Tuesday, February 20, 2024
- Advertisement -
- Advertisement -
ኪንና ባህልበኢትዮጵያ ኦርቶዶክስ ቤተ ክርስቲያን አባቶች መካከል የዕርቀ ሰላም ሒደት በአሜሪካ ይጀመራል

በኢትዮጵያ ኦርቶዶክስ ቤተ ክርስቲያን አባቶች መካከል የዕርቀ ሰላም ሒደት በአሜሪካ ይጀመራል

ቀን:

በኢትዮጵያ ኦርቶዶክስ ተዋሕዶ ቤተ ክርስቲያን አባቶች መካከል ከሩብ ምዕት ዓመት በላይ የቆየውን አለመግባባት ለመፍታት የሚያስችል የዕርቀ ሰላም ሒደት በአሜሪካ እንደሚጀመር ቅዱስ ሲኖዶስ አስታወቀ፡፡

ብፁዕ ወቅዱስ አቡነ ማትያስ ፓትርያርክ ርዕሰ ሊቃነ ጳጳሳት ዘኢትዮጵያ ሐምሌ 4 ቀን 2010 ዓ.ም. በሰጡት መግለጫ እንዳስታወቁት፣ሐምሌ 11 ቀን 2010 .ም.  ጀምሮ በአባቶች መካከል የሚካሄደው የዕርቀ ሰላም ሒደት ፍጻሜ የሚያገኝበት፣ በውጭ የሚገኙ አባቶች ወደ አገር ቤት የሚገቡበት፣ ፍፁም የቤተ ክርስቲያናቷ  አንድነት የሚመለስበት እንዲሆን የሚያደርጉ ተግባራት ይከናወናሉ፡፡

1984 .. የነበሩት 4ኛው የኢትዮጵያ ኦርቶዶክስ ተዋሕዶ ቤተ ክርስቲያን ፓትርያርክ መንበራቸውን መልቀቃቸውን ተከትሎ ከተወሰኑ አባቶች ጋራ ከአገር በመውጣታቸው ምክንያት በቤተ ክርስቲያኒቱ 26 ዓመታት ተከታዮቿ ምእመናን እያዘኑ በከፍተኛ የሰላም ዕጦት ውስጥ አሳልፋለች፡፡

- Advertisement -

Video from Enat Bank Youtube Channel.

በቤተ ክርስቲያኒቱ ውስጥ የጠፋውን ሰላም ወደነበረበት እንዲመለስ ለማድረግ ከችግሩ መፈጠር መነሻ ማግሥትና 2003 .. ጀምሮ ቅዱስ ሲኖዶስ በአራት የተለያዩ የስብሰባ ጊዜያት ዕርቀ ሰላሙን ለማምጣት ሊቃነ ጳጳሳትን መድቦ አሜሪካ ድረስ በመላክ ከፍተኛ ጥረት ማድረጉን፣ ከዚህ በተጨማሪ በዓመት ሁለት ጊዜያት በሚያደርጋቸው ጉባዔያት የሰላሙ በር ክፍት መሆኑን በመግለጽ የሰላም ጥሪ ሲያስተላልፍ መቆየቱን በመግለጫው አስታውሷል፡፡

ቤተ ክርስቲያኗ በተለያዩ ዘመናት የተፈራረቁባትን የውጭና የውስጥ ፈተናዎች በመቋቋም እምነቷን፣ ቀኖናዋንና ትውፊቷን አፅንታ መቆየቷን ያወሱት ቅዱስ ፓትርያርኩ፤  በቤተ ክርስቲያኗ የጠፋውን ሰላም ወደነበረበት ለመመለስ ላለፉት ዓመታትም ጥረት ሲደረግ መቆየቱን አስታውሰዋል።

ከዚህ በተጨማሪም ቅዱስ ሲኖዶሱ በዓመት ሁለት ጊዜያት በሚያደርጓቸው ጉባዔዎች የሰላሙ በር ክፍት መሆኑን በመግለጽ የሰላም ጥሪ ሲያስተላልፍ ቆይቷል።

