Monday, June 24, 2024
- Advertisement -
- Advertisement -
ዜናየቦምብ ፍንዳታ በማቀነባበር የተጠረጠሩት የቀድሞ የብሔራዊ መረጃና ደኅንነት ሹም ተጨማሪ ጊዜ ተጠየቀባቸው

የቦምብ ፍንዳታ በማቀነባበር የተጠረጠሩት የቀድሞ የብሔራዊ መረጃና ደኅንነት ሹም ተጨማሪ ጊዜ ተጠየቀባቸው

ቀን:

ለጠቅላይ ሚኒስትሩ ድጋፍና የምሥጋና ሠልፍ ላይ የቦምብ ፍንዳታ በማቀነባበር፣ ወርዋሪና አቀባይ በመመልመል የተጠረጠሩት የብሔራዊ መረጃና ደኅንነት አገልግሎት ፀረ ሽብር ግብረ ኃይል መምርያ ኃላፊ ላይ ተጨማሪ የምርመራ ጊዜ ተፈቀደ፡፡

በፌዴራል የመጀመርያ ደረጃ ፍርድ ቤት ልደታ ምድብ ተረኛ ወንጀል ችሎት ሐሙስ ጳጉሜን 1 ቀን 2010 ዓ.ም. የቀረቡት ተጠርጣሪው አቶ ተስፋዬ ኡርጌ፣ ፍርድ ቤቱ የፈቀደውን ተጨማሪ የምርመራ ጊዜ ተቃውመዋል፡፡

መርማሪ ፖሊስ ተጨማሪ ጊዜ የጠየቀበትን ምክንያት ለፍርድ ቤቱ እንዳስረዳው፣ የምርመራ ሒደቱ ውስብስብ ነው፡፡ ተጠርጣሪው ይሠሩበት ከነበሩ የብሔራዊ መረጃና ደኅንነት ሠራተኞች ጋር የነበራቸውን የስልክ ግንኙነትና ተያያዥነት ያላቸው ማስረጃዎች ለመሰብሰብና ተጨማሪ የምስክሮችን ቃል ለመቀበል መሆኑን አስረድቷል፡፡

አቶ ተስፋዬ በጠበቃቸው አማካይነት ባቀረቡት ተቃውሞ እንደተናገሩት፣ የቦምብ ፍንዳታው ከደረሰ ጊዜ ጀምሮ መርማሪ ፖሊስ የሚያቀርበው የምርመራ ዓይነትና የሚያቀርበው ጥያቄ ተመሳሳይ ነው፡፡ እሳቸው የሚያጠፉትም ሆነ የሚያስጠፉት ነገር እንደሌለ፣ ሁሌም መርማሪው የሚጠይቀው ነገር የሚገኘው በመንግሥት ተቋም ውስጥ እንደሆነ ገልጸዋል፡፡ ስለዚህ የዋስትና መብታቸው እንዲከበርላቸው ወይም የጠየቀው የምርመራ ቀናት ብዙ ስለመሆኑ ለመጨረሻ ተብሎ ተቀንሶ እንዲፈቀድለት ጠይቀዋል፡፡

ፍርድ ቤቱ የግራ ቀኙን ክርክር ከሰማ በኋላ የተጠርጣሪውን የዋስትና መብት ጥያቄ በማለፍ፣ ፖሊስ ከጠየቀው 14 ቀናት ውስጥ አሥር ቀናትን ብቻ በመፍቀድ ለመስከረም 5 ቀን 2011 ዓ.ም. ቀጠሮ ሰጥቷል፡፡

ለጠቅላይ ሚኒስትር ዓብይ አህመድ (ዶ/ር) ለመደገፍና ምሥጋና ለማቅረብ ሰኔ 16 ቀን 2010 ዓ.ም. በመስቀል አደባባይ ሠልፍ ወጥቶ በነበረ ሕዝብ ላይ በተወረወረ ቦምብ፣ ሁለት ሰዎች መሞታቸውንና ከ165 በላይ ሰዎች የአካል ጉዳት እንደደረሰባቸው መዘገባችን ይታወሳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...