Tuesday, November 29, 2022
ሌሎች ዓምዶች
    - Advertisement -
    - Advertisement -
    ማኅበራዊለ40/60 ቤቶች የ150 ሺሕ ሜትሪክ ቶን ብረት ጨረታ ተከፈተ

    ለ40/60 ቤቶች የ150 ሺሕ ሜትሪክ ቶን ብረት ጨረታ ተከፈተ

    ቀን:

    የአዲስ አበባ ከተማ አስተዳደር ለ40/60 ቤቶች ግንባታ ፕሮጀክቶች፣ 150 ሺሕ ሜትሪክ ቶን ብረት ለመግዛት ያወጣው ጨረታ በተከፈተበት ወቅት፣ የቻይናው ኩባንያ ኢስት ስቲል የጨረታውን የአንበሳ ድርሻ ለማቅረብ ተወዳድሯል፡፡

    ሚያዝያ 18 ቀን 2008 ዓ.ም. በተከፈተው ጨረታ ኢስት ስቲል 124 ሺሕ ሜትሪክ ቶን ብረት በ2.4 ቢሊዮን ብር ለማቅረብ ተወዳድሯል፡፡ ኢስት ስቲል ለተለያየ ደረጃ ላላቸው ብረቶች በኪሎ ግራም ከ18.99 እስከ 19.39 ብር ዋጋ አቅርቧል፡፡ ኢስት ስቲል ከአዲስ አበባ 35 ኪሎ ሜትር ርቀት ላይ በምትገኘው ዱከም ከተማ በኢስተርን ኢንዲስትሪ ዞን ውስጥ የብረት ማቅለጫ ፋብሪካ ባለቤት መሆኑ ይታወቃል፡፡

    ኢስት ስቲልን ጨምሮ በዚህ ጨረታ ስድስት የብረት ፋብሪካዎች የተወዳደሩ ሲሆን፣ አቃቂ ቃሊቲ ብረት ፋብሪካ በቴክኒክ በመውደቁ፣ ያቀረበው ፋይናንስ ሳይከፈት ከጨረታው ተሰናብቷል፡፡

    በዚህ ጨረታ ሲ እና ኢ ወንድማማቾች 20.3 ሜትሪክ ቶን ብረት በኪሎ ግራም 18.35 ብር በማቅረብ 371.8 ሚሊዮን ብር ዋጋ ያለው ብረት ለማቅረብ ተወዳድሯል፡፡ ሌላኛው ተወዳዳሪ አቢሲኒያ ስቲል 4.6 ሜትሪክ ቶን ብረት በኪሎ ግራም 21.14 ብር ያቀረበ ሲሆን፣ በድምሩ የ98.02 ሚሊዮን ብር ብረት ለማቅረብ ተወዳድሯል፡፡

    ሐበሻ በኪሎ ግራም ከ20.07 እና 20.57 ብር ሲያቀርብ ስቲሊ አር ኤም አይ ደግሞ ከ20.70 እስከ 22.10 ብር አቅርቧል፡፡ የዚህን ጨረታ ውጤት በከንቲባ ድሪባ ኩማ የሚመራው ቁጠባ ቤቶች ልማት ኢንተርፕራይዝ ቦርድ ከመረመረ በኋላ የጨረታውን ውጤት እንደሚያፀድቀው ያገኘነው መረጃ ያመለክታል፡፡

    የአዲስ አበባ ከተማ አስተዳደር በአገር ውስጥ ፋብሪካ ላላቸው ኩባንያዎች ብቻ ባቀረበው በዚህ የብረት ግዢ ጨረታ፣ የጨረታ ሦስት ማስረከቢያ አለመጠየቁ አነጋጋሪ ሆኗል፡፡

    ጨረታ የሚያሸንፈው ኩባንያ የሚጠበቅበትን ተግባር ባያከናውን ለጨረታ ማስከበሪያ ዋስትና የሚያስይዘው ገንዘብ ገቢ የሚደረግበት አሠራር አለ፡፡ ነገር ግን በዚህ ጨረታ ይህ የጨረታ ዋስትና አለመኖሩ ግርምት እንደፈጠረባቸው በጨረታው የተካፈሉ ኩባንያዎች ተናግረዋል፡፡

    የአዲስ አበባ ቁጠባ ቤቶች ልማት ኢንተርፕራይዝ በ13 የግንባታ ሳይቶች፣ 38,790 ቤቶችን በመገንባት ላይ ይገኛል፡፡ ግንባታውን ከደረጃ አንድ እስከ ደረጃ ሦስት ድረስ ያሉ ኮንትራክተሮችና ደረጃ አንድ አማካሪዎች ግንባታውን በመቆጣጠር ላይ እንደሚገኙ ታውቋል፡፡

    ሐምሌ 2005 ዓ.ም. በተካሄደው 40/60 ቤቶች ፕሮግራም ምዝግባ 164 ሺሕ ነዋሪዎች ተመዝግበዋል፡፡ ከእነዚህ ተመዝጋቢዎች እስከ ጥር 2008 ዓ.ም. ድረስ 12,378 ነዋሪዎች ሙሉ ክፍያ አጠናቀው ቤታቸውን በመጠባበቅ ላይ ይገኛሉ፡፡ 

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በችግር የተተበተበው የሲሚንቶ አቅርቦት

    ሲሚንቶን እንደ ግብዓት ተጠቅሞ ቤት ማደስ፣ መገንባት፣ የመቃብር ሐውልት...

    ‹‹የናይል ዓባይ መንፈስ›› በሜልቦርን

    አውስትራሊያ ስሟ ሲነሳ ቀድሞ የሚመጣው በተለይ በቀደመው ዘመን የባህር...

    ‹‹ልብሴን ለእህቴ››

    ለሰው ልጅ መኖር መሠረታዊ ፍላጎት ተብለው ከተዘረዘሩት ውስጥ ልብስ...

    የአዲስ አበባ ትምህርት ቤቶች የምርመራ ውጤት እስከምን?

    በፍቅር አበበ የትምህርት ጥራትን፣ ውጤታማነትንና ሥነ ምግባርን ማረጋገጥ ዓላማ አድርጎ...