Tuesday, December 6, 2022
ሌሎች ዓምዶች
    - ማስታወቂያ -
    - ማስታወቂያ -

    የአማራ ክልል ከ600 ሚሊዮን ብር በላይ ወጪ ያስገነባው ዓባይ ኅትመትና ወረቀት ፓኬጅንግ ፋብሪካ ሊመረቅ ነው

    - ማስታወቂያ -

    ተዛማጅ ፅሁፎች

    የአማራ ክልል በባህር ዳር ከተማ 600 ሚሊዮን ብር በላይ በሆነ ወጪ ያስገነባውን ግዙፍ የኅትመትና ወረቀት ፓኬጂንግ ፋብሪካ፣ በሚቀጥለው ሳምንት ሊያስመርቅ ነው።

    ዓባይ የኅትመትና ወረቀት ፓኬጂንግ የሚል ስያሜ የተሰጠውና በግዙፍነቱ በአገር አቀፍ ደረጃ ቀዳሚ እንደሚሆን የተነገረለት ፋብሪካ ግንባታ የተጀመረው 2004 ዓ.ም. ቢሆንም፣ የሚጠይቀውን ፋይናንስ በወቅቱ ማግኘት ባለመቻሉ ቢዘገይም ዓለም አቀፍ ደረጃውን ጠብቆ መጠናቀቅ መቻሉን ከክልሉ የሥራ ኃላፊዎችና የፋብሪካው ባለድርሻና ሐሳብ አመንጪ ከሆነው የአማራ ልማት ማኅበር (አልማ) የተገኘው መረጃ ያመለክታል።

    ዓባይ ኅትመትና የወረቀት ፓኬጅንግ ፋብሪካ ከፍተኛ የፌዴራልና የክልል አመራሮች፣ የአገር ውስጥና የውጭ አገር አቅራቢዎች፣ የምርትናአገልግሎቱን ተጠቃሚ የሚሆኑ፣ ደንበኞች፣ እንዲሁም ድጋፍና ትብብር ያደረጉ አጋር አካላትና የክብር እንግዶች በተገኙበት ሐምሌ 22 ቀን 2010 ዓ.ም. ተመርቆ ወደ ሥራ እንደሚገባ መረጃው ያመለክታል።

    ፋብሪካው 12,800 ካሬ ሜትር ቦታ ላይ ያረፈ ሲሆን፣ በኅትመትና በወረቀት ፓኬጅንግ ዘርፍ በዓለም አቀፍ ደረጃ ዘመኑ የደረሰበትን ቴክኖሎጂበዘርፉ የታወቁ ኩባንያዎች ያሠለጠኗቸውን ኢትዮጵያውያን በመያዝ መደራጀቱ ተገልጿል። የምርት ሥራውን ሲጀምርም ዓለም አቀፍ ደረጃውን የጠበቀ ምርትና አገልግሎት ለገበያ በማቅረብ አገሪቱ ተመሳሳይ ምርቶችንና አገልግሎቶችን ከውጭ አገር ለማስገባት የምታወጣውን የውጭ ምንዛሪ እንደሚቆጥብና ከፋብሪካው የሚገኘው ገቢም በአልማ በኩል በክልሉ ለሚከናወኑ ማኅበራዊ ልማቶች እንደሚውል ተገልጿል።

    ፋብሪካው በአጠቃላይ የወጣበት 630 ሚሊዮን ብር መሆኑን፣ በአልማ የተጀመረው ይህ ግዙፍ ፕሮጀክት የፋይናንስ እጥረት እንደገጠመው፣ ፕሮጀክቱ የሚኖረውን ፋይዳ በመገንዘብ የአማራ ክልል ባስቀመጠው የመፍትሔ አቅጣጫ መሠረት የአማራ ደን ኢንተርፕራይዝ 152.2 ሚሊዮን ብር በማዋጣት ድርሻ እንዳለው፣ የክልሉ መንግሥት ደግሞ 48.2 ሚሊዮን ብር ለአልማ ብድር በመስጠት፣ አልማ ደግሞ 71.7 ሚሊዮን ብር ወጪ በማድረግ ከገጠመው የፋይናንስ ችግር የወጣ መሆኑ ተገልጿል፡፡ ቀሪውን የፕሮጀክቱ ወጪ ደግሞ አልማ ያሉትን ሕንፃዎች ለብድር መያዣነት በማቅረብ ከኢትዮጵያ ልማት ባንክ 322.5 ሚሊዮን ብር ብድር በማግኘት ዕውን ሊሆን መቻሉን የተገኘው መረጃ ያመለክታል።

    spot_img
    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች