Monday, September 26, 2022
ሌሎች ዓምዶች
    - Advertisement -
    - Advertisement -
    ዜናሰመጉ አፋኝ ሕጎች በቅድሚያ እንዲሻሻሉ ጠየቀ

    ሰመጉ አፋኝ ሕጎች በቅድሚያ እንዲሻሻሉ ጠየቀ

    ቀን:

    የሰብዓዊ መብቶች ጉባዔ (ሰመጉ) መንግሥት ለበጎ አድራጎ ድርጅቶችና ማኅበራት አዋጅ፣ ለፀረ ሽብር አዋጅ፣ ለፕሬስ ሕጉና ለሌሎች አፋኝ ሕጎች ቅድሚያ በመስጠት እንዲያሻሽል ጠየቀ፡፡

    ሰመጉ ይህን የጠየቀው ዓርብ ሰኔ 22 ቀን 2010 .ም. ስታዲዮም አካባቢ  በሚገኘው ዋና ጽሕፈት ቤቱ ለአገር ውስጥና ለውጭ አገር መገናኛ ብዙኃን፣ ‹‹ሰብዓዊና ዴሞክራሲያዊ መብቶችን ለማስከበር ሕዝብ ተስፋ የጣለበት አጋጣሚ እንዳይባክን›› በሚል ርዕስ በሰጠው ጋዜጣዊ መግለጫ ነው፡፡

    መጋቢት 24 ቀን 2010 ዓ.ም. በጠቅላይ ሚኒስትርነት የተሰየሙት ዓብይ አህመድ (ዶ/ር) ባደረጉት ንግግር ለሰብዓዊ መብቶች መከበር መስዋዕትነት ለከፈሉ ዜጎች ያላቸውን ክብር መግለጻቸውና ስለደረሰባቸው እንግልትም ይቅርታ መጠየቃቸው፣ እንዲሁም በኢትዮጵያ ዴሞክራሲን ማስፈን የህልውና ጉዳይ መሆኑን መግለጻቸው በመልካምነቱ የሚታይ ነው ብሏል፡፡

    ‹ለሰብዓዊና ለዴሞክራሲያዊ መብቶች መከበርና ወደ ብሔራዊ መግባባት ያደርሳል ብሎ ሕዝብ ተስፋ ያደረገው አጋጣሚ እንዳይባክን ከመንግሥት ብዙ የሚጠብቅ ቢሆንም፣ ሌሎች አካላትም የበኩላቸውን ገንቢ ሚና ሊጫወቱ ይገባል፤›› ሲል አሳስቧል፡፡

    ‹‹የዜጎችን ሐሳባቸውን የመግለጽ መብት እንዲያከብር፣ ይህንንም መብታቸውን በነፃነት የሚጠቀሙበት መድረክ ማመቻቸትና የሐሳብ ልዩነትን ማስተናገድ የሚችል ነፃና ገለልተኛ ሚዲያ እንዲኖር መደገፍ፣ የሕግ አስከባሪ አካላትና ተቋማት ገለልተኛ፣ ለሕግ ተገዥና የዜጎች መብት ጠባቂ ሆነው እንደገና እንዲደራጁ፤›› ሲል ሰመጉ መንግሥትን ጠይቋል፡፡

    በአገሪቱ የተለያዩ አካባቢዎች ለሚነሱ ሰብዓዊ፣ ሕጋዊ፣ ፖለቲካዊና ኢኮኖሚያዊ ጥያቄዎች ዘላቄታዊ መፍትሔ እንዲሰጥና ከሕግ አግባብ ውጪ በእስር ላይ የሚገኙ ቀሪ እስረኞች በአስቸኳይ እንዲፈቱ፣ ከዚህ በኋላ የሚፈቱትም ሆነ አስቀድመው የተፈቱት ቢያንስ ወደ ቀድሞ ሕይወታቸው እንዲመለሱ ዕገዛ እንዲደረግላቸውም ሰመጉ ጠይቋል፡፡  

    ‹‹በሁለቱም የአስቸኳይ ጊዜ አዋጅ ወቅቶች የተፈጸሙ የሰብዓዊ መብት ጥሰቶች በገለልተኛ አካል እንዲጣሩ በሩን እንዲከፍት፤›› ሲልም ለመንግሥት ጥሪውን አቅርቧል፡፡

    የሲቪል ማኅበረሰቡ፣ ተቃዋሚ ፓርቲዎች፣ እንዲሁም ሕዝቡ ለሰብዓዊና ዴሞክራሲያዊ መብቶች መከበር የበኩሉን ሚና እንዲጫወቱ ጥሪውን አስተላልፏል፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በኢትዮጵያ ላይ የቀጠለው የምዕራባውያን ጣልቃ ገብነት

    ምዕራባውያን አገሮች በኢትዮጵያ ላይ ጠንካራ ጫና ማሳደራቸውን ቀጥለዋል፡፡ በዲፕሎማሲም...

    የመንግሥት ዩኒቨርሲቲዎች የድጎማ በጀት ለፖለቲካ ሥራ ማስፈጸሚያ እንደሚውል የሚያሳይ ሪፖርት ቀረበ

    ለመንግሥት ዩኒቨርሲቲዎች የሚደረግ የበጀት ድጎማ ከመደበኛው ሥራ ይልቅ ከዋናው...

    መንግሥት የሥራ ግብር ምጣኔን እንዲቀንስ ተጠየቀ

    የኢትዮጵያ ሠራተኛ ማኅበራት ኮንፌዴሬሽን (ኢሠማኮ) መንግሥት የሠራተኛውን የኑሮ ጫና...

    የአዲስ አበባ ንግድና ዘርፍ ማኅበራት ምክር ቤት የአመራሮች ምርጫና ቀጣይ ዕቅዶቹ

    የአዲስ አበባ ንግድና ዘርፍ ማኅበራት ምክር ቤት ሲጠበቅ የነበረውን...