Monday, April 15, 2024
- Advertisement -
- Advertisement -
ዜና‹‹በኢትዮጵያ እየተከናወነ ያለውን የፖለቲካና የኢኮኖሚ ለውጥ ለመደገፍ ዝግጁ ነን›› የጣሊያን ጠቅላይ ሚኒስትር...

‹‹በኢትዮጵያ እየተከናወነ ያለውን የፖለቲካና የኢኮኖሚ ለውጥ ለመደገፍ ዝግጁ ነን›› የጣሊያን ጠቅላይ ሚኒስትር ጁሴፔ ኮንቴ

ቀን:

ሐሙስ ጥቅምት 1 ቀን 2011 ዓ.ም. ለሰባት ቀናት የሥራ ጉብኝት ኢትዮጵያ መጥተው የነበሩት የጣሊያን ጠቅላይ ሚኒስትር ጁሴፔ ኮንቴ፣ በኢትዮጵያ እየተከናወነ ላለው የፖለቲካና የኢኮኖሚ ለውጥ ያላቸውን አድናቆት በመግለጽ፣ መንግሥታቸው ድጋፍ ለማድረግ ዝግጁ መሆኑን አስታወቁ፡፡

ጣሊያን ከኢትዮጵያ ጋር ታሪካዊና ሁለገብ ግንኙነት እንዳላት የተናገሩት ጠቅላይ ሚኒስትር ኮንቴ፣ ግንኙነቱን የበለጠ በማጠናከር በትብብር ለመሥራት ከጠቅላይ ሚኒስትር ዓብይ አህመድ (ዶ/ር) ጋር መግባባት ላይ መድረሳቸውን ተናግረዋል፡፡

በጠቅላይ ሚኒስትር ዓብይ መንግሥት በመከናወን ላይ ያለውን የፖለቲካና የኢኮኖሚ ማሻሻያና ለውጥ፣ መንግሥታቸው ድጋፍ እንደሚያበርክትለት አስታውቀዋል፡፡ ለዚህም የጣሊያን ኢንቨስተሮች በኢትዮጵያና በአፍሪካ ቀንድ እየታየ ባለው የሰላም ዕድል ቀዳሚ ተጠቃሚ እንዲሆኑ ጥሪ አድርገዋል፡፡

- Advertisement -

Video from Enat Bank Youtube Channel.

በኢትዮጵያና በኤርትራ መካከል የተደረሰውን የሰላም ስምምነት በተመለከተም፣ ለዓመታት የዘለቀው ጦርነትነና ጥላቻ ተወግዶ አዲስ የሰላም ምዕራፍ ለአካባቢው መረጋጋት ጠቃሚ በመሆኑ አገራቸው ድጋፍ ለማድረግ ዝግጁ ናት ብለዋል፡፡

ኢትዮጵያና ጣሊያን ስደተኞችን በተመለከተ የተወያዩ ሲሆን፣ በስደተኞች ሳቢያ እየደረሰ ያለውን ጫና ለመጋራት ሐሳብ መለዋወጣቸው ታውቋል፡፡ በስደተኞች ምክንያት ከፍተኛ ችግር ውስጥ የገባቸው ጣሊያን፣ ኢትዮጵያ ከፍተኛ ቁጥር ያላቸው ስደተኞችን የምታስተናግድ አገር በመሆኗ ጠቅላይ ሚኒስትር ኮንቴ ምሥጋና ማቅረባቸው ታውቋል፡፡ ከአንድ ሚሊዮን በላይ ስደተኞችን ያስጠለለችው ኢትዮጵያ ከአዲሷ ወዳጅ ኤርትራ ጋር በመሆን፣ ወደ ጣሊያን የሚሰደዱ ሰዎችን በመግታት እንድታግዝ የጣሊያን ፍላጎት እንደሆነ ይነገራል፡፡ በዚህ ምክንያት ጣሊያን ሁለቱን አገሮች ከመቼውም ጊዜ በላይ መቅረብ ትፈልጋለች ተብሏል፡፡

ለጠቅላይ ሚኒስትር ኮንቴ ክብር በብሔራዊ ቤተ መንግሥት የእራት ግብዣ ያደረጉት ጠቅላይ ሚኒስትር ዓብይ፣ ከአቻቸው ጋር ውጤታማ ውይይት ከተደረገ በኋላ በመሠረተ ልማት፣ በንግድና በኢንቨስትመንት ትብብር ለማድረግ ስምምነት ላይ መደረሱን አስታውቀዋል፡፡ ሁለቱም አገሮች በበርካታ ጉዳዮች ላይ ተባብረው መሥራት እንዳለባቸው መግባባታቸውንም አክለዋል፡፡

ጣሊያን የከተሞችን የንፁህ ውኃ አቅርቦትና የቆሻሻ አወጋገድ ለማገዝ ለኢትዮጵያ 538 ሚሊዮን ብር ብድርና 158 ሚሊዮን ብር ዕርዳታ፣ በአጠቃላይ 696 ሚሊዮን ብር ለመስጠት ስምምነት ተፈርሟል፡፡

እ.ኤ.አ. ከጁላይ 1 ቀን 2018 ጀምሮ 58ኛው የጣሊያን ጠቅላይ ሚኒስትር በመሆን ሥራ የጀመሩት ጁሴፔ ኮንቴ፣ ዓርብ ጥቅምት 2 ቀን 2011 ዓ.ም. ረፋድ ወደ ኤርትራ ሲያቀኑ በቦሌ ዓለም አቀፍ ኤርፖርት ጠቅላይ ሚኒስትር ዓብይ አህመድ (ዶ/ር) አሸኛኘት አድርገውላቸዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ቪር ጀነራል ትሬዲንግ ኃ/የተ/የግ/ማኀበር የጨረታ ማስታወቂያ

ቪር ጀነራል ትሬዲንግ ኃ/የተ/የግ/ማኀበር በገቢ እና በውጭ ንግድ እንዲሁም...

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...