Tuesday, September 27, 2022
ሌሎች ዓምዶች
    - Advertisement -
    - Advertisement -
    ዜናየክስ መመሥረቻ የመጨረሻ ቀጠሮ የተጠየቀባቸው የቦምብ ፍንዳታ ተጠርጣሪ ላይ ተጨማሪ ጊዜ ተፈቀደ

    የክስ መመሥረቻ የመጨረሻ ቀጠሮ የተጠየቀባቸው የቦምብ ፍንዳታ ተጠርጣሪ ላይ ተጨማሪ ጊዜ ተፈቀደ

    ቀን:

    በሕጉ የተፈቀደው ክስ የመመሥረቻ ጊዜ ተጠናቋል

    የክስ መመሥረቻ የመጨረሻ ቀጠሮ የተጠየቀባቸው የብሔራዊ መረጃና ደኅንነት አገልግሎት ሹም የነበሩት አቶ ተስፋዬ ኡርጌ ላይ ተጨማሪ ምርመራ ተፈቀደ፡፡ በተጠረጠሩበት የወንጀል ድርጊት ፖሊስ ምርመራውን አጠናቆ ለከሳሽ ዓቃቤ ሕግ የምርመራ መዝገቡን በማስረከቡ፣ የፌዴራል የመጀመርያ ደረጃ ፍርድ ቤት ልደታ ምድብ አንደኛ ወንጀል ችሎት ዓቃቤ ሕግ በሰኔ 16 ቀን 2010 ዓ.ም. ቦምብ ፍንዳታ ተጠርጣሪው አቶ ተስፋዬ ኡርጌ ላይ በ15 ቀናት ውስጥ ክስ መሥርቶ እንዲቀርብ ትዕዛዝ ሰጥቶ ነበር፡፡

    ነገር ግን ዓቃቤ ሕግ ክሱን ሳይመሠርት በመቅረብ፣ ‹‹ጊዜው ሊበቃኝ ስላልቻለ ተጨማሪ 12 ቀናት ይፈቀድልኝ፤›› በማለት ማክሰኞ ጥቅምት 27 ቀን 2011 ዓ.ም. ፍርድ ቤቱን ጠይቆ አሥር ተጨማሪ ቀናት ተፈቅዶለታል፡፡

    የኢፌዴሪ የወንጀለኛ መቅጫ ሥነ ሥርዓት ሕግ ቁጥር 109 ድንጋጌ፣ ‹‹ዓቃቤ ሕጉ የፖሊስ ምርመራ መዝገብ በደረሰው በ15 ቀናት ውስጥ፣ በምርመራው መሠረት የሚገባ የመሰለውን ክስ አዘጋጅቶ ሥልጣን ላለው ፍርድ ቤት ያቀርባል፤›› ቢልም፣ ዓቃቤ ሕግ ግን የጊዜ ቀጠሮ ፍርድ ቤት (የቀዳሚ ምርመራ ፍርድ ቤት) በሰጠው 15 ቀናት ውስጥ ክሱን መሥርቶ አልቀረበም፡፡

    የብሔራዊ መረጃና ደኅንነት መሥሪያ ቤት ባልደረባ የነበሩት አቶ ተስፋዬ፣ ለጠቅላይ ሚኒስትር ዓብይ አህመድ (ዶ/ር) ሰኔ 16 ቀን 2010 ዓ.ም. በመስቀል አደባባይ በተደረገ የድጋፍ ሠልፍ ላይ ከተወረወረ ቦምብ ጋር በተያያዘ ተጠርጥረው፣ 131 ቀናት (ከአራት ወራት በላይ) ታስረው ይገኛሉ፡፡ ተጠርጣሪው ማክሰኞ ጥቅምት 27 ቀን 2011 ዓ.ም. ፍርድ ቤት የቀረቡት ከረፋዱ አምስት ሰዓት በኋላ ቢሆንም፣ ጉዳያቸው በዳኛ ጽሕፈት ቤት ጋዜጠኞች ሳይገቡ ታይቷል፡፡

    የፍርድ ቤቱ ዳኛ በጋዜጠኞች ተጠይቀው ዓቃቤ ሕግ የምርመራውን ስፋትና የማስረጃዎችን ብዛት በመጥቀስ፣ በተሰጠው ጊዜ ውስጥ ክስ መሥርቶ መቅረብ እንዳልቻለ በመግለጽ፣ ተጨማሪ 12 ቀናት እንዲፈቀድለት መጠየቁን አስረድተዋል፡፡ አቶ ተስፋዬ የዓቃቤ ሕግን ጥያቄን መቃወማቸውንና ለመጨረሻ ጊዜ ክስ መሥርቶ እንዲቀርብ ትዕዛዝ መስጠቱን በማስታወስ፣ ዓቃቤ ሕግ እየጠየቀ ያለው ጊዜ የበዛ መሆኑን እንዳመለከቱ ዳኛው ለጋዜጠኞች አስረድተዋል፡፡

    የወንጀለኛ መቅጫ ሥነ ሥርዓቱ ከሚፈቅደው በላይ የክስ መመሥረቻ ጊዜ መፍቀዱ ተገቢ ስለመሆኑ የተጠየቁት ዳኛው፣ ‹‹በዚህ ጉዳይ ላይ ማብራሪያ አልሰጥም፤›› ብለዋል፡፡ በመሆኑም ዓቃቤ ሕግ ከጠየቀው ተጨማሪ ቀናት ውስጥ አሥር ቀናት በመፍቀድ ለኅዳር 7 ቀን 2011 ዓ.ም. ቀጠሮ መሰጠቱን አስታውቀዋል፡፡    

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በኢትዮጵያ ላይ የቀጠለው የምዕራባውያን ጣልቃ ገብነት

    ምዕራባውያን አገሮች በኢትዮጵያ ላይ ጠንካራ ጫና ማሳደራቸውን ቀጥለዋል፡፡ በዲፕሎማሲም...

    የመንግሥት ዩኒቨርሲቲዎች የድጎማ በጀት ለፖለቲካ ሥራ ማስፈጸሚያ እንደሚውል የሚያሳይ ሪፖርት ቀረበ

    ለመንግሥት ዩኒቨርሲቲዎች የሚደረግ የበጀት ድጎማ ከመደበኛው ሥራ ይልቅ ከዋናው...

    መንግሥት የሥራ ግብር ምጣኔን እንዲቀንስ ተጠየቀ

    የኢትዮጵያ ሠራተኛ ማኅበራት ኮንፌዴሬሽን (ኢሠማኮ) መንግሥት የሠራተኛውን የኑሮ ጫና...

    የአዲስ አበባ ንግድና ዘርፍ ማኅበራት ምክር ቤት የአመራሮች ምርጫና ቀጣይ ዕቅዶቹ

    የአዲስ አበባ ንግድና ዘርፍ ማኅበራት ምክር ቤት ሲጠበቅ የነበረውን...