Thursday, June 13, 2024
- Advertisement -
- Advertisement -

ስፖርትፋሲል ከተማ ከኤርትራ ክለብ ጋር በአስመራ የወዳጅነት ጨዋታ ለማድረግ ጥያቄ አቀረበ

ፋሲል ከተማ ከኤርትራ ክለብ ጋር በአስመራ የወዳጅነት ጨዋታ ለማድረግ ጥያቄ አቀረበ

ቀን:

በኢትዮጵያ ፕሪሚየር ሊግ በመጫወት ላይ የሚገኘው የፋሲል ከተማ እግር ኳስ ክለብ የወዳጅነት ጨዋታ ለማድረግ ለኤርትራ እግር ኳስ ፌዴሬሽን ጥያቄ አቅርቧል፡፡ ክለቡ በድረ ገጹ ደብዳቤ ቁጥር ፋ/ከ/እ/ኳ/ክ/727/06 በቀን ሰኔ 30 ቀን 2010 ዓ.ም. ይፋ ባደረገው ደብዳቤ እንደገለጸው፣ በኤርትራ በፕሪሚየር ሊግ ደረጃ ከሚጫወት አንድ ክለብ ጋር አስመራ ላይ የወዳጅነት ጨዋታ ለማድረግ ፍላጎት እንዳለው አስታውቋል፡፡

እንደ ክለቡ ይፋዊ መግለጫ ከሆነ፣ በጠቅላይ ሚኒስትር  ዓብይ አህመድ (ዶ/ር) መሪነት የተጀመረው የሁለቱ ወንድማማች ሕዝቦች መካከል ያለውን የሰላምና የፍቅር፣ አብሮ የመኖርና ማደግ፣ የመደመር ሐሳብና ተግባር ወደ ላቀ ምዕራፍ ለማሸጋገር ይቻል ዘንድ፣ የፋሲል ከተማ እግር ኳስ ክለብ ከኤርትራ ክለብ ጋር የወዳጅነት ጨዋታ ለማድረግ ለአገሪቱ ፌዴሬሽን ጥያቄ አቅርቧል፡፡

በሁለቱ አገሮች መካከል የነበረውን የባህል፣ የኢኮኖሚ እንዲሁም የጋብቻ ትስስር በሐዘንና በደስታ የማይለያየውን ቁርኝት በስፖርቱም፣ ቀደም ሲል የነበረውን ወንድማማችነትና ፍቅር አጠናክሮ ለመቀጠል ያለመ መሆኑን ጭምር ደብዳቤው ያስረዳል፡፡ ክለቡ ጉዳዩ ይመለከታቸዋል ለሚላቸው ማለትም ለጎንደር ከተማ አስተዳደር፣ ለአማራ ክልል እግር ኳስ ፌዴሬሽን፣ ለኢትዮጵያ እግር ኳስ ፌዴሬሽንና ለውጭ ጉዳይ ሚኒስቴር በግልባጭ አስታውቋል፡፡

- Advertisement -

ይሁን እንጂ ክለቦች ከሌላ አገር ክለቦች ጋር የወዳጅነት ግጥሚያ ማድረግ የሚችሉት፣ በብሔራዊ ፌዴሬሽኖች በኩል በሚቀርብ ጥያቄ መሆኑ ግልጽ ነው፡፡ የሚጠየቀው የወዳጅነት ጨዋታ የሚከናወነው ደግሞ በብሔራዊ ፌዴሬሽኑ በኩል በአፍሪካ እግር ኳስ ኮንፌዴሬሽን ይሁንታ ሲያገኝ መሆኑም ይታወቃል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት...

የመንግሥት የ2017 ዓ.ም በጀትና የሚነሱ ጥያቄዎች

የ2017 ዓመት የመንግሥት ረቂቅ በጀት ባለፈው ሳምንት መገባደጃ ለሚኒስትሮች...

ከፖለቲካ አባልነትና ከባንክ ድርሻ ነፃ የሆኑ ቦርድ ዳይሬክተሮችን ያካተተው ብሔራዊ ባንክ ያዘጋጃቸው ረቂቅ አዋጅና መመርያዎች

የኢትዮጵያ የብሔራዊ ባንክ የፋይናንስ ተቋማትን የተመለከቱት ድንጋጌዎችንና የባንክ ማቋቋሚያ...

የልምድ ልውውጥ!

እነሆ መንገድ ከቦሌ ሜክሲኮ። አንዱ እኮ ነው፣ ‹‹እንደ ሰሞኑ...