Monday, November 28, 2022
ሌሎች ዓምዶች
    - Advertisement -
    - Advertisement -
    ማኅበራዊየከፍተኛ ትምህርት አግባብነትና ጥራት ኤጀንሲ በሕገወጥ ተቋማት መቸገሩን ገለጸ

    የከፍተኛ ትምህርት አግባብነትና ጥራት ኤጀንሲ በሕገወጥ ተቋማት መቸገሩን ገለጸ

    ቀን:

    የከፍተኛ ትምህርት አግባብነትና ጥራት ኤጀንሲ በሕገወጥ መንገድ በሚንቀሳቀሱ የግል ከፍተኛ የትምህርት ተቋማት መቸገሩን ለሪፖርተር አስታወቀ፡፡

    የከፍተኛ ትምህርት አግባብነትና ጥራት ኤጀንሲ ዋና ዳይሬክተር ዶ/ር ተስፋዬ ሙህዬ ለሪፖርተር እንደገለጹት፣ ተቋማቱ እየፈጸሙ ያለው የሕግ ጥሰት የከፋ ሊባል የሚችል ደረጃ ላይ ደርሷል፡፡

    ያለ ዕውቅና ፍቃድ መንቀሳቀስ፣ የቅበላ መስፈርትን አለሟሟላት፣ ከደረጃቸው ውጭ ማለትም ኮሌጅ ሆነው ሳለ ዩኒቨርሲቲ በማለት ተማሪዎች መቀበል፣ ግብዓት አለሟሟላት፣ ለኤጀንሲው ሳያሳውቁ ቦታ መቀያየርና ከተፈቀደላቸው ተማሪ ቁጥር በላይ መቀበል ኤጀንሲው ተቸግሬባቸዋለሁ ካላቸው ጉዳዮች ዋነኞቹ ናቸው፡፡

    ችግሩ በሁሉም ዘርፍ ትምህርት በሚሰጡ የግል ከፍተኛ የትምህርት ተቋማት የታየ ቢሆንም፣ በተለይም የሕክምና ትምህርት በሚሰጡ የጐላ እንደሆነ ዳይሬክተሩ ያስረዳሉ፡፡ እሳቸው እንዳሉት እነዚህ ተቋማት ሲኦሲ ወስደው ያለፉ ተማሪዎችን መቀበል ሲኖርባቸው ፈተናውን ያልወሰዱ ተማሪዎችን ተቀብለው በማስተማር እያስመረቁ ነው፡፡ እነዚህ ተማሪዎች ደግሞ ተመርቀው የሥራ ፈቃድ ለማግኘት ወደ ኤጀንሲው የሚሄዱ ሲሆን፣ ኤጀንሲውም በዚህ እየተቸገረ መሆኑ ተጠቁሟል፡፡ በሌሎችም ዘርፎች ሲኦሲ ያልወሰዱ ተማሪዎችን ተቀብለው እንደሚያሠለጥኑ አመልክተዋል፡፡

    ኤጀንሲው በየጊዜው ጥፋት ፈጽመዋል የሚላቸው የግል ከፍተኛ የትምህርት ተቋማት ላይ ዕርምጃ የሚወስድ ቢሆንም፣ ችግሮቹ ካለፉት ጊዜያት እየተደራረቡ የመጡ በመሆናቸው የሚወሰዱት ዕርምጃዎች ችግሮቹን የሚፈቱ እንዳልሆኑ ዳይሬክተሩ ይገልጻሉ፡፡

