Wednesday, December 7, 2022
ሌሎች ዓምዶች
    - ማስታወቂያ -
    - ማስታወቂያ -

    በ50 ቢሊዮን ብር የሚገነባው የለገሃር ፕሮጀክት ይፋ ሆነ

    - ማስታወቂያ -

    ተዛማጅ ፅሁፎች

    ጠቅላይ ሚኒስትር ዓብይ አህመድን (ዶ/ር) ጨምሮ የፌዴራልና የአዲስ አበባ ከተማ አስተዳደር ከፍተኛ ባለሥልጣናት በተገኙበት፣ በ50 ቢሊዮን ብር የሚገነባው የለገሃር ፕሮጀክት ይፋ ሆነ፡፡

    በዚህ ግዙፍ ፕሮጀክት የአዲስ አበባ ከተማ አስተዳደር 27 በመቶ ድርሻ አለው ተብሏል፡፡

    ጠቅላይ ሚኒስትሩ ተቀማጭነቱ በተባበሩት ዓረብ ኤምሬትስ በዱባይ ከተማ የሆነው ኤግል ሒልስ የሚያከናውነውን ግዙፍ ፕሮጀክት የበላይ ጠባቂ ሲሆኑ፣ የአዲስ አበባ ከተማ አስተዳደር ምክትል ከንቲባ ታከለ ኡማ (ኢንጂነር) በየሳምንቱ የሥራ አፈጻጸሙን ይከታተላሉ ተብሏል፡፡

    የአዲስ አበባ ከተማ አስተዳደር ለዚህ ፕሮጀክት ግንባታ የሚሆን 36 ሔክታር (360 ሺሕ ካሬ ሜትር) መሬት፣ በቂርቆስ ክፍለ ከተማ ለገሃር ባቡር ጣቢያንና ዙሪያውን አቅርቧል፡፡

    ጠቅላይ ሚኒስትር ዓብይ ፕሮጀክቱ ሰኞ ኅዳር 10 ቀን 2011 ዓ.ም. አመሻሽ ይፋ በሆነበት ወቅት እንደተናገሩት፣ ፕሮጀክቱ የአካባቢውን 1,600 አባወራዎች ሳያፈናቅል በ1.8 ቢሊዮን ብር የተሻሉ መኖሪያ ቤቶች ይገነባላቸዋል፡፡ የለገሃር አካባቢ ታሪካዊ ይዘት እንደተጠበቀ ፕሮጀክቱ እንደሚከናወን ገልጸው፣ ወደፊት ተመሳሳይ ፕሮጀክቶች ይከናወናሉ ብለዋል፡፡

    ከተቋቋመ 22 ዓመታት ያስቆጠረው ኤግል ሒልስ በሳዑዲ ዓረቢያ፣ በቱርክ፣ በተባበሩት ዓረብ ኤምሬትስና በሌሎች አገሮች በርካታ ሥራዎችን ያከናወነ ኩባንያ መሆኑ ይነገራል፡፡

    የለገሃር የተቀናጀ ፕሮጀክት ግንባታ ከአራት ሺሕ በላይ የመኖሪያ አፓርትመንቶች፣ ሦስት ባለ ኮከብ ሆቴሎች፣ ደረጃቸውን የጠበቁ የገበያ ማዕከላት፣ አረንጓዴ ቦታዎች፣ የመዝናኛ ማዕከላትና የተለያዩ መሠረተ ልማቶችን እንደሚይዝ ታውቋል፡፡

    ጠቅላይ ሚኒስትሩ እንዳሉት፣ የገበያ ማዕከሉ ግንባታ በሦስት ዓመት፣ አጠቃላይ የፕሮጀክቱ ግንባታ ደግሞ ከአምስት እስከ ሰባት ዓመታት ይጠናቀቃል፡፡ የኤግል ሒልስ ሊቀመንበር መሐመድ አላባር ፕሮጀክቱ ይፋ በተደረገበት ወቅት እንደተናገሩት፣ ኩባንያቸው የ22 ዓመታት ልምዱን ተጠቅሞ አገርንና ሕዝብን የሚጠቅም ግንባታ ለማካሄድ ተዘጋጅቷል፡፡ ይህ ፕሮጀክት ለ25 ሺሕ ሰዎች የሥራ ዕድል ይፈጥራል ተብሏል፡፡

    spot_img
    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች