Sunday, April 21, 2024
- Advertisement -
- Advertisement -
ማኅበራዊኢጋድ በአዲስ አበባ የካንሰር ማዕከል ለመገንባት በይፋ ዝግጅት ጀመረ

ኢጋድ በአዲስ አበባ የካንሰር ማዕከል ለመገንባት በይፋ ዝግጅት ጀመረ

ቀን:

የምሥራቅ አፍሪካ የልማት በየነ መንግሥት (ኢጋድ) ለአካባቢው አገሮች ሕዝቦች ሕክምናና የምርምር ማዕከል አገልግሎት መስጠት የሚያስችል የካንሰር ማዕከል፣ በአዲስ አበባ ለመገንባት በይፋ ዝግጅት ጀመረ፡፡

የኢጋድ መሪዎች በቀጣናው የመጀመሪያውን የካንሰር ማዕከል ለመመሥረት ካለፉት ስድስት ዓመታት ጀምሮ ሲወያዩበት ቆይተዋል፡፡ ኢትዮጵያ ባላት የጤና ፖሊሲና በዘርፉም ባስመዘገበችው ስኬት ሳቢያ፣ ማዕከሉ በአዲስ አበባ እንዲገነባ መምረጣቸውን ከኢጋድ የተገኘው መረጃ ያሳያል፡፡

እንደ ድርጅቱ ኃላፊዎች የካንሰር ማዕከሉን ለመገንባት አሥር ሚሊዮን ዶላር የሚደርስ በጀት ያስፈልጋል፡፡ የተጠቀሰውን ገንዘብ ከለጋሽ አገሮች ለመሸፈን መታሰቡ ታውቋል፡፡

- Advertisement -

Video from Enat Bank Youtube Channel.

ለዚህም ሲባል ድርጅቱ ሚያዚያ 11 እና 12 ቀን 2008 ዓ.ም. በአዲስ አበባ የተባበሩት መንግሥታት ድርጅት የስብሰባ አዳራሽ፣ የፋይናንስ ማፈላለጊያና ማስተዋወቂያ ኮንፈረንስ ባዘጋጀበት ወቅት ይገነባል የተባለውን የማዕከሉን ዲዛይንም ይፋ አድርጓል፡፡

በአካባቢው የካንሰር በሽታ እየተስፋፋና አሳሳቢ እየሆነ በመምጣቱ፣ እንዲሁም የአባል አገሮች ትልቅ የጤና ችግር መሆኑ በመታመኑ ማዕከሉን ለመገንባት ማስፈለጉን፣ የኢጋድ አማካሪ ዶ/ር ጽዮን ደመቀ በኮንፈረንሱ ላይ ገልጸዋል፡፡

በተለይም እ.ኤ.አ. በ2030 በካንሰር የሚሞቱት ቁጥር አንድ ሚሊዮን ያህል እንደሚደርስ ከግምት ውሰጥ በማስገባት፣ የአካባቢው አገሮች ማዕከሉን በፍጥነት በጋራ በመገንባት የአገሮችን ዜጎች መታደግ እንደሚቻል ዶ/ር ጽዮን ጨምረው ገልጸዋል፡፡

በአዲስ አበባ የሚገነባው የካንሰር ማዕከል ለሁሉም የአካባቢው ሕዝቦች ከሚሰጠው የጤና አገልግሎት በተጨማሪ፣ የልህቀት ማዕከልና የጤና ባለሙያዎችንም የስኮላርሺፕ ተጠቃሚ እንዲያደርጋቸው የታሰበ ፕሮጀክት መሆኑም ተጠቅሷል፡፡

የካንሰር በሽታን አገሮች በተናጠል መከላከል ስለማይችሉ በጋራ መገንባት እንዳለባቸው በመታመኑ ጭምር ነበር፣ ኢጋድ ይህንን ፕሮጀክት የጀመረው በማለት ከድርጅቱ የተገኙ ሰነዶች ያስረዳሉ፡፡ ጥናቶች እንደሚያመለክቱት ኢትዮጵያን ጨምሮ በታዳጊ አገሮች የካንሰር ቅድመ ምርመራም ሆነ ሕክምና ትልቁ ፈተና የሆነው የራዲዮ ቴራፒ መመርመሪያ ማሽን ዋጋ ውድ ነው፡፡

ለአብነት ያህል አንድ ራዲዮ ቴራፒ ማሽን በኢትዮጵያ ለ19 ሚሊዮን ሰዎች እንደሚያገለግል በባለሙያዎች በኮንፈረንሱ ላይ የቀረቡ ጥናቶች ያሳያሉ፡፡ በዚህም ምክንያት የካንሰር በሽታ ተጠቂዎች ምርመራ ለማድረግ ከ16 እስከ 17 ወራት ወረፋ ለመጠበቅ እንደሚገደዱ፣ አንዳንዶችም ወረፋ እስከሚደርሳቸው ባለው ጊዜ ውስጥ ለሕልፈተ ሕይወት እንደሚዳረጉ ጥናቶች ይገልጻሉ፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰው መሆን ምንድን ነው? ቅርስና ማኅበራዊ ፍትሕ (ክፍል አንድ)

በሱራፌል ወንድሙ (ዶ/ር) ዳራ ከጎራዎች፣ ከመፈራረጅ፣ ነገሮችን ከማቅለልና ከጊዜያዊ ማለባበስ ወጥተን...

ኢኮኖሚው ኢትዮጵያን እንዳያፈርሳት ያሠጋል

በጌታቸው አስፋው ኢትዮጵያን እንዳያፈርሱ የሚያሠጉኝ አንድ ሁለት ብዬ ልቆጥራቸው የምችላቸው...

የኢትዮጵያ የፖለቲካ ትግል በሕግ አምላክ ይላል

በገነት ዓለሙ የአገራችንን ሰላም፣ የመላውን ዓለም ሰላም ጭምር የሚፈታተነውና አደጋ...

በሽግግር ፍትሕ እንዲታዩ የታሰቡ የወንጀል ጉዳዮች በልዩ ፍርድ ቤት ሳይሆን በልዩ ችሎት እንዲታዩ ተወሰነ

የኤርትራ ወታደሮች በሌሉበትም ቢሆን ይዳኛሉ ተብሏል በፅዮን ታደሰ የሽግግር ፍትሕ የባለሙያዎች...