Tuesday, September 27, 2022
ሌሎች ዓምዶች
    - Advertisement -
    - Advertisement -
    ስፖርትምሥራቅ አፍሪካውያኑ የነገሡበት ለንደን ማራቶን

    ምሥራቅ አፍሪካውያኑ የነገሡበት ለንደን ማራቶን

    ቀን:

    የዓለም አቀፉ አትሌቲክስ ፌዴሬሽኖች ማኅበር (አይኤኤኤፍ) በወርቅ ደረጃ ከሚመድባቸው ታላላቅ የማራቶን ውድድሮች ውስጥ ባለፈው እሑድ የተካሄደው ለንደን ማራቶን ይጠቀሳል፡፡ በውድድሩ በዓለም አቀፍ የፀረ አበረታች ንጥረ ነገር ኤጀንሲ (ዋዳ) ስማቸው በከፍተኛ ደረጀ ሲነሳ የቆዩት ኬንያውያን አትሌቶች በሁለቱም ፆታ በበላይነት አጠናቀዋል፡፡ የረዥም ርቀት የኦሊምፒክና የዓለም ሻምፒዮናዎች ንጉሡ ቀነኒሳ በቀለ ሦስተኛ ሆኖ አጠናቋል፡፡

    በኬንያዊው ኤሉድ ኪፕቾጌ አሸናፊነት በተጠናቀቀው የለንደን ማራቶን ከፍተኛ ቀድሞ ግምት ተሰጥቶት ወደ ስፍራው ያመራው ቀነኒሳ በቀለ ርቀቱን ለማጠናቀቅ  2 ሰዓት 06 ደቂቃ 36 ሰከንድ የወሰደበት ጊዜ ሲሆን፣ ያስመዘገበው ሰዓትም ለሪዮ ኦሊምፒክ ከሚጠበቁ አትሌቶች መካከል እንዲጠቀስ ያስቻለው ሆኗል፡፡ አንደኛና ሁለተኛ በመሆን ተከታትለው የገቡት ኬንያውያኑ ኪፕቾጌና ስታንሌይ በዊቴ ርቀቱን ለማጠናቀቅ 2፡03፡05 እና 2፡03፡51 መሆኑም ታውቋል፡፡

    የለንደንን ጨምሮ በማራቶን ውድሮሮች ሲሳተፍ የዘንድሮው ለአራተኛ ጊዜ መሆኑ የሚነገርለት ቀነኒሳ በቀለ ለመጀመሪያ ጊዜ በቀረበበት የፓሪስ ማራቶን 2 ሰዓት 05፡03 አጠናቆ የገባበት ሰዓት የቦታው ክብረወሰን እንደነበርም ዘገባዎች ያመላክታሉ፡፡ እ.ኤ.አ. በ2015 የቺካጎና ከሳምንታት በኋላ በተሳተፈበት የአምናው ለንደን ማራቶን ተጠብቆ ሳይሳካለት መቅረቱም ተመልክቷል፡፡

    በሴቶች መካከል በተከናወነው ተመሳሳይ ውድድር ኬንያዊቷ ጀሚማ ሳምጎን እንደወንዶቹ ሁሉ አይበገሬነቷን አረጋግጣለች፡፡ አትሌቷ ርቀቱን ለማጠናቀቅ 2፡22፡58 ወስዶባታል፡፡ በውድድሩ ትልቅ ቅደመ ግምት ተሰጥቷት የነበረችው የአምናው አሸናፊ ኢትዮጵያዊቷ ትዕግሥት ቱፋ 2፡23፡05 በሆነ ጊዜ በመግባት ሁለተኛ ወጥታለች፡፡ ሌላዋ ኬንያዊት ፍሎረንስ ኪፕላጋት 2፡23፡41 አጠናቃ ሦስተኛ ወጥታለች፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በኢትዮጵያ ላይ የቀጠለው የምዕራባውያን ጣልቃ ገብነት

    ምዕራባውያን አገሮች በኢትዮጵያ ላይ ጠንካራ ጫና ማሳደራቸውን ቀጥለዋል፡፡ በዲፕሎማሲም...

    የመንግሥት ዩኒቨርሲቲዎች የድጎማ በጀት ለፖለቲካ ሥራ ማስፈጸሚያ እንደሚውል የሚያሳይ ሪፖርት ቀረበ

    ለመንግሥት ዩኒቨርሲቲዎች የሚደረግ የበጀት ድጎማ ከመደበኛው ሥራ ይልቅ ከዋናው...

    መንግሥት የሥራ ግብር ምጣኔን እንዲቀንስ ተጠየቀ

    የኢትዮጵያ ሠራተኛ ማኅበራት ኮንፌዴሬሽን (ኢሠማኮ) መንግሥት የሠራተኛውን የኑሮ ጫና...

    የአዲስ አበባ ንግድና ዘርፍ ማኅበራት ምክር ቤት የአመራሮች ምርጫና ቀጣይ ዕቅዶቹ

    የአዲስ አበባ ንግድና ዘርፍ ማኅበራት ምክር ቤት ሲጠበቅ የነበረውን...