Monday, February 6, 2023
- Advertisement -
- Advertisement -
ስፖርትየኦሊምፒክ ቡድኑ ካለፈው የበለጠ ውጤት ማምጣት አልቻለም

የኦሊምፒክ ቡድኑ ካለፈው የበለጠ ውጤት ማምጣት አልቻለም

ቀን:

በቦነስ አይረስ የወጣቶች ኦሊምፒክ ጨዋታዎች በአትሌቲክስና በብስክሌት እየተከፈለች ያለችው ኢትዮጵያ በአትሌቲክሱ ካለፈው ኦሊምፒክ የበለጠ ውጤት ማስመዝገብ አልቻለም፡፡

ኦሊምፒኩ በተለያዩ ስፖርቶች የተከፈተው መስከረም 26 ቀን 2011 ዓ.ም. ቢሆንም የአትሌቲክሱ ውድድር የተጀመረው ጥቅምት 1 ቀን ነው፡፡ እስከ ጥቅምት 6 ቀን በሚቆየው ውድድር በዘጠኝ አትሌቶች የተወከለው የኢትዮጵያ ቡድን ይኼ ዘገባ እስከ ተጠናቀረበት ማክሰኞ ምሽት ሁለት ወርቅ፣ ሁለት ብር፣ አራት ነሐስ በድምሩ ስምንት ሜዳሊያዎች አግኝቷል፡፡

በኦሊምፒኩ አብርሃም ስሜ 2,000 ሜትር መሰናክል፣ እንዲሁም ጣሰው ያዳና በ800 ሜትር የወርቅ ሜዳሊያን በአንደኝነት ሲያጠልቁ፤ በሴቶች 2,000 ሜትር መሰናክል መቅደስ አበበና በ3,000 ሜትር ወንዶች በሪሁ አረጋዊ ሁለቱም 2 በመውጣትብር ሜዳሊያ አግኝተዋል፡፡

 አራቱን የነሐስ ሜዳሊያዎች ያገኙት በወንዶች 1,500 ሜትር መለሰ ንብረት፣ 1,500 ሜትር ሴቶችምለምይሉ፣ 800 ሜትር ሴቶች ሒሩት መሸሻና በሴቶች 3,000 ሜትር አበራሽ ምንስዎ ናቸው፡፡

ከኢትዮጵያ ኦሊምፒክ ኮሚቴ የተገኘው መረጃ እንደሚጠቁመው፣ በብስክሌት ውድድር የተካፈሉት ዛይድ ሀፍቱና ጻድቃን ገብረኪዳን ባደረጉት 7 . የሴቶች የብስክሌት የቡድን የሰዓት ሙከራ ውድድር 17 ደረጃ በመያዝ አጠናቀዋል፡፡ ተከታትለው በመግባት ያሸነፉት ዴንማርክ፣ ፖላንድና ጣሊያን ናቸው፡፡

ኢትዮጵያ ከአራት ዓመት በፊት በቻይና ናንጂንግ የ2014 ኦሊምፒክ 3 ወርቅ፣ 3 ብርና 2 ነሐስ በድምሩ 8 ሜዳሊያ በማግኘት በ16ኛ ደረጃ ስታጠናቅቅ፤ ከስምንት ዓመት በፊት በተካሄደው የመጀመርያው የሲንጋፖር የ2010 ኦሊምፒክ 2 ወርቅና 3 ብር በድምሩ 5 ሜዳሊያ በማግኘት በ22ኛነት ማጠናቀቋ ይታወሳል፡፡ በዘንድሮው የቦነስ አይረስ ኦሊምፒክ የማክሰኞ ምሽትን ውጤት ሳይጨምር በ2 ወርቅ፣ 2 ብርና 4 ነሐስ በድምሩ በ8 ሜዳሊያ 24ኛ ደረጃ ላይ ትገኛለች፡፡

 በአጠቃላይ ውጤት ሩሲያ በ24 ወርቅ፣ 16 ብርና 9 ነሐስ በድምር 49 ሜዳሊያ ስትመራ፣ ቻይና  በ16 ወርቅ፣ 7 ብርና 9 ነሐስ በድምሩ በ32 ሜዳሊያ ስትከተል፣ ጃፓን በ13 ወርቅ፣ 7 ብርና 12 ነሐስ በድምሩ በ32 ሜዳሊያ ሦስተኛ ደረጃ ላይ ትገኛለች፡፡ ከአፍሪካ ኬንያና ደቡብ አፍሪካ በእኩል 3 ወርቅ፣ 1 ብርና 1 ነሐስ በድምር 5 ሜዳሊዎች 18ኛ ደረጃን ሲይዙ ግብፅ በ2 ወርቅ፣ 2 ብርና 5 ነሐስ በድምሩ በ9 ሜዳሊያ 23ኛ ደረጃን ይዛለች፡፡

የኦሊምፒክ ቡድኑ ካለፈው የበለጠ ውጤት ማምጣት አልቻለም

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ቤተክህነት ባቀረበችው የይግባኝ አቤቱታ ላይ ውሳኔ ለመስጠት ለዕሮብ ተቀጠረ

የኢትዮጵያ ኦሮቶዶክስ ተዋህዶ ቤተክርስቲያን ሀገወጥ ነው በተባለው አዲሱ ሲኖዶስና...

የኢትዮጵያ ኦርቶዶክስ ተዋሕዶ ቤተ ክርስቲያንና የመንግሥት ውዝግብ

የጠቅላይ ሚኒስትር ዓብይ አህመድ (ዶ/ር) መንግሥት ባለፉት አራት ዓመታት...

የኢትዮጵያ ካፒታል ገበያ ምሥረታ ዝግጅቶችና ከገበያው የሚጠበቁ ዕድሎች

ኢትዮጵያ ከ50 ዓመት በኋላ ዳግም የምታስጀምረውን የካፒታል ገበያ ዘመኑን...

አዲሱ የብሔራዊ ባንክ ገዥ ትኩረት የሚያደርጉባቸውን ቀዳሚ ጉዳዮች ይፋ አደረጉ

አዲሱ የኢትዮጵያ ብሔራዊ ባንክ ገዥ ትኩረት አድርገው የሚሠሩባቸውን ቀዳሚ...