Wednesday, February 8, 2023
- ማስታወቂያ -
- ማስታወቂያ -

የባለኮከብ ሆቴሎች ደረጃ አሰጣጥ ላይ የተነሱ ቅሬታዎች መፈታቱን ሚኒስቴሩ አስታወቀ

- ማስታወቂያ -

ተዛማጅ ፅሁፎች

ከባለ ኮከብ ደረጃ ሆቴሎች አመዳደብ ጋር ተያይዞ በሆቴሎች በኩል የተነሱ ቅሬታዎችን ሙሉ በሙሉ መፈታቱን፣ የባህልና ቱሪዝም ሚኒስቴር አስታወቁ፡፡

ይህ የተገለጸው የባህልና ቱሪዝም ሚኒስትሯ ኢንጂነር አይሻ መሐመድ መጋቢት 29 ቀን 2008 ዓ.ም. በሕዝብ ተወካዮች ምክር ቤት ተገኝተው በወቅታዊ ጉዳዮች ላይ ለተነሱላቸው ጥያቄዎች መልስ በሰጡበት ወቅት ነው፡፡ ካለፈው ዓመት ጀምሮ በተወሰኑ ክልሎች ለሆቴሎች የኮከብ ደረጃ የመስጠት ሥራዎች ቢጠናቀቁም፣ ለሚኒስቴሩ ከቀረቡት 20ዎቹ  ቅሬታዎች መካከል ከሦስቱ በስተቀር የክለሳ ሥራ ተከናውኖ፣ ሆቴሎቹ በጠየቁት መሠረት አስፈላጊ መሥፈርቶችን በማሟላታቸው ተሻሽሎላቸዋል ብለዋል፡፡

ነገር ግን ሦስቱ ቅሬታ አቅራቢዎች በአገሪቱ የሆቴሎች መሥፈርትም ሆነ በዓለም የቱሪስት ድርጅት የተቀመጡ ዝርዝር መሥፈርቶችን ያላሟሉ በመሆናቸው፣ ቅሬታቸው ውድቅ መደረጉ ሚኒስትሯ ለምክር ቤቱ ገልጸዋል፡፡

ምንም እንኳ በእንደዚህ ዓይነት የምደባ ሥራዎች ላይ ቅሬታዎች የሚጠበቁ ቢሆንም፣ ለመጀመርያ ጊዜ የተደረገው የሆቴሎች ደረጃ ምደባ ከተገመተው በላይ ልምድ የተቀሰመበት እንደነበረም አስረድተዋል፡፡

በተጨማሪም የኮከብ ደረጃ አሰጣጡ ለመጀመርያ ጊዜ በአገሪቱ በመካሄዱ ሆቴሎች በልምድ የፈለጉትን የኮከብ ስያሜ የመስጠት ባህላቸውን የቀየረ ሲሆን፣ በዘርፉ የነበረውንም ሙስና ማስቀረት ችሏል ሲሉም ሚኒስትሯ ገልጸዋል፡፡

‹‹ለብዙ ጊዜያት ማንኛውም ሆቴል በራሱ የሚፈልገውን የኮከብ ስያሜ ሲሰጥ ኖሯል፡፡ በተለይም በዘመድ አዝማድ የኮከብ ማዕረግ ሲታደል መቆየቱን ሁላችንም የምናውቀው ጉዳይ ነው፤›› ሲሉ ለምክር ቤቱ ሚኒስትሯ አስረድተዋል፡፡

ቀደም ብሎ በአዲስ አበባ የተጀመረው የኮከብ ደረጃ ምደባ በትግራይ፣ በአማራና በደቡብ ክልሎች ለሚገኙ 400 ሆቴሎች መከናወኑን ኢንጂነር አይሻ አውስተዋል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች