Monday, November 28, 2022
ሌሎች ዓምዶች
    - Advertisement -
    - Advertisement -
    ዜና​የጣሊያን ፕሬዚዳንት የአምስት ቀናት ይፋዊ ጉብኝት ለማድረግ አዲስ አበባ ይገባሉ

    ​የጣሊያን ፕሬዚዳንት የአምስት ቀናት ይፋዊ ጉብኝት ለማድረግ አዲስ አበባ ይገባሉ

    ቀን:

    የጣሊያን ፕሬዚዳንት ሰርጂዮ ማታሬላ የአምስት ቀናት ይፋዊ የሥራ ጉብኝት ለማድረግ እሑድ መጋቢት 4 ቀን 2008 ዓ.ም. አዲስ አበባ ይገባሉ፡፡ ይህ የፕሬዚዳንቱ ጉብኝት ከሃያ ዓመታት በኋላ የመጀመሪያው ሲሆን፣ ጉብኝቱ ከመጋቢት 4 እስከ መጋቢት 8 ቀን 2008 ዓ.ም. እንደሚቆይ የጣሊያን ኤምባሲ አስታውቋል፡፡

    ፕሬዚዳንቱ በቆይታቸው ወቅት ከፕሬዚዳንት ዶ/ር ሙላቱ ተሾመና ከጠቅላይ ሚኒስትር ኃይለ ማርያም ደሳለኝ ጋር ተገናኝተው፣ የሁለቱ አገሮች የሁለትዮሽ ግንኙነት ተጠናክሮ በሚቀጥልበት ሁኔታ ላይ እንደሚወያዩ ተጠቁሟል፡፡

    ማታሬላ ከኢትዮጵያ ኦርቶዶክስ ተዋሕዶ ቤተ ክርስቲያን ፓትሪያርክ አቡኑ ማቲያስ ጋር ተገናኝተው የሚወያዩ መሆኑን፣ በተጨማሪም አራት ኪሎ በሚገኘው የድል ሐውልት ሥር የመታሰቢያ ጉንጉን አበባ እንደሚያስቀምጡም ተገልጿል፡፡

    በፕሬዚዳንቱ ጉብኝት የሁለቱ አገሮች ኢኮኖሚያዊ ትስስርና ዕድገት፣ አካባቢያዊ ሰላምና መረጋጋት፣ እንዲሁም የአውሮፓ አገሮች የወቅቱ ራስ ምታት የሆነው የስደተኞች ጉዳይ ዋነኛዎቹ የውይይት አጀንዳዎች እንደሚሆኑ ይጠበቃል፡፡ ከዚህ በተጨማሪም ሁለቱ አገሮች ትምህርትና ባህልን በተመለከተ እንደሚወያዩ ይጠበቃል፡፡

    በዚህም መሠረት የጣሊያን የትምህርት፣ የዩኒቨርሲቲና የምርምር ሚኒስትር ስትፋንያ ጂያኒኒና ምክትል የውጭ ጉዳይ ሚኒስትሩ ማርዮ ጂሮ ከፕሬዚዳንቱ ጋር አዲስ አበባ ይገባሉ፡፡

    ፕሬዚዳንቱ በቆይታቸው የጣሊያን ልማት ድርጅት ዕርዳታ የሚያደርግለትን የጋምቤላ የስደተኞች ካምፕንና የላሊበላ ውቅር አብያተ ክርስቲያናትን ለመጎብኘት ዕቅድ ይዘዋል፡፡

    ከዚህ በተጨማሪም የአኅጉሪቱን ቀጣይ ተስፋ ብሩህ ለማድረግ የጣሊያን መንግሥት ሊያበረክተው ስለሚችለው አስተዋጽኦ፣ ከአፍሪካ ኅብረት ኮሚሽነር ከዶ/ር ንኮሳዛና ድላሚኒ ዙማ ጋር ተገናኝተው እንደሚወያዩም እንዲሁ ተገልጿል፡፡

    ሰርጂዮ ማታሬላ የተወለዱት እ.ኤ.አ. በ1941 ሲሆን፣ እ.ኤ.አ. በ2015 የጣሊያን ፕሬዚዳንት ሆነው ከመሾማቸው በፊት አገራቸውን በተለያዩ ኃላፊነቶች አገልግለዋል፡፡ በዚህም መሠረት እ.ኤ.አ. ከ1983 እስከ 2008 ድረስ የአገሪቱ የፓርላማ አባል፣ ከ1989 እስከ 1990 የትምህርት ሚኒስትር፣ ከ1999 እስከ 2001 የመከላከያ ሚኒስትር በመሆን ሲያገለግሉ፣ ከ2011 ጀምሮ እስከ 2015 ድረስ የአገሪቱ የሕገ መንግሥት ፍርድ ቤት ዳኛ በመሆን አገልግለዋል፡፡

    ሰርጂዮ ማታሬላ 12ኛው የጣሊያን ፕሬዚዳንት ሲሆኑ፣ ከሲሲሊ የተወከሉ የመጀመሪያው ፕሬዚዳንት ናቸው፡፡ 

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በችግር የተተበተበው የሲሚንቶ አቅርቦት

    ሲሚንቶን እንደ ግብዓት ተጠቅሞ ቤት ማደስ፣ መገንባት፣ የመቃብር ሐውልት...

    ‹‹የናይል ዓባይ መንፈስ›› በሜልቦርን

    አውስትራሊያ ስሟ ሲነሳ ቀድሞ የሚመጣው በተለይ በቀደመው ዘመን የባህር...

    ‹‹ልብሴን ለእህቴ››

    ለሰው ልጅ መኖር መሠረታዊ ፍላጎት ተብለው ከተዘረዘሩት ውስጥ ልብስ...

    የአዲስ አበባ ትምህርት ቤቶች የምርመራ ውጤት እስከምን?

    በፍቅር አበበ የትምህርት ጥራትን፣ ውጤታማነትንና ሥነ ምግባርን ማረጋገጥ ዓላማ አድርጎ...