Monday, December 5, 2022
ሌሎች ዓምዶች
    - Advertisement -
    - Advertisement -
    ማኅበራዊትምህርት ቢሮው የመምህራን ጥቅማ ጥቅሞችን ለማስጠበቅ እንደሚሠራ አስታወቀ

    ትምህርት ቢሮው የመምህራን ጥቅማ ጥቅሞችን ለማስጠበቅ እንደሚሠራ አስታወቀ

    ቀን:

    የአዲስ አበባ ትምህርት ቢሮ ለመምህራን ፍልሰት ምክንያት ከሆኑትና በመምህሩ ሲጠየቁ ከከረሙት አንዱ የሆነውን የመምህራን ጥቅማ ጥቅም መጓደል ዘንድሮ ለማሟላት ተጠናክሮ እንደሚሠራ አስታውቋል፡፡

    የቢሮው ኃላፊ ታቦር ገብረመድኅን (ዶ/ር) የዘንድሮ ትምህርት መጀመርን አስመልክተው ሰሞኑን በሰጡት መግለጫ፣ መምህራን ከደመወዝ፣ ከመኖሪያ ቤትና ጥቅማ ጥቅም ጋር በተያያዘ ጥያቄዎች የሚያነሱ መሆኑን በማውሳትም ደመወዙ የሚሻሻልበትና ጥቅማ ጥቅሙ የሚከበርበት እየተጠና መሆኑንና የቤት ጥያቄን በሚመለከት ከ15 ሺሕ መምህራን በላይ ተመዝግበው አምስት ሺሕ ያህሉ ማግኘታቸውን ተናግረዋል፡፡

    ለቤት የተመዘገቡትን በዘንድሮው ዓመት በተቻለ መጠን ለመስጠት እንደሚሠራ፣ ቤት ደርሷቸው ሥራ የለቀቁትንና ቤት እያላቸው የተመዘገቡትን ደግሞ መምህሩና ኅብረተሰቡ ትግል አድርጎ የማጥራቱን ሥራ እንዲያግዝ ጠይቀዋል፡፡

    ‹‹በኛ በኩል የመምህራንን ጥያቄ ለመመለስ ጥረት እናደርጋለን፡፡ ከአስተዳደሩ ጋር ተነጋግረናል፤›› በማለትም፣ መምህራንም የሚያስተምሯቸውን ልጆች ብቁ አድርገው እንዲያመጡ ኃላፊነት ተጥሎባቸዋል ብለዋል፡፡

    ቢሮው ለመምህራን ጥቅማ ጥቅምን ከማስጠበቅ ባለፈም ለተማሪዎች ሥነ ምግባር መጓደል እንደ ምክንያት የሚነሱ ትምህርት አዋኪ ጉዳዮችን ለማስወገድ እንደሚሠራም ተናግረዋል፡፡

    የአፋን ኦሮሞ ትምህርት ቤቶች በኦሮሚያ ክልል በጀት በአዲስ አበባ የተገነቡ ሲሆን፣ ቢሮው ዓምና ተረክቧቸዋል፡፡ በትምህርት ቤቶቹ ከአምስት ሺሕ በላይ ተማሪዎች አሉ፡፡ እነዚህ ትምህርት ቤቶች ከተጀመሩ በኋላ በአፋን ኦሮሞ ለመማር ፍላጎት እየታየና ጥያቄ እየቀረበ በመሆኑ በ2011 የትምህርት ዘመን በሁሉም የመንግሥት ትምህርት ቤቶች ተማሪዎች በአፋን ኦሮሞም አማርኛም በመረጡት ቋንቋ የሚማሩበት ሥርዓት እየተዘረጋ ነው ብለዋል፡፡

    የትምህርት ሽፋን ጥሩ ጥራቱ ግን ተጓድሏል እየተባለ ቢነገርም፣ ሽፋኑም ቢሆን ሁሉን ያካተተ አይደለም ያሉት ዶ/ር ታቦር፣ ትምህርት ያላገኙትን ወደ ትምህርት እንዲመጡ እንደሚሠራም ሳይናገሩ አላለፉም፡፡ የትምህርት ጥራቱን ለማስጠበቅም ወላጆችና ሚዲያው አስተዋጽኦም ማድረግ ይጠበቅባቸዋል ብለዋል፡፡

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    ዳግም ነፍስ የዘራው የተማሪዎች ማርች ባንድ

    የሙያው ፍቅር ያደረባቸው ገና በልጅነታቸው ነው፡፡ በ1970ዎቹ መጀመርያ፣ ለቀለም...

    በስንደዶና ሰበዝ የተቃኘው ጥበብ

    በአንዋር አባቢ ተወልዳ ያደገችው መሀል አዲስ አበባ አራት ኪሎ ነው፡፡...

    አዲስ ጥረት የሚጠይቀው  ኤችአይቪ  ኤድስን  የመግታት  ንቅናቄ

    ‹‹ኤችአይቪ በመላው ዓለም  በሚሊዮን የሚቆጠሩ ሰዎችን የሚያጠቃ ዋነኛ የሕዝብ...

    የኅትመት ብርሃን ያየው ‹‹የቃቄ ወርድዎት›› ቴአትር

    ከአራት ዓመታት በፊት በኢትዮጵያ ብሔራዊ ቴአትር መድረክ ላይ ይታይ...