Monday, July 15, 2024
- Advertisement -
- Advertisement -
ዜናከነትጥቃቸው ቤተ መንግሥት የገቡ ኮማንዶዎች በጽኑ እስራት ተቀጡ

ከነትጥቃቸው ቤተ መንግሥት የገቡ ኮማንዶዎች በጽኑ እስራት ተቀጡ

ቀን:

መስከረም 30 ቀን 2011 ዓ.ም. ግዳጃቸውን አጠናቅቀው በመመለስ ላይ የነበሩና ለጠቅላይ ሚኒስትር ዓብይ አህመድ  (ዶ/ር) ጥያቄ እናቅርብ በማለት ቤተ መንግሥት ከገቡ የመከላከያ ኮማንዶ አባላት በ66ቱ ላይ ከአምስት ዓመት እስከ 14 ዓመት የሚደርስ ቅጣት ተላለፈ፡፡ በቀሪዎቹ ላይ አስተዳደራዊ ውሳኔ ተላልፎባቸዋል፡፡

ኮማንዶዎቹ የተከሰሱት በቀዳሚ ወታደራዊ ፍርድ ቤት ሲሆን፣ ከ500 መቶ በላይ ታዳሚዎችና የመከላከያ ሚዲያ ባለበት በግልጽ መካሄዱልንና የመከላከያ ወታደራዊ ጠበቃ ቆሞላቸው ክሳቸውን መከታተላቸው ተገልጿል፡፡

ይህ የተገለጸው ዛሬ ቅዳሜ ታኅሳስ 6 ቀን 2011 ዓ.ም. በመከላከያ ሚኒስቴር ቤላ ክላስተር የመከላከያ ወታደራዊ ፍትሕ ዳይሬክቶሬት ዳይሬክተር ኮሎኔል መሸሻ አረዳ፣ የመከላከያ ወታደራዊ ፍርድ ቤት ተከላካይ ጠበቃ ሻለቃ ደሳለኝ ዳካና የመከላከያ ወታደራዊ ዓቃቤ ሕግ ሻምበል ኃይለ ማርያም ማሞ በሰጡት መግለጫ ላይ ነው፡፡

የኮማዶዎቹ ድርጊት በሁሉም የመከላከያ ሠራዊት አባላት ውስጥ ምሬትን እንደፈጠረ የገለጹት ኮሎኔል መሸሻ፣ በወታደራዊ ፖሊስ ምርመራ ተካሂዶ፣ በወታደራዊ ዓቃቤ ሕግ ክስ ተመስርቶ፣ በወታደራዊ ፍርድ ቤት ክሱ ታይቶና የወታደራዊ ጠበቃ ቆሞላቸው የተካሄደ የክስ ሒደት እንደሆነ አስረድተዋል፡፡

የፍርድ ሒደቱ የተከናወነው በብላቴ ማሠልጠኛ ውስጥ ሲሆን፣ ተከሳሾቹም በታጠቅ ማረሚያ ቤት መታሰራቸውም ተገልጿል፡፡

በተከሳሾቹ ላይ የተመሠረተው ክስ እንደደረሳቸው ከተከሳሾቹ ጋር ተገናኝተው ክሱ እንዲደርሳቸውና እንዲረዱት መደረጉን የተናገሩት የመከላከያ ወታደራዊ ተከላካይ ጠበቃ ሻለቃ ደሳለኝ በበኩላቸው፣ በተከሳሾቹ ጥፋተኝነትና በቅጣቱ ላይ ይግባኝ በማለት ወደ ወታደራዊ ይግባኝ ሰሚ ፍርድ ቤት ለመሄድ ዝግጅት ላይ እንደሚገኙ አክለዋል፡፡

ወታደሮቹ የተመሠረተባቸው ክስ ወታደራዊ አመጽ በማነሳሳትና ትዕዛዝ ባለመቀበል መሆኑም ተነግሯል፡፡

ከነትጥቃቸው ቤተ መንግሥት በገቡ የመከላከያ ሠራዊት ኮማዶዎች ላይ የተላለፉ ቅጣቶች ዝርዝር፡ –

  1. አንድ ተከሳሽ በ14 ዓመት ጽኑ እስራት
  2. ሦስት ተከሳሾች በ13 ዓመት ጽኑ እስራት
  3. 11 ተከሳሾች በ12 ዓመት ጽኑ እስራት
  4. 12 ተከሳሾች በ11 ዓመት ጽኑ እስራት
  5. አራት ተከሳሾች በ10 ዓመት ጽኑ እስራት
  6. 16 ተከሳሾች ከዘጠኝ ዓመት እስከ ዘጠኝ ዓመት ከስድስት ወር ጽኑ እስራት
  7. ሁለት ተከሳሾች በስምንት ዓመት ጽኑ እስራት
  8. 10 ተከሳሾች ከሰባት ዓመት እስከ ሰባት ዓመት ከስድስት ወር ጽኑ እስራት
  9. አምስት ተከሳሾች ከስድስት ዓመት እስከ ስድስት ዓመት ከስምንት ወር
  10. አንድ ተከሳሽ በአምስት ዓመት ጽኑ እስራት ተቀጥተዋል፡፡
spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሚዲያው በሕዝብ የህሊና ችሎት ከተዳኘ በቂ ነው!

መሰንበቻውን ድንገት ሳይታሰብ ያለ ማስጠንቀቂያ ጠቅላይ ሚኒስትር ዓብይ አህመድ...

የባህር በር ጉዳይ

በታምሩ ወንድም አገኘሁ ድሮ ድሮ ገና ልጅ ሆኜ ፊደል እንደቆጠርኩ...

አገሩ ፖለቲካዊ ስክነትና መደማማጥ ያስፈልገዋል

በንጉሥ ወዳጀነው    ኢትዮጵያ የሁላችንም የጋራ ቤት ነች፡፡ ‹‹ጥያቄዬ ተመለሰልኝ››፣...

የመንግሥት የሰብዓዊ መብት ተቋም ለምን የመንግሥት ሚዲያን ማስተማር አቃተው

በገነት ዓለሙ የአገራችን የ2016 የበጀት ዓመት መሰናበቻና የአዲሱ የ2017 በጀት...