Sunday, June 16, 2024
- Advertisement -
- Advertisement -

ስፖርትበዕቅድ ያለመመራት ሌላው የእግር ኳስ ችግር

በዕቅድ ያለመመራት ሌላው የእግር ኳስ ችግር

ቀን:

የዓለም አቀፍ እግር ኳስ ማኅበር (ፊፋ) ዕውቅና ከሚሰጣቸው የውድድር መርሐ ግብሮች መካከል ባሳለፍነው ሳምንት በዓለም ላይ የተደረጉ የተለያዩ አገሮች ብሔራዊ ቡድኖች ያደረጓቸው የወዳጅነት ጨዋታዎች ይጠቀሳሉ፡፡ በዚሁ መሠረት ከኢትዮጵያ ብሔራዊ ቡድንና ከጥቂት የአፍሪካ ብሔራዊ ቡድኖች በስተቀር ብዙዎቹ ይህንኑ በፊፋ ዕውቅና የተሰጠውን የአቋም መመዘኛ የወዳጅነት ጨዋታ አድርገዋል፡፡

የኢትዮጵያን ብሔራዊ ቡድን ለእንዲህ ዓይነቱ መርሐ ግብር የማዘጋጀትና የማደራጀት ኃላፊነት የተጣለበት ብሔራዊ ፌዴሬሽኑ፣ በዚህ ረገድ አሁንም በዕቅድ እየተመራ እንዳልሆነ የሚያመላክት አሠራር እያጎለበተ እንደሚገኝ የሚናገሩ አሉ፡፡ ይኼው በአንዳንድ ክለቦችም መታየት መጀመሩን ይናገራሉ፡፡

ፖርቱጋላዊው የኢትዮጵያ ብሔራዊ ቡድን አሠልጣኝ ምንም እንኳ በዚህ ወቅት ከቡድኑ ጋር የሚያቆያቸው የኮንትራት ጉዳይ በእንጥልጥል ላይ መሆኑ ቢታመንም፣  አሠልጣኙ ዕድሜያቸው ከ23 ዓመት በታች ብሔራዊ ቡድኑ ከኢትዮጵያ ቡናና ከሌሎችም ክለቦች ጋር የወዳጅነት ጨዋታ እንዲያደርጉ ያደረጉት ጥረት እንዳልተሳካ ታውቋል፡፡ ለዚህ እንደምክንያት እየቀረበ ያለው ደግሞ ክለቦች ተጨዋቾቻቸውን በደብዳቤ ካልሆነ በስልክ ብቻ በተላለፈ መልክዕት ‹‹ተጨዋች አንለቅም›› በማለታቸው እንደሆነ በብሔራዊ ፌዴሬሽኑ የሕዝብ ግንኙነት ኃላፊ አቶ ወንድምኩን አላዩ ማረጋገጫ ሰጥተዋል፡፡

- Advertisement -

በፌዴሬሽኑ መተዳደሪያ ደንብ መሠረት ክለቦች ለብሔራዊ ቡድን ዝግጅት የሚጠሩ ተጨዋቾቻቸውን እንዲለቁ የሚገደዱት በፌዴሬሽኑ ጽሕፈት ቤት በኩል ሕጋዊ ሰውነት ባለው በደብዳቤ ሲጠየቁ መሆኑን ይደነግጋል፡፡ እንደ ፌዴሬሽኑ ሕዝብ ግንኙነት ከሆነ ግን ክለቦች ተጨዋቾቻቸውን እንዲለቁ የተጠየቁት በስልክ ነው፡፡ ይኽም ከፌዴሬሽኑ መተዳደሪያ ደንብ አንፃር ሲታይ አሠራሩ የሚጣረስ አይሆንም ወይ? ለሚለው የሪፖርተር ጥያቄ ኃላፊው፣ ለአንድ ቀን የወዳጅነት ጨዋታ ስለሆነ ያን ያህል ችግር እንደሌለው ገልጸዋል፡፡ በስልክ በተደረገው ጥሪ መሠረትም መከላከያ፣ ወላይታ ዲቻና መብራት ኃይል ይሁንታ መስጠታቸውን በደብዳቤ ካልሆነ ያሉት ደግሞ ቅዱስ ጊዮርጊስና ሲዳማ ቡና መሆናቸውን ጠቁመዋል፡፡ ስለቀሪዎቹ ክለቦች ጉዳይ ግን ያሉት ነገር የለም፡፡ በዚሁ ችግር ምክንያት ብሔራዊ ቡድኑ መጋቢት 19 ቀን 2007 ዓ.ም. ከኢትዮጵያ ቡና ጋር ሊያደርገው የነበረው የወዳጅነት ጨዋታ ወደ መጋቢት 22 ቀን 2007 ዓ.ም. ቢተላለፍም አሁንም እንዳልተሳካ ነው ያስረዱት፡፡ በሌላ በኩል ብሔራዊ ፌዴሬሽኑ ዓለም አቀፍ ተቋማትን ልምድ በመቀመር ለሚያደርገው የሊግ ውድድርና የዓለም የብሔራዊ ቡድን ዝግጅት እንዲሁም በየጣልቃው ለሚደረጉ የወዳጅነት ጨዋታዎች መቼና እንዴት ማከናወን እንዳለበት መልስ ሊሰጥ የሚችል የዕቅድ የሌለው ተቋም መሆኑን የሚናገሩ የእግር ኳሱ ቤተሰቦች አሉ፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የምግብ ዋጋ ንረት አጣዳፊ ዕርምጃ ያስፈልገዋል!

መንግሥት የሚቀጥለውን ዓመት በጀት ይዞ ሲቀርብ በአንገብጋቢነት ከሚነሱ ጉዳዮች...

ከባለአንድ ዋልታ ወደ ባለብዙ ዋልታ የዓለም ሥርዓት የመሸጋገራችን እውነታ

በአብዱ ሻሎ አንገት ማስገቢያ እ.ኤ.አ. በፌብሩዋሪ 2022 የሩሲያ መንግሥት በዩክሬን ‹‹ልዩ...

የኢትዮጵያ ኦርቶዶክስ ተዋሕዶ ቤተ ክርስቲያን የውጭ ግንኙነት የሺሕ ዘመናት ታሪኳና እሴቶቿን የሚመጥን መሆን ይኖርበታል

(ክፍል አንድ) በተረፈ ወርቁ (ዲ/ን) እንደ መንደርደሪያ ለዛሬው የግል ትዝብቴንና ታሪክን ላዛነቀው...

ከአገር ግንባታ ጋር የተያያዙ ወሳኝ የቅርብ ታሪካችን አንጓዎች

በታደሰ ሻንቆ በአያሌው የተመረጡና ልጥ የሌላቸው ነጥቦች የተደራጁበት ይህ ታሪክ...