    በከተማም በገጠርም በአጠቃላይ በአገሪቱ በሚንቀሳቀሱ የግል ከፍተኛ የትምህርት ተቋማት ችግሩ መኖሩን የሚያረጋግጡት ዳይሬክተሩ፣ እነዚህን ተቋማት ለመቆጣጠር ያስችላል የተባለውና በኤጀንሲው በመዘጋጀት ላይ ያለው መመርያ መዘግየቱን ያምናሉ፡፡ የከፍተኛ ትምህርት ተቋማት አዋጅን ያስፈጽማል፣ ኤጀንሲውንም እነዚህን ተቋማት በሚገባ ለመቆጣጠር ያስችላል የተባለው መመርያ 2008 ዓ.ም. መጀመሪያ ላይ ይወጣል ተብሎ ተጠብቆ ነበር፡፡

    ችግሩ እየተደራረበና እየከፋ በሄደበት ሁኔታ መመርያው ለምን ዘገየ በሚል ለቀረበላቸው ጥያቄ ዳይሬክተሩ ሲመልሱ፣ ‹‹እውነት ነው መመርያው ዘግይቷል፡፡ ይህ የሆነው በሥራ መደራረብ ነው፤›› ብለዋል፡፡ አሁንም ግን መመርያው በዚህ ጊዜ ተግባራዊ ይሆናል ማለት እንደማይቻል ዳይሬክተሩ ገልጸዋል፡፡

    ኤጀንሲው ከዚህ ቀደም የተለያዩ ጥፋቶችን ባጠፉ፣ ተመሳሳይና ተደጋጋሚ ጥፋት ባጠፉ፣ ከባድ ጥፋት ባጠፉ ከፍተኛ የትምህርት ተቋማት ላይ ዕርምጃ ሲወስድ፣ ተቋማቱ ስለ ዕርምጃው ተገቢነት በየጊዜው ቅሬታ እንደሚያሰሙ ሪፖርተር ከኤጀንሲው ያገኘው መረጃ ያመለክታል፡፡ የመመርያው መውጣት ግን ኤጀንሲው ወጥ የሆነ ዕርምጃ መውሰድ እንዲችል፤ ተቋማቱ በምን ዓይነት ጥፋት ምን ዓይነት ዕርምጃ እንደሚወስድባቸው ቀድመው እንዲያውቁ እንደሚያደርግ ዶ/ር ተስፋዬ ገልጸዋል፡፡

    በርቀት ትምህርት ደግሞ ፍቃድ ባላገኙበት አካባቢ ያለኤጀንሲው ዕውቅና በሚንቀሳቀሱ የመንግሥትም የግልም ከፍተኛ የትምህርት ተቋማት መቸገሩን ኤጀንሲው ከወራት በፊት አሳውቆ ነበር፡፡ የመንግሥት ከፍተኛ የትምህርት ተቋማትም ካሉበት አካባቢና ከዙሪያቸው ውጭ የርቀት ትምህርት አገልግሎት እንዳይሰጡ ኤጀንሲው ማገዱን መዘገባችን ይታወሳል፡፡

    የከፍተኛ ትምህርት አዋጅ ቁጥር 650/2001ን ለማሻሻል እንቅስቃሴዎች መጀመራቸውንም ዶ/ር ተስፋዬ ገለጻ ለመረዳት ተችሏል፡፡

     

     

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በችግር የተተበተበው የሲሚንቶ አቅርቦት

    ሲሚንቶን እንደ ግብዓት ተጠቅሞ ቤት ማደስ፣ መገንባት፣ የመቃብር ሐውልት...

    ‹‹የናይል ዓባይ መንፈስ›› በሜልቦርን

    አውስትራሊያ ስሟ ሲነሳ ቀድሞ የሚመጣው በተለይ በቀደመው ዘመን የባህር...

    ‹‹ልብሴን ለእህቴ››

    ለሰው ልጅ መኖር መሠረታዊ ፍላጎት ተብለው ከተዘረዘሩት ውስጥ ልብስ...

    የአዲስ አበባ ትምህርት ቤቶች የምርመራ ውጤት እስከምን?

    በፍቅር አበበ የትምህርት ጥራትን፣ ውጤታማነትንና ሥነ ምግባርን ማረጋገጥ ዓላማ አድርጎ...