በረሃብ፣ በድህነትና በበሽታ ቸነፈር በተቸገሩበት ወቅት የኢትዮጵያ ሕዝብ በአንድነት መሠረታዊ ወደ ሆነው ልማት የሰላምና የድርቅ ጉዳይ በማተኮር መልስ ሰጪ መሆን ይገባዋል፡፡ በተያዘው የዓቢይ ጾም ሱባኤ ፀሎተ ምህላ በመላ አገሪቱ ባሉት ገዳማት፣ አድባራትና የገጠር አብያተ ክርስቲያናት እንዲደረግ ቅዱስ ሲኖዶስ መወሰኑን ፓትርያርኩ ገልጸዋል፡፡

የኤሌክትሮኒክስ መገናኛ (ብሎጎችና ፌስቡክ) ተጠቃሚዎች ኅብረተሰቡን የሚለያይና የሚያራርቅ መረጃ (ኢንፎርሜሽን) ዕለት ተዕለት ቢያስነብቡ ትርፉ መራራቅ እንጂ መቀራረብ፣ መለያየትን እንጂ መግባባትን አያመጣምና ተጠቃሚዎች የተከበረ ዕውቀታቸውንና ሙያቸውን ለሕዝቡ ፍቅርና አንድነት፣ ለአገር ሰላምና ዕድገት እንዲያውሉት ቤተ ክርስቲያኗ አጥብቃ ጠይቃለች፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...