Saturday, April 20, 2024
- Advertisement -
- Advertisement -
ዜናመንግሥት ከሰንደቅ ዓላማ ጋር የተያያዙ አለመግባባቶችን በአስቸኳይ እንዲያስቆም ፓርቲዎች ጠየቁ

መንግሥት ከሰንደቅ ዓላማ ጋር የተያያዙ አለመግባባቶችን በአስቸኳይ እንዲያስቆም ፓርቲዎች ጠየቁ

ቀን:

በዓርማና ሰንደቅ ዓላማ እየተመካኘ የሚፈጠረው አምባጓሮ በአስቸኳይ እንዲቆምና ሁኔታዎች ከቁጥጥር በላይ ሆነው ወደ ሁከትና ብጥብጥ ከማምራታቸው በፊት መንግሥት አፋጣኝ የእርምት ዕርምጃ እንዲወስድ፣ ሰማያዊ ፓርቲና የኦሮሞ ፌዴራሊስት ኮንግረስ (ኦፌኮ) በጋራ በሰጡት መግለጫ ጠየቁ፡፡

ፓርቲዎቹ ይህንን ጥያቄ ያቀረቡት ዓርብ መስከረም 4 ቀን 2011 ዓ.ም.፣ ‹‹በሕዝብ መስዋዕትነት የተጀመረውን የለውጥ የሽግግር ሒደት በጥቃቅን ልዩነቶች ለማደናቀፍ መሞከር ታሪክ ይቅር የማይለው ስህተት ነው፤›› በሚል መሪ ቃል በጋራ በሰጡት ጋዜጣዊ መግለጫ ወቅት ነው፡፡

‹‹ትናንት አስከፊውን አገዛዝ ከጫንቃችን አሽቀንጥረን ለመጣል ያደረግነው ብርቱ ተጋድሎ በጎመራ ማግሥት የለውጡን ሒደት መደገፍና አገሪቱን እንደ አገር የማስቀጠሉ ጉዳይ ቅድሚያ ሊሰጠው ሲገባ፣ በአሁኑ ወቅት አልፎ አልፎ በተለያዩ አካባቢዎች የሚታዩት ግጭቶችና ሥርዓት አልበኝነት አሳሳቢ ደረጃ ላይ ደርሰዋል፤›› ሲሉ ፓርቲዎቹ ሥጋታቸውን ገልጸዋል፡፡

- Advertisement -

Video from Enat Bank Youtube Channel.

ሰሞኑን በአዲስ አበባ ከተማና በአካባቢዋ ከሰንደቅ ዓላማና ከዓርማ ጋር በተያያዘ የተፈጠረው እሰጥ አገባ ከምንም በላይ በብርቱ እንደሚያሳስባቸው ፓርቲዎቹ በመግለጽ፣ ‹‹አሁን በሚታየው የለውጥ ሒደት ውስጥ በነፃነት ያሻንን ሐሳብ መግለጽና የምንፈልገውን የፖለቲካ ድርጅት ዓርማ በይፋ ይዘን መንቀሳቀስ በቻልንበት፣ የእኔ ይበልጥ የአንተ ያንስ በሚል አዙሪት ውስጥ እየተሽከረከርን ትውልዱን ለግጭት ማነሳሳቱ ፈጽሞ ሊወገዝ የሚገባው እኩይ ተግባር ነው፤›› ሲሉ ፓርቲዎቹ በአፅንኦት አሳስበዋል፡፡

‹‹እያንዳንዳችን ፍላጎታችንንና ድጋፋችንን ለምንሻው አካል እየሰጠን፣ አንዳችን የአንዳችንን ሐሳብም ሆነ መልካም ድርጊት እያከበርን መሄዱ በሕዝብ መስዋዕትነት የተጀመረውን የለውጥና የሽግግር ሒደት ለመደገፍ፣ ለአገር መረጋጋትና በሕዝቦች መካከል ለሚኖር መቻቻልና የአብሮነት ወሳኝነቱ የጎላ ነው፤›› በማለት የሐሳብ ልዩነትና አመለካከት የግጭቶች መነሻ ሊሆን አይገባውም ብለዋል፡፡  

በዚህ መሠረት ፓርቲዎቹ መንግሥት ችግሮች ሳይባባሱ ዕርምጃ እንዲወስድ ከመጠየቅ ባሻገር የአገር ሽማግሌዎች፣ የሃይማኖት አባቶችና የአባ ገዳዎች ወጣቶችን በማረጋጋት የዜግነት ድርሻቸውን እንዲወጡ ጥሪያቸውን አቅርበዋል፡፡  

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...