‹‹ይህ የምእመናን ልጆቻቸውን የሰላም ጥማትና የዘወትር ጸሎት የቅዱስ ሲኖዶስ የዕለት ከዕለት የሰላም ጥረት ቅድመ እግዚአብሔር ደርሶ ሰላማዊ  መቋጫ ወደሚያገኝበት ደረጃ እንዲደርስ 2010 ዓ.ም. የጥቅምት የቅዱስ ሲኖዶስ ምልዓተ ጉባዔን ተከትሎ በራሱ ተነሳሽነት ከካህናትና ምእመናን የተውጣጣ የሰላም ኮሚቴ ተዋቅሯል፤››  ሲሉም ፓትርያርኩ ገልጸዋል።

ኮሚቴው ያቀረበውን የእርቀ ሰላም ጥያቄ በአዎንታ ተቀብሎ ቀደም ሲል ተጀምሮ የነበረው የእርቅ ሒደት ተጠናክሮ እንዲቀጥልና የመጨረሻ ዕልባት እንዲያገኝ ሦስት ብፁዓን ሊቃነ ጳጳሳትን መሰየሙንም አስታውቀዋል።

በዚሁ መሠረትም ከሐምሌ 11 ቀን 2010 .ም. ጀምሮ በአባቶች መካከል የሚካሄደው የዕርቀ ሰላም ሒደት ፍፃሜ የሚያገኝበት እንዲሆንም አስፈላጊው ጥረት እንደሚደረግ አመልክተዋል። ይህ ጥረት የሰመረ እንዲሆን መላው የቤተ ክርስቲያኗ ገዳማትና አድባራት ካህናትና ምእመናን በጸሎት እንዲተጉም ቅዱስ ሲኖዶሱ አሳስቧል፡፡

በመጨረሻም አሁን በቤተ ክርስቲያኗ አባቶች መካከል የተጀመረው እርቀ ሰላም ያለምንም መሰናከል ለውጤት ይበቃ ዘንድ ከቅዱስ ሲኖዶሱ ፈቃድ ከተሰጠው አካል በስተቀር ማንም መግለጫ መስጠት እንደማይገባውም ርዕሰ ሊቃነ ጳጳሳቱ አሳስበዋል።

በዕርቀ ሰላሙ ሒደት በሚደረገው ማንኛውም ውይይት የነበረውንና ቤተ ክርስቲያኒቱ ይዛው የቆየችውን ቀኖና በተመለከተ፣ ውይይቱም ሆነ እይታው በሕገ ቤተ ክርስቲያኑ መሠረት በቅዱስ ሲኖዶስ ጉባዔ ብቻ የሚታይ መሆኑንም ሳይገልጹ አላለፉም፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የካቲት አብዮት – ጥያቄዎችሽ ዛሬም እየወዘወዙን ነው!

በበቀለ ሹሜ አጭር መግቢያ የዚህ ጽሑፍ አቅራቢ ከ1960ዎች ወጣቶች ርዝራዦች አንዱ...

የሰሞኑ የ“መኖሪያ ቤቶች” የጨረታ ሽያጭ ምን ዓይነት ሕጋዊ መሠረት አለው?   

በዳዊት ዮሐንስ ሰሞኑን በአዲስ አበባ ከተማ አየር ላይ ከሚንሸረሸሩ ዜናዎች...

ሁለቱ ወጎች፡ ከሰማየ ሰማያት አድርሶ መላሹ ቋንቋ! እስከ በዓሉ ቤርሙዳ

በተክለ ጻድቅ በላቸው ሰማየ ሰማያት አድርሶ መላሹ ቋንቋ! ከሁለት ሦስት ዓመት...

ለትግራይ ክልል ድርቅ ተፈናቃዮች አፋጣኝና ቀጣይነት ያለው ድጋፍ እንዲደረግ ተጠየቀ

የሕዝብ ተወካዮች ምክር ቤት የውጭ ግንኙነትና የሰላም ጉዳዩች ቋሚ...