Saturday, June 22, 2024
- Advertisement -
- Advertisement -
ዜናበቦምብ ጥቃቱ የተጠረጠሩ 26 ታሳሪዎች ላይ የ14 ቀን ጊዜ ቀጠሮ ተፈቀደ

በቦምብ ጥቃቱ የተጠረጠሩ 26 ታሳሪዎች ላይ የ14 ቀን ጊዜ ቀጠሮ ተፈቀደ

ቀን:

የፌዴራል የመጀመሪያ ደረጃ ፍርድ ቤት ልደታ ምድብ ወንጀል ችሎት የአዲስ አበባ ፖሊስ ኮሚሽን ምክትል ኮሚሽነር ግርማ ካሳን ጨምሮ በ26 ተጠርጣሪዎች ላይ የ14 ቀን የጊዜ ቀጠሮ ተፈቀደ፡፡

ተጠርጣሪዎቹ በቁጥጥር ሥር የዋሉት ቅዳሜ ሰኔ 16 ቀን 2010 ዓ.ም. በመስቀል አደባባይ ጠቅላይ ሚኒስትር ዓብይ አህመድን (ዶ/ር) ለመደገፍ በተደረገ ሰልፍ ላይ ከፈነዳው ቦምብ ጋር በተገናኘ ነበር፡፡

ከተጠርጣሪዎቹ መካከል አምስቱ ኮማንደሮች፣ አንድ ምክትል ኮማንደር፣ አንድ ምክትል ኢንስፔክተር፣ ሁለት ሳጅኖች ሲሆኑ፣ 16ቱ ሌሎች ተጠርጣሪዎች ናቸው፡፡

አሥሩ ተጠርጣሪዎች የአዲስ አበባ ፖሊስ ኮሚሽን ባልደረቦች ሲሆኑ፣ ጠቅላይ ሚኒስትሩ በአጭር ጊዜ ውስጥ ላስመዘገቡት አመርቂ ለውጥ ድጋፍ ለማድረግ በመስቀል አደባባይ የተገኘውን ሕዝብ የተሰጣቸውን ኃላፊነት ተጠቅመው መጠበቅ ሲገባቸው፣ ኃላፊነታቸውን በአግባቡ ባለመወጣታቸው ቦምብ ፈንድቶ ከ100 በላይ እንዲጎዱ አድርገዋል በሚል በመጠርጠራቸው ነው፡፡

ሌሎቹ ተጠርጣሪዎች ድርጊቱ ሲፈጸም ያዩና የተባበሩ ናቸው በሚል የተጠረጠሩ ሲሆን፣ ፖሊስ ቀሪ የምርመራ ጊዜዬን አጠናቅቄ ለሕዝብ ይፋ እስከማደርግ ድረስ የ14 ቀን የጊዜ ቀጠሮ ይሰጠኝ ብሎ በጠየቀው መሠረት ፍርድ ቤቱ ፈቅዷል፡፡

ተጠርጣሪዎቹ የቀረበባቸው ጥርጣሬ በጥቅል መሆኑን ተቃውመው የዋስትና መብት እንዲከበርላቸው ፍርድ ቤቱን የጠየቁ ቢሆንም፣ ጥያቄያቸውን ወድቅ አድርጎ ለሐምሌ 2 ቀን 2010 ዓ.ም. ቀጠሮ ሰጥቷል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...