Sunday, June 23, 2024
- Advertisement -
- Advertisement -
ስፖርትደደቢት የኢትዮጵያ ክለቦች የጥሎ ማለፍ መርሐ ግብር ይለፈኝ አለ

ደደቢት የኢትዮጵያ ክለቦች የጥሎ ማለፍ መርሐ ግብር ይለፈኝ አለ

ቀን:

የኢትዮጵያ እግር ኳስ ሁለት አሠርታትን ካስቆጠረው የፕሪሚየር ሊጉ መጀመር ማግሥት ጀምሮ በተለይ የጥሎ ማለፍ ውድድር መርሐ ግብር በተያዘለት የጊዜ ሰሌዳ መሠረት የተጠናቀቀበት ወቅት ለመኖሩ እርግጠኛ መሆን ይከብዳል፡፡ ይባስ ብሎ ጥሎ ማለፉ አሁን ላይ ‹‹የኢትዮጵያ›› የሚለውን ስም ብቻ ይዞ መርሐ ግብሩ ሲደረግ የሚስተዋለው በፕሪሚየር ሊጉ ክለቦች ብቻ ሆኖ ይገኛል፡፡ ይህም ሆኖ ጥሎ ማለፉ  ከውጣ ውረድ ነፃ መሆን አልቻለም፡፡

ከፕሪሚየር ሊግ ክለቦች አንዱ ሆኖ የዘለቀው የደደቢት እግር ኳስ ክለብ ሰኔ 12 ቀን 2010 ዓ.ም. ለኢትዮጵያ እግር ኳስ ፌዴሬሽን በጻፈው ደብዳቤ፣ በጥሎ ማለፉ እንደማይሳተፍ አስታውቋል፡፡ ምክንያት ብሎ ያስቀመጠው ደግሞ ከአገሪቱ ወቅታዊ ሁኔታ በመነሳት ለክለቡ ደኅንነት መሥጋቱን፣ መርሐ ግብሩ በክለቡ በጀት ላይ ተፅዕኖ ማሳደሩ እንደተጠበቀ፣ ራሱ ብሔራዊ ፌዴሬሽኑ የሚያወጣው ወጥነት የሌለው የውድድር መርሐ ግብር በመሆኑ እንደሆነ ጭምር ጠቅሷል፡፡ የክለቡ ሥራ አስኪያጅ ኮሎኔል ዳንኤል ቡላ ይህንኑ ለሪፖርተር አረጋግጠዋል፡፡

እንደ አቶ ዳንኤል ከሆነ፣ ብሔራዊ ፌዴሬሽኑ ደደቢት በዚህ ሳምንት ማለትም ሐሙስ፣ ሰኔ 14 ቀን 2010 ዓ.ም. በክለቦች ጥሎ ማለፍ ውድድር ከጅማ አባ ጅፋር ጋር እንደሚጫወት ለክለቡ ያሳወቀው ሰኞ፣ ሰኔ 11 ቀን 2010 ዓ.ም. ምሽት ላይ ነው፡፡ ክለቡ ሰኔ 23 ቀን መደበኛውን የፕሪሚየር ሊግ ጨዋታ ይጫወታል፡፡ በዚህ መሀል ከፍተኛ የሆነ የሆቴልና ትራንስፖርት ወጪ እንዳለው በፌዴሬሽኑ በኩል ለምን ግምት ውስጥ ሊገባ እንዳልቻለ ግልጽ የሆነ ነገር እንደሌለ ጭምር አውስተዋል፡፡ ብሔራዊ ፌዴሬሽኑ በውድድር ዓመቱ ይፋ እንዳደረገው ከሆነ፣ የ2010 ዓ.ም. መደበኛ የውድድር መርሐ ግብሮች የሚጠናቀቁት እስከ ሰኔ 30 ቀን 2010 ዓ.ም. ነው፡፡

አሁን ባለው ሁኔታ ከክለቦች ጥሎ ማለፍ የውድድር ፕሮግራም ውጪ ፕሪሚየር ሊጉ የሦስት ሳምንት መርሐ ግብር ሲቀረው፣ ከፍተኛ ሊጉና ብሔራዊ ሊጉ የውድድር ፕሮግራም ሁለተኛው ዙር የመጀመርያዎቹ ጨዋታ ላይ እንደሚገኝ እየተነገረ ይገኛል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...