Wednesday, November 30, 2022
ሌሎች ዓምዶች
    - Advertisement -
    - Advertisement -
    ማኅበራዊከልዩነት በፊትና በኋላ የተሾሙ ጳጳሳትና ኤጲስ ቆጶሳት በውጭም በአገር ውስጥም ተመድበው ይሠራሉ

    ከልዩነት በፊትና በኋላ የተሾሙ ጳጳሳትና ኤጲስ ቆጶሳት በውጭም በአገር ውስጥም ተመድበው ይሠራሉ

    ቀን:

    ቅዳሜ በሚሊኒየም አዳራሽ ጉባዔ ይካሄዳል

    ላለፉት 27 ዓመታት አውጋዥና ተወጋዥ በመሆን የከረሙት የኢትዮጵያ ኦርቶዶክስ ተዋህዶ ቤተ ክርስቲያን ቅዱስ ሲኖዶስና በሰሜን አሜሪካ ይገኝ የነበረው ቅዱስ ሲኖዶስ፣ ልዩነታቸውን በእርቅና ስምምነት በማጥፋት አንድ ሆነዋል፡፡ በመሆኑም በሰሜን አሜሪካ ይኖሩ የነበሩ ከልዩነት በፊትና በኋላ የተሾሙ ሊቃነ ጳጳሳትና ኤጲስ ቆጶሳት፣ ስያሜያቸው እንዳለና እንደተጠበቀ በአገር ውስጥና በውጭ አገሮች አኅጉረ ስብከቶች ተመድበው እንደሚሠሩ ተወስኗል፡፡

    ከ27 ዓመታት በፊት በኬንያ ናይሮቢ በኩል ወደ ሰሜን አሜሪካ የሄዱት ብፁዕ ወቅዱስ አቡነ መርቆሪዮስ፣ ረቡዕ ሐምሌ 25 ቀን 2010 ዓ.ም. ቀትር ላይ አዲስ አበባ ይገባሉ ተብሎ ይጠበቃል፡፡

    ጠቅላይ ሚኒስትር ዓብይ አህመድ (ዶ/ር) ወደ ሥልጣን በመጡ ጥቂት ቀናት ውስጥ በታላቁ ቤተ መንግሥት ባደረጉት የእራት ግብዣ ላይ ‹‹በአንዲት ቤተክህነት ውስጥ ሁለት ሲኖዶስ ሊኖር አይገባም፡፡ በቅርቡ እርቅ ፈጽመው አንድ ይሆናሉ፤›› እንዳሉት፣ ሁለቱ የሲኖዶስ አባላት በፈጠሩት እርቅና ባወረዱት ሰላም ምክንያት በቅርቡ በዋሽንግተን ዲሲ አንድ መሆናቸውን አሳይተዋል፡፡

    በአንዲት የኦርቶዶክስ ተዋህዶ ቤተ ክርስቲያን ‹‹እንዴት ሁለት ፓትርያርክ ሊኖር ይችላል? ቤተ ክርስቲያን የምትመራበት ሕገ ቤተ ክርስቲያን ዶግማና ቀኖና ይፈቅዳል ወይ?›› የሚሉ ጥያቄዎች በምዕመናኑ እየተነሱ ቢሆንም፣ ሪፖርተር ለማነጋገርና ያለውን እውነታ ለማግኘት ያደረገው ጥረት አልተሳካም፡፡ የቅዱስ ሲኖዶስ አባላት ሊቃነ ጳጳሳት በተሰበሰቡበት ሐምሌ 23 ቀን 2010 ዓ.ም. ፓትርያርክ አቡነ ማቴዎስ በሰጡት መግለጫ፣ ለሁለቱም ፓትርያርኮች የሥራ ድርሻ ወጥቶ ተመድበዋል፡፡

    በመሆኑም ብፁዕ ወቅዱ አቡነ ማቲያስ በአስተዳደር ሥራ ላይ የተመደቡ ሲሆን፣ ብፁዕ ወቅዱስ አቡነ መርቆሪዮስ ደግሞ ፀሎተ ቡራኬ በማድረግ ቤተ ክርስቲያኗን እንዲያገለግሉ ውሳኔ ላይ መደረሱን አስታውቀዋል፡፡ የሥራ ድርሻቸው ከመታወቁም በተጨማሪ፣ በኢትዮጵያ ሲኖዶስ ጳጉሜ 2 ቀን 1984 ዓ.ም.፣ መስከረም 15 ቀን 1985 ዓ.ም. እና ጥር 25 ቀን 1999 ዓ.ም. ለሦስት ጊዜ በሰሜን አሜሪካ በሚኖረው ሲኖዶስና አባላቱ ላይ ተላልፎ የነበረው ውግዘት፣ ከሐምሌ 23 ቀን 2010 ዓ.ም. ጀምሮ የተነሳ መሆኑንም አስታውቀዋል፡፡

    በሰሜን አሜሪካ በተደረገው እርቅና ሰላም መሠረት ረቡዕ ሐምሌ 25 ቀን 2010 ዓ.ም. ከቀኑ ስድስት ሰዓት ላይ፣ የሰሜን አሜሪካው ሲኖዶስ መሪ ብፁዕ ወቅዱስ አቡነ መርቆርዮስና ተከታተዮቻቸው አዲስ አበባ ይገባሉ፡፡ አቡነ ማቲያስ፣ ሊቀ ጳጳሳት፣ ከፍተኛ የመንግሥት ባለሥልጣናት፣ ካህናትና ምዕመናን አቀባበል ያደርጋሉ ተብሏል፡፡ በአጠቃላይ ስለነበረው ጊዜ፣ ስለወረደው ሰላምና እርቅ፣ እንዲሁም መላው የእምነቱ ተከታዮችንና የኢትዮጵያ ሕዝቦች ‹‹እንኳን ደስ አለን›› ለማለት ሐምሌ 28 ቀን 2010 ዓ.ም. በሚሊኒየም አዳራሽ ጉባዔ እንደሚደረግና ከ25,000 በላይ ሕዝብ ይገኛል ተብሎ እንደሚጠበቅ ተገልጿል፡፡  

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በችግር የተተበተበው የሲሚንቶ አቅርቦት

    ሲሚንቶን እንደ ግብዓት ተጠቅሞ ቤት ማደስ፣ መገንባት፣ የመቃብር ሐውልት...

    ‹‹የናይል ዓባይ መንፈስ›› በሜልቦርን

    አውስትራሊያ ስሟ ሲነሳ ቀድሞ የሚመጣው በተለይ በቀደመው ዘመን የባህር...

    ‹‹ልብሴን ለእህቴ››

    ለሰው ልጅ መኖር መሠረታዊ ፍላጎት ተብለው ከተዘረዘሩት ውስጥ ልብስ...

    የአዲስ አበባ ትምህርት ቤቶች የምርመራ ውጤት እስከምን?

    በፍቅር አበበ የትምህርት ጥራትን፣ ውጤታማነትንና ሥነ ምግባርን ማረጋገጥ ዓላማ አድርጎ...