Monday, June 24, 2024
- Advertisement -
- Advertisement -
ዜናአቶ ኃይለ ማርያም ደሳለኝ ለዚምባብዌ ምርጫ የአፍሪካ ኅብረት ታዛቢ ቡድን እንዲመሩ ተመረጡ

አቶ ኃይለ ማርያም ደሳለኝ ለዚምባብዌ ምርጫ የአፍሪካ ኅብረት ታዛቢ ቡድን እንዲመሩ ተመረጡ

ቀን:

የቀድሞው ጠቅላይ ሚኒስትር አቶ ኃይለ ማርያም ደሳለኝ፣ ሐምሌ 23 ቀን 2010 ዓ.ም. በሚካሄደው የዚምባብዌ ፕሬዚዳንታዊ ምርጫ በታዛቢነት የሚገኘውን የአፍሪካን ኅብረት ኮሚሽን ቡድን እንዲመሩ ተመረጡ፡፡

የአፍሪካ ኅብረት ኮሚሽነር ሙሳ ፋቂ ማሃማት ለአቶ ኃይለ ማርያም በጻፉት ደብዳቤ እንዳስታወቁት፣ የዚምባብዊ መንግሥት ሐምሌ 23 ቀን 2010 ዓ.ም. አገራዊ ምርጫ ያደርጋል፡፡ በዚህ ምርጫ የአፍሪካ ኅብረት ኮሚሽን ታዛቢ ቡድን እንዲልክ ጋብዞታል፡፡ ይኼም የሆነው የአፍሪካ ኅብረት በአፍሪካ አኅጉር ዴሞክራሲ እንዲሰፍንና ዴሞክራቲክ ምርጫ እንዲደረግ አቋም ይዞ በመሥራቱ፣ በዚምባብዌም በቅርቡ የተደረገውን ሰላማዊ የሥልጣን ሽግግር በመደገፉና በማበረታታቱም ጭምር መሆኑን ኮሚሽነሩ ገልጸዋል፡፡ በመሆኑም የዚምባብዌ መንግሥት ለኅብረቱ ያደረገውን ግብዣ ኅብረቱ መቀበሉን አክለዋል፡፡

የአፍሪካ ኅብረት የምርጫ ታዛቢ ቡድን የሚልከው ትክክለኛ፣ ከአድልኦ የፀዳ፣ ነፃና ገለልተኛ ምርጫ እንዲደረግ የራሱን አስተዋጽኦ ለሚያደርግ መሆኑን ኮሚሽነሩ ገልጸው፣ ለዚህም ቡድኑን እንዲመሩ አቶ ኃይለ ማርያም መመረጣቸውን በጻፉላቸው ደብዳቤ ገልጸዋል፡፡ አቶ ኃይለ ማርያም የሚመሩት ታዛቢ ቡድን እ.ኤ.አ. ጁላይ 24 ቀን 2018 ወደ ዚምባብዌ አምርቶ ኦገስት 2 ቀን 2018 እንደሚመለስም ጠቁመዋል፡፡

አቶ ኃይለ ማርያም አዲሱ የአፍሪካ የልማት አጋርነት ያቋቋመው የአፍሪካ የአቻ ለአቻ ግምገማ መድረክ ሊቀመንበር፣ የአፍሪካ ኅብረት ሁሉን አቀፍ የግብርና ዕድገት ፕሮግራም ኃላፊ፣ የአፍሪካ ኅብረት የሰላምና ፀጥታ ምክር ቤት ሊቀመንበርና የምሥራቅ አፍሪካ የልማት በይነ መንግሥታት ድርጅት (ኢጋድ) ሊቀመንበር ሆነው መሥራታቸው ይታወሳል፡፡     

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...