Monday, July 15, 2024
- Advertisement -
- Advertisement -
ዜና‹‹በኢትዮጵያ እየታዩ ላሉ ለውጦች በተቻለን መጠን ድጋፍ እናደርጋለን›› የአሜሪካ የውጭ ጉዳይ መሥሪያ...

‹‹በኢትዮጵያ እየታዩ ላሉ ለውጦች በተቻለን መጠን ድጋፍ እናደርጋለን›› የአሜሪካ የውጭ ጉዳይ መሥሪያ ቤት የአፍሪካ ጉዳዮች ረዳት ሚኒስትር

ቀን:

በኢትዮጵያ የቀድሞ የአሜሪካ አምባሳደርና አሁን የአሜሪካ የውጭ ጉዳይ መሥሪያ ቤት የአፍሪካ ጉዳዮች ረዳት ሚኒስትር ቲበር ናዥ የአፍሪካ ጉብኝታቸውን በኢትዮጵያ ሲጀምሩ ከጎበኟቸው ተቋማት አንዱ የሰላም ሚኒስቴር ነበር፡፡ ከሰላም ሚኒስትሯ ወ/ሮ ሙፈርያት ካሚል ጋርም ውይይት አድርገዋል፡፡

ረዳት ሚኒስትሩ ከወ/ሮ ሙፈርያት ጋር ከነበራቸው ቆይታ በኋላ ከሪፖርተር ጋር ባደረጉት ቃለ ምልልስ፣ የሰላም ሚኒስቴርን የተለየ ባህርይ ያለውና እምብዛም የማይገኝ ዓይነት ተቋም መሆኑን በመግለጽ አወድሰዋል፡፡ በኢትዮጵያ እየተካሄዱ ላሉ ለውጦች መንግሥታቸው ድጋፍ እንደሚያደርግ አስታውቀዋል፡፡

‹‹ይህ መሥሪያ ቤት ልዩ ነው፡፡ እምብዛም የሚገኝ ዓይነትም አይደለም፡፡ የተለያዩ ተጠሪ መሥሪያ ቤቶችን በሥሩ እንዲያቅፍ መደረጉ እጅግ ጠቃሚ ነው፡፡ ምክንያቱም ከስሙ ጋር በቀጥታ የተገናኙ ናቸው፡፡ ይህም ከምንም በላይ ተፈላጊ ነው፤›› ብለዋል፡፡

ይህ የኢትዮጵያ ጉብኝታቸው የአሁን ሥልጣን ከያዙ ጀምሮ ለመጀመርያ ጊዜ ያደረጉት እንደሆነ የገለጹት ቲበር ናዥ፣ በኢትዮጵያ እየታዩ ያሉ ለውጦች መልካም መሆናቸውንና አሜሪካ ኢትዮጵያን በቀጣናው ብቻ ሳይሆን በአኅጉሪቱም ዋነኛ አጋር አድርጋ እንደምትመለከታት አስረድተዋል፡፡

‹‹እየታዩ ላሉት ለውጦች በተቻለን መጠን ድጋፍ ለማድረግ እንፈልጋለን፤›› ሲሉም ለሪፖርተር ተናግረዋል፡፡

የሰላም ሚኒስትሯ ወ/ሮ ሙፈርያት ሁለቱ አገሮች ሰላምን በማስጠበቅ ረገድ ትብብር ለማድረግና ለመተባበር መወያየታቸውን ለሪፖርተር አስረድተዋል፡፡

‹‹ሁለታችንም በኢትዮጵያም ሆነ በአፍሪካ ቀንድ ሰላምን ለማምጣትና ለማረጋገጥ እንፈልጋለን፡፡ ስለዚህም ግንኙነታችንን ለማጠናከርና በኢትዮጵያ ሰላምና ደኅንነትን ለማስፈን በጋራ ለመሥራት ተወያይተናል፤›› ብለዋል፡፡

ከውጭ ጉዳይ ሚኒስትር ወርቅነህ ገበየሁ (ዶ/ር) እና ከመከላከያ ሚኒስትሯ ወ/ሮ አይሻ መሐመድ ጋር ውይይት ያደረጉት ቲበር ናዥ በቀጣይ ወደ ኤርትራ፣ ኬንያና ጂቡቲ ያመራሉ፡፡ የአሜሪካ መከላከያ ሚኒስትር የአፍሪካ ዕዝ ወደሚገኝበት ጀርመን ስቱትጋርትም ያቀናሉ፡፡

በኤርትራና በኢትዮጵያ መካከል የተፈጠረውን ሰላም ያደነቁ ቢሆንም፣ ካሁን ቀደም በሰጡት አስተያየት በኤርትራ ላይ የተጣለውና ለአሥር ዓመታት የቆየውን ማዕቀብ ለማንሳት ጊዜው ገና ነው ብለው ነበር፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሚዲያው በሕዝብ የህሊና ችሎት ከተዳኘ በቂ ነው!

መሰንበቻውን ድንገት ሳይታሰብ ያለ ማስጠንቀቂያ ጠቅላይ ሚኒስትር ዓብይ አህመድ...

የባህር በር ጉዳይ

በታምሩ ወንድም አገኘሁ ድሮ ድሮ ገና ልጅ ሆኜ ፊደል እንደቆጠርኩ...

አገሩ ፖለቲካዊ ስክነትና መደማማጥ ያስፈልገዋል

በንጉሥ ወዳጀነው    ኢትዮጵያ የሁላችንም የጋራ ቤት ነች፡፡ ‹‹ጥያቄዬ ተመለሰልኝ››፣...

የመንግሥት የሰብዓዊ መብት ተቋም ለምን የመንግሥት ሚዲያን ማስተማር አቃተው

በገነት ዓለሙ የአገራችን የ2016 የበጀት ዓመት መሰናበቻና የአዲሱ የ2017 በጀት...