Sunday, June 23, 2024
- Advertisement -
- Advertisement -
ዜናየሶማሌ ክልል ፕሬዚዳንትን ጨምሮ በወንጀል የተጠረጠሩ ሰባት ከፍተኛ ባለሥልጣናት ታሰሩ

የሶማሌ ክልል ፕሬዚዳንትን ጨምሮ በወንጀል የተጠረጠሩ ሰባት ከፍተኛ ባለሥልጣናት ታሰሩ

ቀን:

በሶማሌ ክልል ተፈጽመዋል በተባሉ ግድያዎች፣ በሰብዓዊ መብት ጥሰቶች፣ የሕዝብ ሀብት ለግል ጥቅም በማዋል፣ በዘረፋና በሌሎች ምክንያቶች የክልሉ ፕሬዚዳንት የነበሩት አቶ አብዲ መሐመድ ዑመር (አብዲ ኢሌ) ጨምሮ፣ በወንጀል የተጠረጠሩ ሰባት ከፍተኛ ባለሥልጣናት በቁጥጥር ሥር ዋሉ፡፡

አቶ አብዲ ሰኞ ነሐሴ 21 ቀን 2010 ዓ.ም. በቦሌ ክፍለ ከተማ ደሳለኝ ሆቴል በስተጀርባ በኪራይ ከሚኖሩበት ቤት በቁጥጥር ሥር የዋሉ ሲሆን፣ የክልሉ የሴቶችና ሕፃናት ቢሮ ኃላፊ ወ/ሮ ራህማ መሐመድን ጨምሮ አምስት የተለያዩ ቢሮ ኃላፊዎች ማክሰኞ ነሐሴ 22 ቀን 2010 ዓ.ም. በቁጥጥር ሥር ውለዋል፡፡

በክልሉ ሐምሌ 28 እና 29 ቀን 2010 ዓ.ም. በተፈጸመ ከፍተኛ የሆነ የግድያ፣ ዘረፋና የአብያተ ክርስቲያናት ቃጠሎ፣ የሰብዓዊ መብት ጥሰቶች በመፈጸማቸው  ፌዴራል መንግሥት በሕገ መንግሥቱ መሠረት ጣልቃ በመግባት ተጨማሪ ጉዳት ሳይደርስ ማስቆሙ ይታወሳል፡፡ የክልሉ ገዥ ፓርቲ የኢትዮጵያ ሶማሌ ሕዝቦች ዴሞክራሲያዊ ፓርቲ (ኢሶሕዴፓ) አመራሮች፣ ምሁራን፣ የሃይማኖት አባቶችና የአገር ሽማግሌዎች በተገኙበት ውይይት መደረጉ ይታወሳል፡፡

በፕሬዚዳንቱና በከፍተኛ ባለሥልጣናት መሪነት ከፍተኛ የሆነ ወንጀል መፈጸሙ በመረጋገጡ ተጠያቂ መሆን አለባቸው የተባሉትን ሰባት ባለሥልጣናት ያለመከሰስ መብት፣ የክልሉ ምክር ቤት እሑድ ነሐሴ 20 ቀን 2010 ዓ.ም. ማንሳቱ አይዘነጋም፡፡ በመሆኑም የክልሉን የቀድሞ ፕሬዚዳንት አቶ አብዲ መሐመድ ዑመር፣ ጠቅላይ ዓቃቤ ሕግና የፍትሕ ቢሮ ኃላፊ አቶ አብዲ ጀማል ቀሎንቢ፣ የሴቶችና ሕፃናት ጉዳይ ቢሮ ኃላፊ ወ/ሮ ራህማ መሐሙድ፣ የትምህርት ቢሮ ኃላፊ አቶ ኢብራሂም መሐመድ፣ የውኃ ሀብት ልማት ቢሮ ምክትል ኃላፊ አቶ ሰሌቅ አብዱላሂ፣ የጅግጅጋ ከተማ አስተዳደር ከንቲባ አቶ ኢብራሂም መሐመድና የኢሶሕዴፓ የፖለቲካ ጉዳዮች ኃላፊ አቶ ዑመር አብዲ ያለመከሰስ መብታቸው ተነስቶ በቁጥጥር ሥር ውለዋል፡፡

የክልሉ ምክር ቤት የባለሥልጣናቱ ያለመከሰስ መብት ያነሳው በክልሉ ከተሞች ተነስቶ በነበረው ቀውስ እጃቸው እንዳለበት በመረጋገጡ፣ በሕግ መጠየቅ ስላለባቸው መሆኑን አስታውቋል፡፡ በቁጥጥር ሥር የዋሉ ተጠርጣሪዎች ረቡዕ ነሐሴ 23 ቀን 2010 ዓ.ም. ፍርድ ቤት እንደሚቀርቡም ተጠቁሟል፡፡

በአሁኑ ጊዜ በሕግ ጥላ ሥር የሚገኙት የክልሉ ባለሥልጣናት በቶሎ ፍርድ ቤት እንደሚቀርቡ፣ ሌሎች በቁጥጥር ሥር መዋል ያለባቸው ባለሥልጣናትም ለሕግ እንደሚቀርቡ፣ በአቶ አብዲ አመራር ተቋቁሟል የሚባለው ‹‹ሔጎ›› በመባል የሚታወቀው የወጣት ቡድን አባላትና መሪዎቹ በቅርቡ በክልሉ ውስጥ ፈጽመውታል በተባለው ግድያ፣ ዘረፋና የአብያተ ክርስቲያናት ቃጠሎ የተሳተፉ ተለይተው እንደሚጠየቁ ተሰምቷል፡፡

አቶ አብዲ ባለፉት አሥር ዓመታት የሥልጣን ቆይታቸው በተጠረጠሩባቸው ወንጀሎች ግብረ አበር የሆኑ ሌሎች ግለሰቦችም፣ ከሕግ ተጠያቂነት እንደማያመልጡ ታውቋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...