Sunday, July 14, 2024
- Advertisement -
- Advertisement -
ዜናበሶማሌ ክልል መንግሥት ደጋፊዎችና ተቃዋሚዎች መካከል ግጭት ተከሰተ

በሶማሌ ክልል መንግሥት ደጋፊዎችና ተቃዋሚዎች መካከል ግጭት ተከሰተ

ቀን:

የሶማሌ ክልላዊ መንግሥትን እንቃወማለን ባሉና አሁን ያለውን የክልሉን አስተዳደር እንደግፋለን በሚሉ ግለሰቦች መካከል በተፈጠረ አምባጎሮ ጉዳት ደረሰ፡፡

የክልሉን አስተዳደር በመቃወም የአገር ሽማግሌዎች፣ የጎሳ መሪዎችወጣቶችና ምሁራን በፍሬንድሽፕ ሆቴል ዛሬ ሐምሌ 4 ቀን 2010 ዓ.ም. ስብሰባ ጠርተው የነበረ ሲሆንበተመሳሳይ ሆቴል ‹ሂጎ› የተባለ የክልሉ ወጣቶችን ያቀፈ ቡድንን ጨምሮ የክልሉ የፖርላማ ተወካዮችን የያዘ የክልሉን መንግሥትና ፕሬዘዳንት አቶ አብዲ መሐመድ ኡመርን ለመደገፍ በሚል የራሳቸውን ሁለተኛ ስብሰባ ጠርተው ነበር።

ሪፖርተር በቦታው ተገኝቶ ለማረጋገጥ እንደቻለው፣ ሁለቱም የየራሳቸው የመሰብሰቢያ አዳራሽ ተከራይተው የነበረ ቢሆንም፣ ግጭቱን ሊከላከል ግን አልቻለም፡፡ ግጭቱ በመጀመሪያ የክልሉን አስተዳደር እንደግፉለን የሚሉ ወጣቶች የሁለተኛው ተሰብሳቢ አባላት ያለፍቃዳችን ፎቶ እያነሱን ነው በሚል ጭቅጭቅ የተጀመረ ሲሆን፣ በመቀጠል ወደ ድብድብ መቀየሩን ሪፖርተር ታዝቧል፡፡

በግጭቱም አቶ ኢብራሂም አብዱልቃድር የተባሉ ግለሰብይናቸው ላይ ጉዳት ደርሶባቸዋል፡፡

‹‹ጥቃት የደረሰብኝ ለምን ትቃወማለህ በሚል ነው፤›› ሲሉ አቶ ኢብራሂም ለሪፖርተር ተናግረዋል።

ግጭቱን ለማብረድ የአዲስ አበባናፌደራል ፖሊስቦታው የተገኙ ሲሆን፣ በመጨረሻም ሁለቱም ተሰብሳቢዎች ሆቴሉን ለቀው እንዲበተኑ ተደርጓል፡፡

የክልሉን መንግሥት የሚቃወሙት አካላት ባለሦስት ገጽ የአቋም፣ የድጋፍና የተቃውሞ መግለጫ አውጥተዋል፡፡ በአቋም መግለጫቸውም በሶማሌ ክልል እየተፈጸመ ነው የሚሉትን በደል፣ እስራት፣ ግድያና ስደት እንዲቆም ጥሪያቸውን አቅርበዋል፡፡ የሶማሌን ክልል እናድን የሚል መድረክ ያዘጋጁት የክልሉ መንግሥት ተቃዋሚዎች፣ በእስር ላይ የሚገኙ የአገር ሽማግሌዎችና ምሁራን ያለምንም ቅድመ ሁኔታ ከእስር እንዲፈቱ ጠይቀዋል፡፡

የክልሉን መንግሥት የሚቃወሙት አካላት ለፌዴራል መንግሥት አቤቱታቸውን አቅርበው ምላሽ እየተጠባበቁ ሲሆን፣ የክልሉ ኮሙዩኒኬሽን ኃላፊ አቶ እድሪስ እስማኤል፣ ሰዎቹን እንደማያውቋቸውና ለክልሉ የቀረበ ጥያቄ አለመኖሩን መናገራቸውን መዘገባችን ይታወሳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሚዲያው በሕዝብ የህሊና ችሎት ከተዳኘ በቂ ነው!

መሰንበቻውን ድንገት ሳይታሰብ ያለ ማስጠንቀቂያ ጠቅላይ ሚኒስትር ዓብይ አህመድ...

የባህር በር ጉዳይ

በታምሩ ወንድም አገኘሁ ድሮ ድሮ ገና ልጅ ሆኜ ፊደል እንደቆጠርኩ...

አገሩ ፖለቲካዊ ስክነትና መደማማጥ ያስፈልገዋል

በንጉሥ ወዳጀነው    ኢትዮጵያ የሁላችንም የጋራ ቤት ነች፡፡ ‹‹ጥያቄዬ ተመለሰልኝ››፣...

የመንግሥት የሰብዓዊ መብት ተቋም ለምን የመንግሥት ሚዲያን ማስተማር አቃተው

በገነት ዓለሙ የአገራችን የ2016 የበጀት ዓመት መሰናበቻና የአዲሱ የ2017 በጀት...