Tuesday, January 31, 2023
- Advertisement -
- Advertisement -
ዜናበከባድ የሙስና ወንጀል በተጠረጠሩት በቀድሞ የሪቬራ ሆቴል ባለቤት ላይ ተጨማሪ የምርመራ ጊዜ...

በከባድ የሙስና ወንጀል በተጠረጠሩት በቀድሞ የሪቬራ ሆቴል ባለቤት ላይ ተጨማሪ የምርመራ ጊዜ ተፈቀደ

ቀን:

የሪቬራ ሆቴልንና ፕላስቲክ ፋብሪካ ለብረታ ብረትና ኢንጂነሪንግ ኮርፖሬሽን (ሜቴክ) በተጋነነ ዋጋ በመሸጥና ከሜቴክ ኃላፊዎች ጋር በመመሳጠር፣ በሕዝብና በመንግሥት ላይ ከፍተኛ ጉዳት በማድረስ የሙስና ወንጀል ተጠርጥረው የታሰሩት የቀድሞ የሪቬራ ሆቴል ባለቤት አቶ ዓለም ፍፁም ላይ ተጨማሪ የምርመራ ጊዜ ተፈቀደ፡፡

የፌዴራል ፖሊስ ወንጀል መርማሪ ቡድን ጉዳዩን ለሚመረምረው የፌዴራል ከፍተኛ ፍርድ ቤት ልደታ ምድብ አሥረኛ ወንጀል ችሎት እንዳስረዳው፣ በተፈቀደለት የምርመራ ጊዜ አቶ ዓለም ለሜቴክ ከሸጧቸው ማሽነሪዎች ውስጥ 3,700,000 ብር ግምት ያላቸው ሁለት ማሽነሪዎች የማይሠሩ መሆናቸውን የሚያስረዱ ሰነዶች ሰብስቧል፡፡

ሜቴክን የሚመለከት የኦዲት ሥራም መከናወኑን የሚያሳይ ሰነድ መሰብሰቡን፣ የጠየቀው የግምት ሥራ እየተከናወነ መሆኑን ክትትል ማድረጉን ለፍርድ ቤቱ አስረድቷል፡፡ የሁለት ምስክሮችን ቃል መቀበሉንና የአቶ ዓለምን የተከሳሽነት ቃልም መቀበሉን ገልጿል፡፡

የኦዲት ማስተካከያ ሥራ እንደሚቀረው፣ በመንግሥትና በሕዝብ ላይ የደረሰውን ጉዳት በልዩ ባለሙያዎች ማስገመት፣ የኦዲተሮችና ባለሙያዎች የምስክርነት ቃል መቀበልና ከመንግሥታዊ ተቋማት የጠየቃቸውን ሰነዶች መሰብሰብ እንደሚቀረው በመግለጽ 14 ቀናት ተጨማሪ ጊዜ ጠይቋል፡፡

የተጠርጣሪው ጠበቆች የመርማሪውን ተጨማሪ የምርመራ ጊዜ ጥያቄ ተቃውመዋል፡፡ ኦዲት ካሠራ በኋላ ለማስተካከል በሚል ጊዜ ቀጠሮ መጠየቁ ተገቢ አለመሆኑን፣ ሠራሁ ብሎ ያስመዘገባቸውም ሥራዎች ቀደም ባሉ ክርክሮች ሲያቀርባቸው የነበሩ መሆናቸውን በመግለጽ ተቃውመዋል፡፡ ሰነዶች ከየትኞቹ የመንግሥት ተቋማት እንደሚሰበስብ መርማሪ ቡድኑ እንዲገልጽላቸው ጠበቆቹ ጠይቀው፣ ፍርድ ቤቱ በአብላጫ ድምፅ ተቋማቱን እንዲገልጽ ትዕዛዝ ሰጥቷል፡፡

የሪቬራ ሆቴል ለሜቴክ የተሸጠው አቶ ዓለምና ሜጀር ጄኔራል ክንፈ ዳኘው ባላቸው ዝምድና በመመሳጠር መሆኑን በሚመለከት መርማሪ ቡድኑ ስለገለጸው ማስረጃ ተጠይቆ፣ ማስረጃ እንደሌለው ምላሽ ሰጥቷል፡፡ የአቶ ዓለም ጠበቆች ለፍርድ ቤቱ አቶ ዓለም የተጠረጠሩበት ጉዳይ በፍትሐ ብሔር የሚታይ መሆኑን ጠቁመው፣ ተጨማሪ ጊዜ ሊጠየቅባቸው እንደማይገባም አስረድተዋል፡፡

መርማሪ ቡድኑ በሰጠው ምላሽ አቶ ዓለም ሪቬራ ሆቴል የተገነባበት የቦታ ስፋት 11 ሺሕ ካሬ ሜትር ሆኖ ሳለ፣ በሽያጭ ውል የፈጸሙት ግን በ6,941 ካሬ ሜትር መሆኑን፣ ሆቴሉን የገነቡት ከቀረጥ ነፃ በገባ ማቴሪያል መሆኑንና ለሦስተኛ ወገን ማስተላለፋቸው ወንጀል እንደሆነ፣ እንዲሁም ካገኙት የካፒታል ዕድገት ለመንግሥት መክፈል የነበራቸው 15 ሚሊዮን ብር ሜቴክ እንዲከፍል ማድረጋቸው ወንጀል መሆኑን አስረድቷል፡፡

ጠበቆቹ እንዳስረዱት ሜቴክ ከቀረጥ ነፃ የግንባታ ዕቃዎችን ማስገባትና ባለ አምስት ኮከብ ሆቴል መገንባት ስለሚችል፣ ሆቴሉን ያለምንም ቀረጥ መግዛቱ ተገቢና ሕጋዊ መሆኑን አስረድተዋል፡፡ የግራ ቀኙን ክርክር የሰማው ፍርድ ቤቱ የተጠርጣሪውን ክርክር ውድቅ በማድረግ፣ መርማሪ ቡድኑ ከጠየቀው 14 ቀናት ውስጥ ስምንት ቀናት ፈቅዶ ለታኅሳስ 11 ቀን 2011 ዓ.ም. ቀጠሮ ሰጥቷል፡፡   

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የገጠር መሬት ማሻሻያና የመሬት ባለቤትነት ጥያቄ በኢትዮጵያ

በኢትዮጵያ ከቅርብ ወራት ወዲህ መሬትን በተመለከተ ጠንከር ያሉ የለውጥ...

በፖለቲከኞች እጅ ያለው ቁልፍ

ኢትዮጵያ በተለይ ካለፉት አምስት ዓመታት ወዲህ ሰላሟ መረጋጋት አቅቶታል፡፡...

የኤክሳይስ ታክስ ረቂቅ አዋጅ ፓርላማው ያፀደቀውን አዋጅ የሚጥሱ ድንጋጌዎችን በማካተቱ እንዳይፀድቅ ተጠየቀ

ሰሞኑን ለሕዝብ ተወካዮች ምክር ቤት የቀረበው የኤክሳይስ ታክስ ማሻሻያ...

በፀጥታ ችግር ሳቢያ ከተለያዩ አካባቢዎች ተፈናቅለው አማራ ክልል የገቡ ዜጎች ቁጥር 800 ሺሕ መድረሱ ተነገረ

በቤኒሻንጉል ጉሙዝ ክልል 112 ሺሕ ተማሪዎች ከትምህርት ገበታ ውጪ...