Sunday, June 16, 2024
- Advertisement -
- Advertisement -

ዜናበደቡብና ኦሮሚያ አዋሳኝ ዞኖች የተፈናቀሉ ዜጎች ቁጥር ከግማሽ ሚሊዮን በላይ ደረሰ

በደቡብና ኦሮሚያ አዋሳኝ ዞኖች የተፈናቀሉ ዜጎች ቁጥር ከግማሽ ሚሊዮን በላይ ደረሰ

ቀን:

በምዕራብ ጉጂና ጌዴኦ ዞኖች ተከስቶ በነበረው ግጭት የተፈናቃዮች ቁጥር ከግማሽ ሚሊዮን በላይ መድረሱን የተባበሩት መንግሥታት ድርጅት አስታወቀ፡፡

ድርጅቱ ከቀናት በፊት ባወጣው ሳምንታዊ ሪፖርት እስካሁን ባለው አኃዝ መሠረት 527,263 ከምዕራብ ጉጂ ዞን ሲፈናቀሉ፣ 170 ሺሕ የሚሆኑት ደግሞ ከጌዴኦ ዞን መፈናቀላቸው ተገልጿል፡፡ በሚያዝያ ወር እንደተጀመረ የተነገረለት የዜጎች መፈናቀል የደቡብና የኦሮሚያ ክልሎችን በሚያዋስኑት ሁለቱ ዞኖች በሚኖሩ ነዋሪዎች መካከል አጋጠመ በተባለው ግጭት መጀመሩ ይታወሳል፡፡

 ወደ አካባቢዎቹ የሁለቱ ክልሎችና የፌዴራል መንግሥት የፀጥታ አካላት ቢሰማሩም፣ አለመረጋጋቱና የፀጥታ መደፍረሱ እንዳልቆመ ድርጅቱ በሪፖርቱ አብራርቷል፡፡

- Advertisement -

ብሔራዊ የአደጋ ሥጋት ሥራ አመራር ኮሚሽንን ጨምሮ የተለያዩ አካላት ለተፈናቃዮቹ ድጋፍ እያደረጉ ቢሆንም፣ እየተሰጠ ያለው ድጋፍ አነስተኛና በቂ እንዳልሆነ ሪፖርቱ አክሏል፡፡ አብዛኛው ድጋፍ በአካባቢው ማኅበረሰቦችና በመንግሥታዊ አካላት ብቻ እየተሰጠ እንደሆነም ተጠቁሟል፡፡

የብሔራዊ የአደጋ ሥጋት ሥራ አመራር ኮሚሽን የሕዝብ ግንኙነት ኃላፊ አቶ ደበበ ዘውዴ፣ በኮሚሽኑ በኩል ተፈናቃቹን ለማገዝ የተለያዩ ድጋፎችና ዕገዛዎች እየተደረጉ እንደሆነ ለሪፖርተር ገልጸዋል፡፡ የተፈናቃዮቹን ቁጥር በተመለከተም  መንግሥት የሚያውቀው 400 ሺሕ አካባቢ መሆኑን ገልጸዋል፡፡ በተቃራኒው የተባበሩት መንግሥታት ድርጅት ይፋ ባደረገው ሳምንታዊው ሪፖርት፣ ከሁለቱ ክልሎች የተፈናቀለው ሕዝብ ቁጥር 697,730 እንደሚደርስ አስታውቋል፡፡

የተፈናቀሉትን ቁጥር በትክክል ለመገመት ያለው ተለዋዋጭ ሁኔታ አስቸጋሪ እንዳደረገው በሪፖርቱ ተብራርቷል፡፡ አቶ ደበበ በበኩላቸው፣ ‹‹የተፈናቃዮች ቁጥር ከ400 ሺሕ በላይ ነው፤›› ይላሉ፡፡

በመንግሥት ከሚደረገው ዕገዛ ጋር በተያያዘ በጌዴኦ ዞን በተለያዩ ወረዳዎች ለሚገኙ ተፈናቃዮች 79,780 ኩንታል የተለያዩ ምግቦች ማከፋፈላቸውን፣ በተጨማሪም 48 ሺሕ ብርድ ልብሶች፣ ፍራሾች፣ ፕላስቲኮችና የተለያዩ ምግብ ነክ ያልሆኑ ዕቃዎች መሠራጨታቸውን የገለጹት አቶ ደበበ፣ በተመሳሳይ ለምዕራብ ጉጂ ዞን 19,199 ኩንታል ምግብና 23,929 ምግብ ነክ ያልሆኑ ቁሳቁሶች ተሠራጭተዋል ብለዋል፡፡

በተለያዩ የአገሪቱ ክፍሎች በተፈጠሩ ግጭቶች ምክንያት በተፈናቀሉ ዜጎችና  በሌሎች ወቅታዊ ጉዳዮች ላይ፣ ለሕዝብ ተወካዮች ምክር ቤት ማክሰኞ ሰኔ 11 ቀን 2010 ዓ.ም. ማብራሪያ የሰጡት ጠቅላይ ሚኒስትር ዓብይ አህመድ (ዶ/ር) ድርጊቱን ማውገዛቸው ይታወሳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የምግብ ዋጋ ንረት አጣዳፊ ዕርምጃ ያስፈልገዋል!

መንግሥት የሚቀጥለውን ዓመት በጀት ይዞ ሲቀርብ በአንገብጋቢነት ከሚነሱ ጉዳዮች...

ከባለአንድ ዋልታ ወደ ባለብዙ ዋልታ የዓለም ሥርዓት የመሸጋገራችን እውነታ

በአብዱ ሻሎ አንገት ማስገቢያ እ.ኤ.አ. በፌብሩዋሪ 2022 የሩሲያ መንግሥት በዩክሬን ‹‹ልዩ...

የኢትዮጵያ ኦርቶዶክስ ተዋሕዶ ቤተ ክርስቲያን የውጭ ግንኙነት የሺሕ ዘመናት ታሪኳና እሴቶቿን የሚመጥን መሆን ይኖርበታል

(ክፍል አንድ) በተረፈ ወርቁ (ዲ/ን) እንደ መንደርደሪያ ለዛሬው የግል ትዝብቴንና ታሪክን ላዛነቀው...

ከአገር ግንባታ ጋር የተያያዙ ወሳኝ የቅርብ ታሪካችን አንጓዎች

በታደሰ ሻንቆ በአያሌው የተመረጡና ልጥ የሌላቸው ነጥቦች የተደራጁበት ይህ ታሪክ...