Wednesday, April 17, 2024
- Advertisement -
- Advertisement -
ዜናለአዲስ አበባ ከተማ መንገዶች ባለሥልጣን ዋና ዳይሬክተር ተሾመለት

ለአዲስ አበባ ከተማ መንገዶች ባለሥልጣን ዋና ዳይሬክተር ተሾመለት

ቀን:

የአዲስ አበባ ከተማ መንገዶች ባለሥልጣንን በዋና ዳይሬክተርነት ሲመሩ በቆዩትና በቅርቡ የኢትዮጵያ መንገዶች ባለሥልጣን ዋና ዳይሬክተር ሆነው በተሾሙት አቶ ሀብታሙ ተገኘ (ኢንጂነር) ምትክ፣ አቶ ሞገስ ጥበበ (ኢንጂነር) ተሾሙ፡፡

ለአንድ ወር ያህል ለኃላፊነቱ ሹመት ሳይሰጥ ቆይቶ የአዲስ አበባ ከተማ አስተዳደር ምክትል ከንቲባ አቶ ታከለ ኡማ (ኢንጂነር) አቶ ሞገስን የከተማው መንገዶች ባለሥልጣን ዋና ዳይሬክተር አድርገው መሾማቸውን ለማወቅ ተችሏል፡፡ አዲሱ ተሿሚም ማክሰኞ ነሐሴ 8 ቀን 2010 ዓ.ም. የሹመት ደብዳቤው ደርሷቸዋል፡፡

አቶ ሞገስ ይህንን ኃላፊነት ከመረከባቸው ቀደም ብሎ፣ በኮንስትራክሽን ማኔጅመንት ኢንስቲትዩት በዋና ዳይሬክተርነት ሲያገለግሉ ቆይተዋል፡፡ ቀደም ብሎም በኢትዮጵያ መንገዶች ባለሥልጣን የኮንትራት አስተዳደርና የምሕንድስና ግዥ ኃላፊ በመሆን ሲያገለግሉም ነበር፡፡

- Advertisement -

Video from Enat Bank Youtube Channel.

ላለፉት 20 ዓመታት የአዲስ አበባ ከተማ መንገዶች ባለሥልጣንን በመምራት አቶ ሞገስ ሦስተኛው ሰው ናቸው፡፡ ባለሥልጣኑን በመምራት አቶ ፍቃደ ኃይሌ (ኢንጂነር) በቀዳሚነት የሚጠቀሱ ሲሆን፣ ከ16 ዓመታት በላይ መርተውታል፡፡ በአሁኑ ወቅት አቶ ፍቃዱ የሙስና ክስ ተመሥርቶባቸው በእስር ላይ እንደሚገኙ ይታወቃል፡፡ እሳቸውን በመተካት አቶ ሀብታሙ የባለሥልጣኑ ዋና ዳይሬክተር ሆነው ሲያገለግሉ ከቆዩ በኋላ፣ በቅርቡ በጠቅላይ ሚኒስትር ዓብይ አህመድ (ዶ/ር)፣ የኢትዮጵያ መንገዶች ባለሥልጣን ዋና ዳይሬክተር ሆነው መሾማቸው ይታወሳል፡፡

አዲሱ ተሿሚ በአዲስ አበባ ከተማ የተጀመሩ ፕሮጀክቶችን በአጭር ጊዜ ማጠናቀቅ፣ በመንገድ መሠረተ ልማት ላይ ያሉ ችግሮችን ለመፍታት የሚያስችሉ አዳዲስ ፕሮጀክቶችን መቅረፅ በቀዳሚነት የሚያከናውኗቸው ተግባራት መሆናቸውን፣ የአዲስ አበባ ከተማ አስተዳደር ከንቲባ ጽሕፈት ቤት በማኅበራዊ ድረ ገጹ አስታውቋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...