Friday, March 24, 2023
- ማስታወቂያ -
- ማስታወቂያ -

የአዲስ አበባ ንግድ ምክር ቤት አዲሱን ዓርማውን ይፋ አደረገ

- ማስታወቂያ -

ተዛማጅ ፅሁፎች

በመጪው ጥቅምት አዳዲስ አመራሮች ምክር ቤቱን እንደሚረከቡ ይጠበቃል

የአዲስ አበባ የንግድና የዘርፍ ማኅበራት ምክር ቤት፣ ከ30 ዓመታት በላይ ሲገለገልበት የቆየውን ዓርማ በመቀየር አዲሱን ዓርማ ይፋ አድርጓል፡፡

ከ70 ዓመታት በላይ ዕድሜ ያለው ንግድ ምክር ቤቱ፣ ነባሩን ዓርማ ለመቀየር የወሰነው በአሁኑ ወቅት ካለው ነባራዊ ሁኔታ ጋር በተያያዘ ወቅቱን የሚመጥን አገልግሎት ለአባላቱ ለመስጠትና ይህንን አቅሙን የሚገልጽ አዲስ መለያ እንዲኖረው በመፈለጉ እንደሆነ አስታውቋል፡፡

የንግድ ምክር ቤቱን ዓርማ ለመለወጥ አራት አማራጮች እንዳቀረቡ የሚገልጸው የምክር ቤቱ መረጃ፣ ከእነዚህ ውስጥ ይመጥናል የተባለው ዓርማ ተመርጦ፣ ባለፈው ሳምንት ንግድ ምክር ቤቱ በጠራው ጋዜጣዊ መግለጫ ወቅት ለዕይታ ቀርቦ ነበር፡፡

የአገሪቱ ኢኮኖሚ እያደገ ሲሄድ የንግድ ምክር ቤቱ አገልግሎትም በዚያው ልክ ማደግ እንደሚኖርበት በመታመኑ፣ መሠረታዊ አደረጃጀቱን በማስተካከል የዓለም ኢኮኖሚያዊ ሥርዓት የሚጠይቀውን አግባብ አገልግሎት ለመስጠት የሚስችል አቋም እንደሚኖረው ተብራርቷል፡፡ ለዚህም የዓርማ ለውጥ ማድረግ እንደሚያስፈልግ ስለታመነበት ለውጡ እንደተደረገ የምክር ቤቱ አመራሮች አስታውቀዋል፡፡

 ይህ በእንዲህ እንዳለ የንግድ ምክር ቤቱ 14ኛ ጠቅላላ ጉባዔ በመጪው ጥቅምት 15 ቀን 2010 ዓ.ም. እንደሚካሄድ አስታውቋል፡፡ ጉባዔው የ2010 ዓ.ም. የምክር ቤቱን  የሥራ አፈጻጸምና የኦዲት ሪፖርት ገምግሞ እንደሚያፀድቅ ሲገለጽ፣ በጉባዔውም ምክር ቤቱን የሚያገለግሉ አዲስ ፕሬዚዳንትና የቦርድ አመራሮች በመምረጥ ለኃላፊነት እንደሚሰይም አስታውቋል፡፡

ምርጫው ምክር ቤቱ የቀየሰውን ዕቅድ ለማስፈጸም የሚችሉና የንግዱን ማኅበረሰብ አጀንዳ በግንባር ቀደምትነት በማስተባበር የሚመሩ አባላት ወደ አመራር ቦታው ይወጣሉ ተብሎ እንደሚጠበቅ ምክር ቤቱ አስታውቆ፣ ተቋሙን ወደላቀ ደረጃ ለማሸጋገር የሚተጉና ባለራዕይ አባላት ወደ አመራርነቱ እንዲመጡ ምክር ቤቱ ጥሪ አቅርቧል፡፡

የአዲስ አበባ የንግድና የዘርፍ ማኅበራት ምክር ቤት፣ ከምርጫ ጋር በተያያዘ ተደጋግመው ሲከሰቱ የቆዩ አመለግባባቶችን ሲያስተናግድ መቆየቱ የሚታወስ ሲሆን፣ በመጪው ምርጫ እንዲህ ዓይነቱ ችግር ዳግም እንዳይፈጠር አባላቱ ኃላፊነታቸውን እንዲወጡ ጠይቋል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች