Monday, March 4, 2024
- Advertisement -
- Advertisement -
ኪንና ባህል‹‹ነገን በትዝታ››

‹‹ነገን በትዝታ››

ቀን:

‹‹ፀጋዬ ገብረመድህን ቀደምቶቹን በማውሳት፣ ሥነ ግጥምን የኪነ ጥበባት ሁሉ የደም ጠብታ›› ይላታል፡፡ ገብረክርስቶስ ደስታ፣ ቅኔን ‹‹የዕውቀት ምንጭ፣ የአማልክት ቋንቋ›› በማለት ያሞካሻል፡፡ አያሌ ልበ ብርሃናት ሥነ ግጥምን ከተለያዩ ምናባዊ ጥጎች ቢቃኟትም፣ የኤሚሊ ዲኪንሰን አገላለጽ ለኔ ይጎላል፡፡ ግጥምን የምትለይበትን ረቂቅ ዓውድ ስትገልጽ ‹‹አንብቤው ስጨርስ ምንም እሳት የማያሞቀው ቅዝቃዜ ሰውነቴን ከወረረው፣ ወይም አንገቴን ተሰይፎ የበረረ ያህል ከተሰማኝ፣ ያነበብኩት ግጥም ነው›› በማለት የግጥምን ኃይል ታሳየናለች፡፡›› በሚል መንደርደሪያ ለግጥም መድበላቸው መግቢያ የጻፉት የቺካጎ፣ ኢሊኖይ ነዋሪው ብርሃኑ መኩሪያ ናቸው፡፡

በሚችጋን ዩኒቨርሲቲ ረዳት ፕሮፌሰር ሆነው በመምህርነት እያገለገሉ የሚገኙት ብርሃኑ መኩሪያ (ዶ/ር)፣ ‹‹ነገን በትዝታ›› በሚል ርዕስ ያሳተሙን የግጥም መድበል ሐምሌ 2 ቀን 2010 ዓ.ም. በኢትዮጵያ ብሔራዊ ቴአትር አስመርቀዋል፡፡

ገጣሚው በመግቢያቸው እንዲህ ጽፈዋል፡፡ ሥነ ግጥም የሐሳብ የቋንቋና የስሜት የሦስትዮሽ ንጥር ውህደት ይመስለኛል፡፡ በውህደቱ ውስጥ፣ መገለጥ እንዳደይ ይፈካል፣ ውበት ከገንቦው ይጠለቃል፣ ቅርፅ ከምንም በምንም ይታነፃል፡፡ ምክንያቱ፣ ምናብ የውህደቱና የንጥረቱ ቤተ ቅኝት፣ ሜዳም ፈረስም መሆኑ፡፡ ስለ ቅርፅ ከተነሳ፣ ከዳሌ ሻገር ብሎ መዳሰስ ግድ ይላል፡፡ የሥነ ግጥም ቅርፅ፣ የነካ ሁሉ አይዳሰስምና የግድ በጣቶች ላይዳሰስ፣ የሚያይ ሁሉ አይመለከትምና ያይን ሻወር ላይሆን፣ የሚሰማ ሁሉ አያዳምጥምና የጆሮ ፍሪዳ ላይሆን፣ በምናብ ለሰላሳ ጣቶች በዝግታ መዳሰሱ፣ ባይነህሊና ንስር አትኩሮት መመርመሩ፣ ከሽንጥና ዳሌ ባሻገር እንዲጤን ይጋብዛል፡፡

- Advertisement -

Video from Enat Bank Youtube Channel.

በመድበሉ ከተካተቱ ግጥሞች አንደኛ ‹‹ውኃ ወቀጣ›› እንዲህ ትላለች፡-

ልቦና ታውሮ፣ ዓይን ሲያክል ጨረቃ

ሳሙና ፈልሳፊው፣ ሲሆን ታጥቦ ጭቃ

ማሰብ ምን ሊረባ፣ መፅዳትስ ለምኔ

ተጨምቆ ላይወጣ፣ ፅድቅ ከኩነኔ፡፡

የግጥሙ መድበል 120 ገጾች ሲኖሩት ዋጋውም 50 ብር ነው፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የአዲስ አበባ ነዋሪዎች ቁጥር ሲጨምር የሚኒባስ ታክሲዎች ቁጥር እየቀነሰ መምጣቱ ሊታሰብበት ይገባል

በአዲስ አበባ ከተማ የትራንስፖርት አገልግሎት በመስጠት ከፍተኛ የሚባለውን ድርሻ...

ሃምሳ ዓመታት ያስቆጠረው አብዮትና የኢትዮጵያ ፖለቲካ ውጣ ውረድ

የኢትዮጵያ ሕዝቦች የዴሞክራሲ ለውጥ ጥያቄ የሚነሳው ከፋሺስት ኢጣሊያ ወረራ...

በአዲስ አበባ ንግድና ዘርፍ ማኅበራት ምክር ቤት የተፈጸመው ሕገወጥ ተግባር ምንድነው?

የአዲስ አበባ ንግድና ዘርፍ ማኅበራት ምክር ቤት የዳይሬክተሮች ቦርድ፣...

በአዲስ አበባ ንግድና ዘርፍ ማኅበራት ምክር ቤት ላይ ምርመራ እንዲደረግ ውሳኔ ተላለፈ

ፕሬዚዳንቷና ዋና ጸሐፊው ተጠያቂ ሊሆኑ ይችላሉ ተብሏል ከአዲስ አበባ ንግድና...