Monday, June 24, 2024
- ማስታወቂያ -
- ማስታወቂያ -

የመንግሥትና የግሉ ዘርፍ አጋርነት ቦርድ 6.5 ቢሊዮን ዶላር የሚጠይቁ 17 የኃይል ማመንጫና የፍጥነት መንገዶች በአጋርነት እንዲገነቡ ወሰነ

spot_img

ተዛማጅ ፅሁፎች

በቅርቡ ሥራ የጀመረው የመንግሥትና የግሉ ዘርፍ አጋርነት ቦርድ፣ ከአምስት ቢሊዮን ዶላር በላይ የሚጠይቁና 3,000 ሜጋዋት በላይ የኤሌክትሪክ ኃይል የሚያመነጩ 14 ሜጋ ፕሮጀክቶችን ጨምሮ 1.1 ቢሊዮን ዶላር በላይ የሚወጣባቸው ሦስት የፍጥነት መንገዶች በጠቅላላው 6.5 ቢሊዮን ዶላር ወጪ በመንግሥትና በግሉ ዘርፍ አጋርነት እንዲገነቡ ወሰነ።

በገንዘብ ሚኒስቴር ሥር የመንግሥትና የግሉ ዘርፍ አጋርነት ዳይሬክቶሬት ጄነራል ጽሕፈት ቤት ዳይሬክተር ጄኔራል ተሾመ ታፈሰ (/) ለሪፖርተርና ለኢትዮጵያ ዜና አገልግሎት በሰጡት መግለጫ መሠረት፣ መንግሥት ከግሉ ዘርፍ በተለይም ከውጭ ኩባንያዎች ጋር በትብብር እንዲገነቡ በቦርድ ውሳኔ የተሰጠባቸው ሜጋ ፕሮጀክቶች አብዛኞቹ በውኃና በፀሐይ ኃይል የሚመነጭ የኤሌክትሪክ ኃይል ለማምረት የሚያስችሉ ናቸው። በተጨማሪም 357 ኪሎ ሜትር ርዝመት ያላቸው የፍጥነት መንገዶችም በመንግሥትና በግሉ ዘርፍ እንዲገነቡ መወሰኑን ተሾመ (/) አስታውቀዋል።

በአጋርነት እንዲገነቡ ውሳኔ ከተሰጠባቸው የኃይል ማመንጫ ፕሮጀክቶች መካከል የገናሌ ዳዋ ቁጥር 5 እና 6 ጨሞጋ የዳ 1 እና 2 ሐለሌ ዋራ ቤሳና ዳቡስ የተሰኙት የኃይድሮ ኃይል ፕሮጀክቶች ይጠቀሳሉ። በፀሐይ ኃይል ረገድ እያንዳንዳቸው 100 ሜጋ ዋት ኃይል በመቀሌና በሑመራ የሚያመነጩ ሁለት ፕሮጀክቶችን ጨምሮ በአፋር፣ በድሬዳዋ፣ በሶማሌ፣ በኦሮሚያ፣ በአማራና በትግራይ ውስጥ የሚገነቡ ማመንጫዎች፣ ማሰራጫዎችና የኃይል ማስተላለፊያ ሰብስቴሽኖች ሥራ እንደሚካሄድ ይጠበቃል።

በአዋጅ የተቋቋመው የግልና የመንግሥት አጋርነት ቦርድ፣ በሰባት ሚኒስቴሮችና ከኢትዮጵያ ንግድና ዘርፍ ማኅበራት ምክር ቤት በተወከሉ ሁለት አባላት እንዲሁም በመንግሥትናግሉ ዘርፍ ዳይሬክቶሬት ጄነራል ኃላፊ ውክልና የሚመራ ነው።

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች