Tuesday, September 27, 2022
ሌሎች ዓምዶች
    - Advertisement -
    - Advertisement -
    ዜናአብን መንግሥት ሕግና ሥርዓት እንዲያስከብር ጠየቀ

    አብን መንግሥት ሕግና ሥርዓት እንዲያስከብር ጠየቀ

    ቀን:

    መንግሥት ሕግና ሥርዓት በአግባቡ ሊያስከብር ባለመቻሉ በየአካባቢው የደቦ ፍርድና ዘግናኝ ጅምላ ጭፍጨፋ መበራከታቸውን፣ በምሥረታ ላይ የሚገኘው የአማራ ብሔራዊ ንቅናቄ (አብን) አስታወቀ፡፡

    አብን ይህን ያስታወቀው የመመሥረቻ ጉባዔውን በሰኔ ወር በባህር ዳር ከተማ ካካሄደ ወዲህ ለመጀመርያ ጊዜ፣ ሐሙስ መስከረም 10 ቀን 2011 ዓ.ም. ግንፍሌ አካባቢ በሚገኘው ዋና ጽሕፈት ቤቱ በሰጠው ጋዜጣዊ መግለጫ ነው፡፡

    በዚህም መሠረት መንግሥት የዜጎችን ሰላምና ደኅንነት የማስጠበቅ ግዴታውን በአግባቡ እንዲወጣ፣ ተጎጂዎችና ተፈናቃዮችን በፍጥነት መልሶ እንዲያቋቁም አብን በመግለጫው ጠይቋል፡፡

    ከዚህ በተጨማሪም ድርጅቱ የአማራ ሕዝብ የህልውና ጥያቄዎችን በአስቸኳይ ምላሽ እንዲሰጥ፣ ‹‹ከዕርቅ በፊት እውነቱን የማጥራት ሥራ እንዲሠራ በዘር ማጥፋት፣ ጅምላ ጭፍጨፋ፣ አገር ማፍረስና ከፍተኛ የዘረፋ ወንጀሎች ላይ የተሳተፉ አካላትን ለሕግ እንዲያቀርብ፣ ተጎጂዎችንም በመንግሥት ደረጃ ይቅርታ እንዲጠይቅና የልማት ካሳ እንዲከፍል፤›› በማለት መንግሥትን ጠይቋል፡፡

    በተያያዘ ዜና አብን ለብሔራዊ ምርጫ ቦርድ የፓርቲነት ምዝገባና ዕውቅና ጥያቄ ማቅረቡን፣ የፓርቲው ምክትል ሊቀመንበር አቶ በለጠ ሞላ አስታውቀዋል፡፡

    ንቅናቄው የመሥራች አባላት ፊርማ፣ የመተዳደሪያ ደንብና ሌሎች አስፈላጊ የፓርቲ መመሥረቻ ሰነዶችን ለቦርዱ አቅርቦ ምላሽ እየጠበቀ እንደሆነና ሕጋዊ የፓርቲነት ዕውቅናውን በአጭር ጊዜ ውስጥ እንደሚያገኝ ተስፋቸውን ገልጸዋል፡፡

    የአማራን ሕዝባዊና ግዛታዊ አንድነትና ኢ ተነጣጣይነት መብትን ማስከበር፣ አማራ ለአገር ልማት ባበረከተው አስተዋፅኦና በመልማት ፀጋው ልክ የሚኖረውን ተጠቃሚነት ማረጋገጥ፣ በተለያዩ የአገሪቱ አካባቢዎች የሚኖሩ አማራዎች ማንነታቸውን የማበልፀግ፣ የፖለቲካ ውክልና የማግኘትና ራስን በራስ የማስተዳደር መብታቸውን ማስከበር፣ የአማራ ሕዝብ ፍላጎት ያልተካተተበትና ያለ አማራው ተሳትፎ የተዘጋጀውና አማራውን በጨቋኝነት የሚወነጅለው ሕገ መንግሥት እንዲሻሻል ወይም እንዲቀየርና አማራ እስካሁን ለደረሰበት ግፍና ዘር ማጥፋት በመንግሥት ደረጃ ይቅርታ እንዲጠየቅና ተመጣጣኝ የልማት ካሳ እንዲያገኝ ማድረግ፣ አብን በዋነኝነት የሚታገልላቸው ዓላማዎች እንደሆኑ አስታውቋል፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በኢትዮጵያ ላይ የቀጠለው የምዕራባውያን ጣልቃ ገብነት

    ምዕራባውያን አገሮች በኢትዮጵያ ላይ ጠንካራ ጫና ማሳደራቸውን ቀጥለዋል፡፡ በዲፕሎማሲም...

    የመንግሥት ዩኒቨርሲቲዎች የድጎማ በጀት ለፖለቲካ ሥራ ማስፈጸሚያ እንደሚውል የሚያሳይ ሪፖርት ቀረበ

    ለመንግሥት ዩኒቨርሲቲዎች የሚደረግ የበጀት ድጎማ ከመደበኛው ሥራ ይልቅ ከዋናው...

    መንግሥት የሥራ ግብር ምጣኔን እንዲቀንስ ተጠየቀ

    የኢትዮጵያ ሠራተኛ ማኅበራት ኮንፌዴሬሽን (ኢሠማኮ) መንግሥት የሠራተኛውን የኑሮ ጫና...

    የአዲስ አበባ ንግድና ዘርፍ ማኅበራት ምክር ቤት የአመራሮች ምርጫና ቀጣይ ዕቅዶቹ

    የአዲስ አበባ ንግድና ዘርፍ ማኅበራት ምክር ቤት ሲጠበቅ የነበረውን...