Monday, May 20, 2024
- Advertisement -
- Advertisement -

ዜናኢትዮጵያ ለተመድ በፈቃደኝነት የሥራ አፈጻጸም ሪፖርት ልታቀርብ ነው

ኢትዮጵያ ለተመድ በፈቃደኝነት የሥራ አፈጻጸም ሪፖርት ልታቀርብ ነው

ቀን:

የተባበሩት መንግሥታት ድርጅት (ተመድ) የምዕተ ዓመቱን የልማት ግብ አጠናቆ፣ በ2008 ዓ.ም. ተግባራዊ ማድረግ በጀመረው የ15 ዓመቱ የዘላቂ ልማት ግብ ተሳታፊ የሆነው የኢትዮጵያ መንግሥት ፈቃደኛ በመሆን የአንድ ዓመት የሥራ አፈጻጸም ሪፖርቱን ሊያስገመግም ነው፡፡ ኢትዮጵያን ጨምሮ 44 አገሮች የዕቅድ አፈጻጸማቸውን ለማስገምገም ፈቃደኛ ሆነዋል፡፡

ብሔራዊ ፕላን ኮሚሽን ለተመድ በሚቀርበው የሥራ አፈጻጸም ሪፖርት ላይ ከፌዴራልና ከክልል ባለሙያዎች ጋር እየመከረ ነው፡፡ እ.ኤ.አ. በ2017 ዝርዝር ግምገማ የሚካሄድባቸው የዘላቂ ልማት ግቦች ስድስት ናቸው፡፡

እነሱም ድህነትን ማጥፋት፣ ረሃብን ማጥፋት፣ ጤናማ ሕይወትና ደኅንነት፣ የሥርዓተ ፆታ እኩልነት፣ የመሠረተ ልማት ግንባታና ኢንዱስትሪ ፈጠራ፣ እንዲሁም የውኃ ሥነ ምኅዳርን ዘላቂ ልማት መጠበቅ የሚሉት ናቸው፡፡

- Advertisement -

ማክሰኞ ግንቦት 1 ቀን 2009 ዓ.ም. በተካሄደው የዘላቂ ልማት ግቦች የፈቃደኝነት ብሔራዊ ግምገማ መድረክ ላይ የብሔራዊ ፕላን ኮሚሽን የክትትልና ግምገማ ቢሮ ኃላፊ አቶ ተመስገን ዋለልኝ ባቀረቡት ጽሑፍ፣ ኢትዮጵያ ባለፉት 13 ዓመታት (ከ1996 እስከ 2008) በየዓመቱ በአማካይ 10.6 በመቶ ኢኮኖሚያዊ ዕድገት ማስመዝገቧን ገልጸዋል፡፡

‹‹መሠረተ ልማትና ማኅበራዊ ልማት በከፍተኛ ደረጃ ተስፋፍቷል፡፡ ይህም በአገሪቱ ከጫፍ እስከ ጫፍ ለሚገኙ ዜጎች መሠረታዊ አገልግሎቶች ተደራሽ እንዲሆኑ ምቹ ሁኔታ ፈጥሯል፤›› ሲል አቶ ተመስገን ያቀረቡት ጽሑፍ ይተነትናል፡፡

በ2008 የበጀት ዓመት የተመዘገበው የ8.0 በመቶ አማካይ የኢኮኖሚ ዕድገት ከዕቅድ አንፃር ሲታይ የ3.2 መቶኛ ነጥብ ቅናሽ ያለው ቢሆንም፣ በዓለም ባንክ እ.ኤ.አ. የ2016 ትንበያ ከተቀመጠው የ2.5 በመቶ አማካይ የኢኮኖሚ ዕድገት ግብ ጋር ሲነፃፀር፣ በሦስት እጥፍ የላቀ መሆኑን አቶ ተመስገን በጽሑፋቸው አብራርተዋል፡፡

‹‹የነፍስ ወከፍ ገቢ በ2002 ዓ.ም. ከነበረበት 377 ዶላር፣ በ2007 ዓ.ም. ወደ 691 ዶላር አድጓል፡፡ በ2008 ዓ.ም. ወደ 794 ዶላር ያደገ ሲሆን፣ በ2012 ዓ.ም. ደግሞ ወደ 1,177 ዶላር ለማድረስ ታቅዷል፤›› ሲል የቀረበው ጽሑፍ ያስረዳል፡፡

ላለፉት አሥር ዓመታት ተግባራዊ በተደረገው የምዕተ ዓመቱ የልማት ግብ ከተቀመጡት ሰባት ነጥቦች ውስጥ ኢትዮጵያ አብዛኛዎቹን ማሳካቷ ተገልጿል፡፡

አገሪቱ በየዓመቱ ከምትይዘው አጠቃላይ በጀት ውስጥ 12 ቢሊዮን ብር ለልማት ግቦች ተለይቶ ሲያዝ ቆይቷል፡፡ የብሔራዊ ፕላን ኮሚሽን ምክትል ኮሚሽነር አቶ ጌታቸው አደም፣ ‹‹የልማት በጀቱ ማነስና መብዛቱ አይደለም ቁምነገሩ፡፡ ዋናው ነገር የኢትዮጵያ መንግሥት ድህነትን ለማጥፋት ያለውን ቁርጠኝነት ምን ያህል እንደሆነ ማሳያ ነው፤›› ሲሉ ለሪፖርተር ገልጸዋል፡፡ ሪፖርቱ በሚመለከታቸው አካላት ከዳበረ በኋላ ለሚኒስትሮች ምክር ቤት ቀርቦ ለተመድ እንደሚላክ አቶ ጌታቸው አስረድተዋል፡፡   

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በሥጋ ላይ አላግባብ እየተጨመረ ያለውን ዋጋ መንግሥት ሊቆጣጠረው ይገባል

በአገራችን የግብይት ሥርዓት ውስጥ ኢኮኖሚያዊ ያልሆኑ ወይም ያልተገቡ የዋጋ...

ኢትዮጵያን የተባበረ ክንድ እንጂ የተናጠል ጥረት አይታደጋትም!

ኢትዮጵያ በአሁኑ ጊዜ ከምትገኝበት ውጥንቅጥ ውስጥ የምትወጣበት ዕድል ማግኘት...

የፖለቲካ ቅኝቱ የሕዝባችንን ታሪካዊ ትስስር ለምን አያከብርም?

በንጉሥ ወዳጅነው የዓብይ አህመድ (ዶ/ር) መራሹ የ2010 ዓ.ም. የለውጥ መንግሥት...

ዛሬም ኧረ በሕግ!

በገነት ዓለሙ በዚህ በያዝነው ሚያዝያ/ግንቦት ወይም ሜይ ወር ውስጥ የተከበረው፣...